2 Corintios 8:4 - Nuevo Testamento Toba Sur

⁴ Qataq ÿataqta qomi' nachoxodeetapoiguilo da sauaxasoqta'a da nhuanau'a de'eda ntaunaxanaxac da qaitauan ca qadqaÿañicpi.

Nuevo Testamento Toba Sombrero Negro

⁴ nataq'aen chayovida'a jalcote qo'mi nachoĝodenoto qaedi jajenaqa'tem da'me qaedi yacoteguet da'me qadecochaĝac jogaa'me Dios lec'oqo'tepi.

La'aqtaqa Ñim Lo'onatac 'Enauacna 2013

⁴ ivira'a da qomi' nachoxoreetacoto da sa'axasoqta'a, da nache queto'ot da itauaatac nam lalamaxatpi Ñim Lo'onatac 'Enauacna.

2 Corintios 8:4 Referans Kwoze

Hechos 24:17

Qaq can mashi qaÿoqteguelo soua vi'iyi da secoleetac, nachi aÿim ñi'iguelaxa yi ima' da ñidoi' aso i'agaxanaqte qataq da sanot aca ÿachitaqtaxanaqte ñi Dios.

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

2 Corintios 9:1

Qaq de'eda lataxac da qai'ot aca ntaunaxanaqte da yaqto' qaitauan ca qad'amqajnataxanaxaua, qalaq damayi sa ishit da iuen da shiyiñi.

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

1 Corintios 16:15

Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

Gálatas 2:10

Qaq chaqdata da qomi' iÿaxanoto da seuennaqta'a da setauanaq na choxodaqpi. Qaq damayi nachi 'eetai' quenaxa da ñiuogoqtapeguelec da so'ot.

1 Timoteo 5:10

Qataq qaÿauattoota da l'onataxanaxac ÿaÿamaqchiguiñi. Qaq 'eda da n'aqtaguec acamayi: Da ÿataqta no'on da lco'oxoc, qataq da ilo'oguet ca namaxasoxoic, qataq qaica ca huotaique da huapegue' na 'amqajnataxanaxaicpi, qataq da huo'otaq mashi itauaatac da huo'o ca huetapigui ca lÿa, qataq da huo'o ca lÿa l'onataxanaxac ÿaÿamaqchiguiñi.

1 Corintios 16:1

Qaq qom qau'ochi aca ntaunaqte na qadqaÿañicpi 'amqajnataxanaxaicpi, qalaq qau'enaxachiichigui da ÿapaxaguenataxanaxac mayi sanem na 'amqajnataxanaxaicpi mayi netaña yi 'alhua, l'enaxat Galacia.

Romanos 15:31

da yaqto' ñimayi aÿim nca'alaxateeguesop nam sa da'amqajnataxanpi mayi netaña yi Judea, qataq yaqto' aca ntaunaxanaqte mayi seda'a ca qadqaÿañicpi mayi netaña yi Jerusalén ishit da saqca ca da qom qaÿaconguet,

Hechos 16:15

Ime, nachi asomayi qanachilaxan, nataq'en 'enauac so llalaqpi. Qaq co'ollaq ime, nachi asomayi qomi' nachoxonnoto, 'eeta': –Qami' qom ÿoqta 'eesa da qauauattoñi da aÿim sa'amaqten so qadataxala', qaq no'on da qanqo'oñiÿa yi ima' da qad'ochaqa'ai. Nachi asomayi ÿataqta qomi' 'enapegalo da ñi'onaqaña so lma'.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

Marcos 14:7

Qami' nachi 'eetai' da qoviita'aguet na choxodaqpi, qaq ÿataqta da ivita da huo'o ca qau'ochiic. Aÿim, qalaxayi sa ishit da nachi 'eetai' da qami' soota'agueta.

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Mateo 10:42

Qataq camachaqca shiÿaxaua, da huo'otaq ÿami' ca ÿataqta atom 'etaxat ca 'oonolec nam saq 'amaqtaqpiolec, qaq souaxat da aÿim quetague' namayipi, qaq camayi ÿataqta huo'o qome da nshiitenaguec.