2 Corintios 9:15 - Nuevo Testamento Toba Sur

¹⁵ Qomoxochictaxa qone', ¡sanqot da qan'achiquiaxac ñi Dios, cha'ayi ñimayi ÿataqta lta'adaic da qomi' ÿanema qan'achiquiaxac, qaq damayi sa ishit da sañoxotaq da sa'axataq ca naigui!

Nuevo Testamento Toba Sombrero Negro

¹⁵ ¡Janem da'me yamaic ñe'me Dios queda'me 'uo da'me qo'mi yeyala'aque jo'ne yataqachiñe let'adaic, jo'ne qaya'te 'yaqataqa ta'le ja'aĝatetac!

La'aqtaqa Ñim Lo'onatac 'Enauacna 2013

¹⁵ ¡Sanqot da qana'achecỹaxac Ñim Lo'onatac 'Enauacna, cha'aye Ñimaye ỹataqta lta'araic da qomi' ỹanema qana'achecỹaxac, qaq damaye saishet da sañoxotaq da ỹataqta sa'axataqta!

2 Corintios 9:15 Referans Kwoze

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

Efesios 5:20

Qataq nachi 'eetai' qome da qai'añiitacot da qantonaxaqui ñi qadta'a Dios souaxat 'enauac na lataxaguesat, cha'ayi qami' qoviito'ot so qadataxala' Jesucristo.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Romanos 8:32

Cha'ayi ñim Dios mayi ÿataqta sa ÿauota'ac so lalamaxat llalec, chaqdata da ÿanguet da nalaataguec souaxat da shinaqta. Qaq ¿táloxochiyictoxo' da sa lÿateec naq'en so llalec da qomi' ÿanema 'enauacna, da yaqto' qadalamaxat?

Santiago 1:17

'Enauac na ÿaÿamaqchiguiñi qataq nalochiguiñi mayi qomi' qoÿanema, namayi chigaqshiguem, chigoqtot ñi Dios ñim l'onata ana ishit da icoÿadelecna. Ñimayi sa ishit da nadalaxajla't, qataq sa ishit da nqochin, 'ico' ca lpaqal.

1 Corintios 15:57

Qalaxayi saqalota da qan'achic ñi Dios da qomi' ÿanema da sauegaxanaq, chigoqchigui naq'en so qadataxala' Jesucristo.

Apocalipsis 4:9

Qaq naxa da se'esoua shiguiÿac da ÿi'oxode'n, ÿi'oxodeetrac, qataq ÿanoto da ntonaxa'c som nso'ootangui aso so'onaxaqui mayi chochaq tateec da nachaalataxac,

Romanos 6:23

Cha'ayi dam ñi'itaxaloxo da deshiitenaxan, qalaq deshiitenaxana da nleuaxa. Qaq dam lqouagaxanaqtaic ñi Dios, qalaxayi da mashi souaqto'ot so Cristo Jesús som qadataxala', nachi deshiitenaxana da achaalataxac mayi qaica ca loga't.

2 Corintios 9:11

yaqto' qami' ishit da huo'o 'enauac dam qadsallaqai, qaq yaqto' ishit da qauachitaqtaxañi. Ime, qaq qomi' qauamaqaiguelo aca qadachitaqtaxanaqchi, yaqto' ca qadqaÿañicpi ishit da ÿaatacot da n'achic ñi Dios.

Romanos 5:15

Qalaxayi de'eda lasouaxashit so Adán, damayi sa ishit da qanaloqnaxanguet dam lachitaqtaxanaxat ñi Dios mayi qomi' ÿanema. Cha'ayi de'eda lasouaxashit so 'oonolec shiÿaxaua ÿasouaxat da qalota na ileu. Qalaxayi de'eda nca'alaxa, damayi ÿataqta ÿacteec da lta'adaic, da yaqto' qalota na ishit da ÿaÿamaxañi. Qaq damayi chochi qomi' ÿaatema ñi Dios, chigoqchigui naq'en so 'oonolec ÿale, l'enaxat Jesucristo.

Juan 1:16

Qaq 'enauac da shinaqta saconaxaguet dam chochaq huañi lsallaxa dam lqouagaxanaqtaic mayi nacalec lÿa da qomi' ÿanema.

Lucas 2:14

¡Ÿataqta lta'adaic da ñi'oxonnataxanaxac ñi Dios mayi neto'ot na piguem, nataq'en na 'alhua huo'o da l-lagaxa na shiÿaxauapi mayi ÿaÿamaxadeeta ñimayi!

Lucas 2:38

Qaq aso Ana nataq'en ÿalectauo se'eso na'a'q. Qaq co'ollaq ime da ÿaatacot da n'achiquiaxac ñi Dios, nachi i'axattac so nogotolec Jesús, da'aqtaxaatapeguem 'enauac nam iuattaique cam na'a'q qom ÿataqta huesochiguiñi qanqoÿin yi Jerusalén.

2 Corintios 9:14

Qataq camayipi nachi ishit da qami' nqouagaxaueetapeguelguete, cha'ayi ÿataqta qalota da lauochi da qoñiita, souaxat da lqouagaxanaqtaic ñi Dios mayi qami' ÿanema.