2 Corintios 8:3 - Nuevo Testamento Toba Sur

³ Qaq aÿim ÿataqta sauaachigui yimayipi da ÿataqta huo'o da lyaxa da detaunaxan. Qaq ÿan 'enauac dam nalotau'a, ivida'a da ÿataqta ÿapacauec naq'en da lachitaqtaxanaxac.

Nuevo Testamento Toba Sombrero Negro

³ Eja naqayem ja'aĝatetac queda'me yadegue yema ga'me maqachaĝa yaqanate't, nataq'aen yaguegue q'aen ga'me yadegue. Ja naqaeda ta'le qopaquetapegue'to, dite da'me naq'aeta da'me mach'e yauote,

La'aqtaqa Ñim Lo'onatac 'Enauacna 2013

³ Qaq ỹataqta 'eesa da yemayepi ỹan 'enauac cam nalotaua'a. Ivira'a da ỹataqta ỹapacauec naqa'en da lachetaqtaxanaxac. Qataq saishet da choche qaỹamaqtalec, nachaqrata da ỹo'ot cha'aye maiche lhuennataxac,

2 Corintios 8:3 Referans Kwoze

Filemón 1:14

Qalaxayi aÿim sa ishit da huo'o ca sa'aulec, cha'ayi sa iuena'a da huo'otaq sa 'auaÿamaxaden, yaqto' que'eca 'adqouagaxanaqtaic da shiita, sa ishit da 'ico' 'am qaÿamaqtalec. Chaqdata da maichi 'am chigoqchigui.

1 Corintios 16:2

Da iviteuga ca na'a'q l'auaxanec naua la semana, nachi ñi 'oonolec da qoñiita huo'o aca iÿotauga, qalaxayi acatai' nalotau'a nachaca ÿaÿamaxat, yaqto' sa ishit da iuen da qai'ot aca ntaunaxanaqte qom qami' sevitalo.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

1 Corintios 9:17

Qaq ÿoqo'oyi da aÿim maichi ñalligoxottela't da iuennataxac da so'ot damayi, qaq ishíttaxa da huo'o ca ñishiitenaguec. Qalaxayi da ÿoqta aÿim qaÿamaxalec da so'ot damayi, qaq 'eesa da ÿoqta aÿim ipataxalec de'eda ñi Dios.

1 Pedro 5:2

Da ÿaqataxac 'eeta': Ÿataqta qauloÿigue qome na 'amqajnataxanaxaicpi mayi qami' ipataxalguete ñi Dios da qauloÿigue. Qau'enaxachiichigui cam ilotague' aca qagueta. Ÿataqta qanpa'ataxayiñiilec, cha'ayi nachida da 'eetapeguec ñi Dios. Sa ishit da chochi qami' qaÿamaqta'pe, qataq sa ishit da chochi qanaquichiita'a aca plata. Chaqdata da ÿataqta qanasapachiitelec da qad'onataxanaxaqui.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

1 Ts 2:8

Qomi' ÿataqta saq llalcolec da qadauotaxanaqtaic da qoñiita. Ÿoqo'oyi saqdata da qami' sanaxama da no'on qad'axaÿaxac mayi chigoqo'ot ñi Dios. Nataq'en huac da ÿataqta qami' sanaxama da maichi qanachaalataxac, souaxat da ÿataqta qami' qanauochaxa'u.

Colosenses 4:13

Cha'ayi aÿim ÿataqta sauaachigui da ñi Epafras ÿataqta qalota da lhuogoxo, souaxat da qoñiita, nataq'en nam netaña yi la ciudad Laodicea qataq yi Hierápolis.

Filipenses 2:13

Cha'ayi ñi Dios nachiñi ñi qami' ÿanema cam ÿaÿamaqchiguiñi mayi qoñiitapeguec, qataq qami' itauanque da ña qaumachiita 'enauac. Qaq damayi maichi chigoqchigui ñimayi.

Romanos 10:2

Cha'ayi aÿim sa'axat da namayipi ÿataqta lta'adaic da lyaxa da do'onataxanot ñi Dios, qalaxayi de'eda lyaqchic sa ishit da chigoqchigui ca 'eesa nauattonaxanaxac.

Gálatas 4:15

Qalaq ¿táigue que'eca qantonaxaqui mayi qauanomiiteguet co'ollaxa? Qamaq aÿim shinapec da huo'o da no'on qan'aqtaguiiqui, 'eeta': ishíttaxa da qauañoxochi da qanqachi' naua qad'ai'chilli' da aÿim qai'añiima da huo'otaq ishit da qaica ca lqalaic.

Marcos 14:8

Ada'ada 'alo, adamayi i'ot dam nalotau'a. Adamayi icodelec da i'oquiaxac so codaxat, llaxatemallaxa da saxanaxa da aÿim qailayiñi.