2 Corintios 9:11 - Nuevo Testamento Toba Sur

¹¹ yaqto' qami' ishit da huo'o 'enauac dam qadsallaqai, qaq yaqto' ishit da qauachitaqtaxañi. Ime, qaq qomi' qauamaqaiguelo aca qadachitaqtaxanaqchi, yaqto' ca qadqaÿañicpi ishit da ÿaatacot da n'achic ñi Dios.

Nuevo Testamento Toba Sombrero Negro

¹¹ Qama'le naq'aeta da'me yodapecache gaa'me neuoyaĝaco ami yanema, qaedi auaqanachichi ta'le auechetaĝañi. Jaga'me anaicauai jo'ne auapichiñiya't qaedi jachoĝojoq qomle, dojo' chiyaqayi da'me qayoĝode' gaa'me 'nonaĝachidegue ñe'me Dios qomle.

La'aqtaqa Ñim Lo'onatac 'Enauacna 2013

¹¹ Qami' ỹo'oteque da qami' sallaxanaqa, yaqto' ishet da lta'araic ca qaỹa'añi. Yaqto' qalota nam ỹaatacot da na'achecỹaxac Ñim Lo'onatac 'Enauacna souaxat aca qo'omi maye qalaỹoñiỹa't da qomi' sachoq acamaye da seraxa yemayepi.

2 Corintios 9:11 Referans Kwoze

2 Corintios 4:15

Qaq 'enauac de'eda yi'oq, yaqto' qami' qauaÿamqaiñi, yaqto' da qalota na ÿaconguet da lqouagaxanaqtaic ñi Dios, qaq qalota nataq'en na ÿaatacot da n'achic, qaq damayi naigui da lli'oxoyic ñi Dios.

2 Corintios 9:12

Cha'ayi da qomi' sanaxam aca qadtaunaxanaqte ca qadqaÿañicpi, qaq sa ishit da chaqdata da sanaxam cam iueetac. Cha'ayi nataq'en qomi' so'otaq da camayipi ishit da ÿataqta ÿaatacot da lta'adaic n'achiquiaxac ñi Dios.

2 Corintios 1:11

lamaaxa da qomi' qautauañi', qomi' qanqouagaxauñiitalguete. Qaq da saqalota na shiÿaxauapi qomi' nqouagaxaueetalguete, qaq nachi 'en'am saqalota na ÿaatacot da n'achiquiaxac ñi Dios souaxat da lqouagaxanaqtaic mayi qomi' ÿanema.

2 Corintios 8:19

Qaq saqdata de'eda, cha'ayi 'enauac nam 'amqajnataxanaxaicpi qalca'ateu'a se'eso qadqaÿa, da yaqto' ñinaigaqtague', qataq da yaqto' qomi' itaua'n de'eda souaqtapegue' nachitaqtaxanaxac mayi so'otaqtac da yaqto' ÿi'oxodaq naq'en ñi qadataxala' qataq yaqto' ishit da qaila'a de'eda qan'añaxataxaqui.

2 Corintios 8:16

Qaq sanot da ñi'achiquiaxac ñi Dios, cha'ayi ñimayi ÿachanguit ana lquiyaqte so Tito da 'eeta'am naq'en aÿim da huo'o da lyaxa da qami' itaua'n.

1 Corintios 1:5

Cha'ayi souaxat da qan'ayiitau'a somayi, nachi ñi Dios qami' ÿanema 'enauac na ÿotta'a't nsallaxa mayi saq cha'a da qami' ÿanema da qad'aqtaxanaxaqui, nataq'en da qadauattonaxanaxaqui.

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

Mateo 20:15

Cha'ayi ¿sa ishito' peta'a da aÿim maichi soiqueetac ca sangui aca maichi aÿom? ¿Loqo' chaq 'am 'adquiÿatega peta'a da souaxat da aÿim choxonnataxanaxaic?”

Mateo 25:17

Qaq nachi 'eetec nataq'en som ÿaconguet asom dos mil, somayi ivi' dos mil aso laÿi laueque.