2 Corintios 9:2 - Nuevo Testamento Toba Sur

² Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

Nuevo Testamento Toba Sombrero Negro

² Joote ami jayate'n queda'me eja jetaque alecochiiyalo. Qo'che' 'uo da'me ñi'yoĝodenaĝac ca'li ja'aqataĝatapema jogaa'me qadaqaya'olqa 'me neda'ña di'me aleua 'me Macedonia queda'me ami 'me at'achaqadi' di'me Acaya, ami uetauelo da'me nach'e eta't jetaque alecochiiyalo chiyoqo'teguet jo'me uo'e laqaya. Ca'li domachita da'me dojo' jogaa'me Macedonia laje' qayoĝode' jogaa'me yauote da'me lecochaĝa'j.

La'aqtaqa Ñim Lo'onatac 'Enauacna 2013

² Cha'aye aỹem mashe ime da saỹateeta da qami' saishet da huo'o ca qaupaquiitaique da qautaunaxañi. Qaq ỹoqo'oye aỹem ỹataqta huo'o da ña'amqaanaxac da sa'aqtaxaateguem nam hueta'a na 'alhua Macedonia da qami' maye qoviita'a na 'alhua Acaya, da ỹataqta qami' lhuotte' da qautaunaxañi so lỹa vi'i. Qaq na lma' na 'alhua Macedonia co'ollaq ỹaỹaten de'era, nache qalota namayepi na huo'o da lhuennataxac da nataqa'en detaunaxan.

2 Corintios 9:2 Referans Kwoze

2 Corintios 8:10

Qaq qami' sanema de'eda iuennataxac, yaqto' saqca ca da da qoñiita. Qami' so lÿa vi'i sogote da qau'ochiitac de'eda. Qaq saqdata da qau'ochiitac damayi, cha'ayi ÿataqta huo'o da qadhuogoqoi.

2 Corintios 8:8

Qaq de'eda shinapec sa ishit da ÿamaxasoxonaxac. Chaqdata da ñishitaique da qami' qauaÿajñi da n'añaxataxac cam qadÿai, yaqto' ishit da qaila'a de'eda qadsoxoyiqui qom ÿoqta 'eesa da 'en.

2 Corintios 8:24

Qaq ÿoqo'oyi qami' no'on da ÿataqta qauachaxañiÿalo qome soomayi da qadsoxoyiqui, yaqto' ishit da ÿaÿateeta na 'amqajnataxanaxaicpi ne'ena soota'a da ÿoqta qomi' 'eesoda da qami' shi'oxodenaqta'pe.

Hebreos 10:24

Qataq qomi' no'on da ñi 'oonolec ipacapegue' ca lÿa da ñaq huo'o naq'en da lsoxoyic, qataq da i'ot ca ÿaÿamaqchiguiñi.

1 Corintios 16:15

Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

1 Ts 1:7

Qaq nachida da 'eetec da huo'o mshi qami' ilolguete qataq qami' i'enaxa't 'enauac nam 'amqajnataxanaxaicpi mayi netalguete yiua 'ale'u Macedonia qataq yi Acaya.

2 Corintios 8:19

Qaq saqdata de'eda, cha'ayi 'enauac nam 'amqajnataxanaxaicpi qalca'ateu'a se'eso qadqaÿa, da yaqto' ñinaigaqtague', qataq da yaqto' qomi' itaua'n de'eda souaqtapegue' nachitaqtaxanaxac mayi so'otaqtac da yaqto' ÿi'oxodaq naq'en ñi qadataxala' qataq yaqto' ishit da qaila'a de'eda qan'añaxataxaqui.

2 Corintios 7:4

Qaq ÿataqta qalota da ñaquitaxac qataq ñitonaxac souaxat da qoñiita. Qaq nai'ctaxa da souaqtangui 'enauac na qanque'ejnaxaguesat, qalaq aÿim ñanomteguet da i'añaxac qataq aÿim nlaqchigui da ñitonaxac.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

Hechos 24:17

Qaq can mashi qaÿoqteguelo soua vi'iyi da secoleetac, nachi aÿim ñi'iguelaxa yi ima' da ñidoi' aso i'agaxanaqte qataq da sanot aca ÿachitaqtaxanaqte ñi Dios.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

2 Corintios 7:14

Qaq sa ishit da huo'otaq ñi'aloxootac can shiitega so Tito da aÿim ÿataqta huo'o da ñitonaxac souaxat da qoñiita. Chaqdata da 'enauac nam qami' sa'axataxama ÿataqta 'eesoda. Qaq nachi 'en'am da qad'aqtac can shinaqtega so Tito ÿataqta 'eesa da qomi' samaqchiguiñi souaxat da qoñiita.

2 Corintios 8:11

Qaq ÿoqo'oyi nagui no'on da qoquiitot da qau'ochi damayi, ivitta'a da qaumachi. Ÿataqta qau'enaxachiichigui da qadhuogoqoi can chita'ague da qauachitaqtaxañi, da qai'añi acam qanaloitau'a.