2 Corintios 9:13 - Nuevo Testamento Toba Sur

¹³ Qataq camayipi ishit da ÿi'oxodeetac ñi Dios, cha'ayi de'eda qadtaunaxanaxaqui ichoxot da qami' ÿataqta qaualaqaiguet da no'on qad'axaÿaxac mayi i'axat da n'aqtaguec so Cristo. Nataq'en camayipi ishit da ÿi'oxodeetac, souaxat aca qadtaunaxanaqchi mayi qau'ochi da qauamaqaÿa camayipi qataq nataq'en 'enauac nam laÿipi.

Nuevo Testamento Toba Sombrero Negro

¹³ Janjo' necochaĝanaqate nach'eda yaloĝon queda'me ami auacoñiyeguet da'me onaĝaic 'naqataĝanaĝac nataq'aen auoqochiya ga'me 'yaĝatetac. Qo'che' jogaa'me netotedapec nataq'aen 'nonaĝachidegue joñe'me Dios.

La'aqtaqa Ñim Lo'onatac 'Enauacna 2013

¹³ De'era qartaunaxanaxaqui ỹachaxan da qami' ỹataqta qaualaqaiguet da no'on na'axaỹaxac maye ỹa'axat da na'aqtaguec So Cristo. Ỹoqo'oye camayepi ishet da ỹo'oxoreetac, qataq huo'o naq 'enec naqa'en Ñim Lo'onatac 'Enauacna.

2 Corintios 9:13 Referans Kwoze

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

Gálatas 1:24

Nachi ÿi'oxodeetac ñi Dios, souaxat aÿim.

2 Corintios 2:12

Co'ollaq aÿim ñivita yi la ciudad Tróade da sa'axat da n'aqtaguec so Cristo, huaña yimayi, nachi ñatenalec da ÿataqta qaica ca aÿim nqanaxat da so'onataxanot so qadataxala'.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

Hebreos 10:23

Qaq ÿataqta ñi'añaxataqtec qome da qanaquitaxac da qad'amqajnataxanaxac, cha'ayi ñi Dios ÿataqta ipacchigui qome da qomi' ÿachaxanapeguema.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

1 Timoteo 6:12

'An'añaxajleco' qome da 'adpi'iÿaxac, yaqto' ishit da 'anauec da achaalataxac mayi chochi tateec. Cha'ayi de'eda achaalataxac nachida da huo'o mshi Dios 'am iÿaxana, qataq mashi ime da 'anachaachisop da 'au'axat da 'adpi'iÿaxac, qataq saqalota na 'am ÿauaachigui.

2 Corintios 10:5

da yaqto' ishit da ñilaxataxañi 'enauac nam chochi qai'ot nasouaxashitpi qataq ca machaqca npa'aguenataxanaxac mayi n'amaqten da huotaique da nqanaxat da yaqto' sa ishit da qaÿauatton ñi Dios. Qataq 'enauac nam lhuennataxacpi na shiÿaxauapi ÿataqta ñillaqañi da sanqot so Cristo, da yaqto' ÿalaxaguet somayi.

2 Corintios 8:4

Qataq ÿataqta qomi' nachoxodeetapoiguilo da sauaxasoqta'a da nhuanau'a de'eda ntaunaxanaxac da qaitauan ca qadqaÿañicpi.

Romanos 16:26

Qalaxayi nagui mashi qaichoxot, chigoqchiguilo qanqoÿin naua ñiyigui'shi l'aqtaqa ñi Dios mayi ÿilyiñi da n'onaxatrañi som hua'au l'aqtaxanaxanecpi. Qaq damayi nateeteguet dam lamaxasoxonaxac ñim Dios mayi chochaq tateec. Qaq de'eda saq cha'a mayi 'eetapeguec ñi Dios, damayi ÿauattonaxanaxanec nagui naq'en na ÿotta'a't shiÿaxauapi, da yaqto' i'amaqten ñimayi qataq ÿalaxaguet.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Hechos 4:21

Nachi so nta'alpi ÿataqta ÿadeetegalo soomayi, qalaxayi ÿachaxaadeec. Cha'ayi sa ishit da qaÿanata cam qaÿachigoxotchigui da yaqto' qaiuaxa'n, cha'ayi 'enauac na shiÿaxauapi ÿataqta ÿi'oxodeetac ñi Dios, souaxat de'eda qanayiuaigui.

Juan 15:8

Ñi ita'a huo'o da ñi'oxonnataguec da huo'otaq ÿataqta qalota da alaÿaxac da qoñiita, nachi qami' ishit da ÿataqta qaviyiÿa'a da qami' ÿapaxaguenataqa.

Lucas 6:46

Qami' naxa da aÿim qauÿaxañiÿa, qalaq qoñiita', “'Am mayi 'am qadataxala',” qalaq ¿tá'ainco' yi sa ishit da qau'ochi cam shinapec?

Mateo 9:8

Nachi na shiÿaxauapi co'ollaq ÿauaachigui de'eda, nachi ÿataqta huo'o da lcolanaxa. Nachi ÿi'oxodeetac ñi Dios, souaxat da ñimayi ÿanem de'eda n'añaxac na shiÿaxauapi.

Romanos 10:16

Qalaxayi sa ishit da 'en'a't da qaÿoqocha'a de'eda n'aqtaxanaxac mayi i'axat da nca'alaxa. Qaq ipacchigui da l'aqtac so Isaías co'ollaq 'eeta': “'Am ÿataxala', ¿negue'tom ca ishit da i'amaqten da qad'aqtaxanaxac?”

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

Romanos 15:31

da yaqto' ñimayi aÿim nca'alaxateeguesop nam sa da'amqajnataxanpi mayi netaña yi Judea, qataq yaqto' aca ntaunaxanaqte mayi seda'a ca qadqaÿañicpi mayi netaña yi Jerusalén ishit da saqca ca da qom qaÿaconguet,

2 Corintios 9:14

Qataq camayipi nachi ishit da qami' nqouagaxaueetapeguelguete, cha'ayi ÿataqta qalota da lauochi da qoñiita, souaxat da lqouagaxanaqtaic ñi Dios mayi qami' ÿanema.

1 Timoteo 6:13

Qaq nagui qomi' ÿauaachiguilo ñi Dios mayi chigoqtacot da lca'alaxa 'enauacna, nataq'en ñi Jesucristo mayi i'axat da lpi'iÿaxac co'olloxochi qaÿataxaato'ot so nta'a Poncio Pilato. Ÿoqo'oyi nagui 'am shinapega