2 Corintios 8:8 - Nuevo Testamento Toba Sur

⁸ Qaq de'eda shinapec sa ishit da ÿamaxasoxonaxac. Chaqdata da ñishitaique da qami' qauaÿajñi da n'añaxataxac cam qadÿai, yaqto' ishit da qaila'a de'eda qadsoxoyiqui qom ÿoqta 'eesa da 'en.

Nuevo Testamento Toba Sombrero Negro

⁸ Ja naqaeda ta'le ami janema ga'me yamaĝajoĝonaĝac. Jaldata da'me jetaque auayachiñe da'me eeta da'me yauote lajaqaje' jogaa'me qadaqaya'olqa jo'ne p'etaqadaiquipi, qaedi ami auaqanachichi ta'le aualoĝoñi da'me adoqopich'ii jo'ne qaya'te lale'gue.

La'aqtaqa Ñim Lo'onatac 'Enauacna 2013

⁸ Qaq de'era saishet da ỹamaxasoxonaxac. Nachaqrata da ñeshetaique da qami' qauaỹaañi da 'eetec da lachetaqtaxanaxac na laỹepi 'amqaanataxanaxaicpi, da yaqto' qami' ishet nataqa'en da qauachaxañi dam huesota qarsoxoyiqui.

2 Corintios 8:8 Referans Kwoze

1 Corintios 7:6

'Enauac de'eda qami' sa'axattapeguema, damayi chochi ÿinnataxanaxac, qaq sa ishit da ÿoqta ÿamaxasoxonaxac.

Hebreos 10:24

Qataq qomi' no'on da ñi 'oonolec ipacapegue' ca lÿa da ñaq huo'o naq'en da lsoxoyic, qataq da i'ot ca ÿaÿamaqchiguiñi.

2 Corintios 9:7

Qaq ÿoqo'oyi ñi 'oonolec ishit da ÿan cam lcata cam tachigui da lquiyaqteÿaxac, qaq sa ishit da chochi nachita'a, huo'otaq da chochi qaÿamaqtalec. Cha'ayi ñi Dios ÿataqta ÿaÿamaxadeeta cam dachitaqtaxan mayi ÿataqta machiguiñi.

2 Corintios 6:6

Nataq'en ichoxot da qomi' l-lataqa ñi Dios da no'on qadataxac, qataq da qadauattonaxanaxac mayi 'eesa, qataq da qadhualaxavic, qataq da qadauotaxanaqtaic, qataq da nachi 'eetai' da qomi' hueta'agueta so Espíritu Santo, qataq dam 'eesa qadsoxoyic,

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Efesios 6:24

Qaq ñim Dios ÿanem qome ca no'on 'enauac nam ÿauotec so qadataxala', nam sa ishit da ÿalat da lauochi somayi. Aja', nachi 'eetec.

Efesios 4:15

Chaqdato' da naua qad'aqtaqa qalaq ÿataqta 'eesoda, qataq qomi' soxodaiqa, qataq ÿataqta nquictashiguem da no'on qadataxac, cha'ayi ñi'adaqtau'a so Cristo mayi nachiso so lqaic de'eda n'oquiaxac.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

2 Corintios 8:24

Qaq ÿoqo'oyi qami' no'on da ÿataqta qauachaxañiÿalo qome soomayi da qadsoxoyiqui, yaqto' ishit da ÿaÿateeta na 'amqajnataxanaxaicpi ne'ena soota'a da ÿoqta qomi' 'eesoda da qami' shi'oxodenaqta'pe.

2 Corintios 8:10

Qaq qami' sanema de'eda iuennataxac, yaqto' saqca ca da da qoñiita. Qami' so lÿa vi'i sogote da qau'ochiitac de'eda. Qaq saqdata da qau'ochiitac damayi, cha'ayi ÿataqta huo'o da qadhuogoqoi.

1 Corintios 7:25

Qaq ca shiÿaxaua mayi saxanaxa da huadon, aÿim qaica ca ÿaqataxac chigoqo'ot so qadataxala' da sanem. Qalaxayi sami' da iuennataxac, cha'ayi aÿim mashi sevi' da aÿim npe'et souaxat da lchoxonnataxanaxa so qadataxala'.

1 Corintios 7:12

Qaq na laÿipi 'amqajnataxanaxaicpi aÿim ñalligoxottela't da shinapega, qaq sa nachiso so qadataxala'. Da huo'o ca huo'o aca lhua mayi sa ishit da da'amqajnataxan, qaq acamayi da ÿaÿamaxadeeta da neta'aguet camayi, qaq ca ÿale no'on da sa ishit da nalate'.

Romanos 12:9

Ÿataqta 'eesa qome da qadsoxoyiqui ñi 'oonolec da ÿauotec ca lÿa. Qataq ÿataqta sa qauojñiÿa'aguet qome ca sa ÿaÿamaxañi, qataq qoquiigue ca ÿaÿamaqchiguiñi.