2 Corintios 8:23 - Nuevo Testamento Toba Sur

²³ Qaq da huo'otaq huo'o ca denataxanec so Tito, qaq qau'aqtaxañiim camayi da so Tito maichi itaua, aÿim itauaatac da qami' huetapegueto. Qaq da huo'otaq qainataxanec soua lÿa't qadqaÿa't, qalaq qau'axachi' sa soomayi maichi lamaxa'shi nam 'amqajnataxanaxaicpi mayi hueta'a ne'ena soota'a, qataq soomayi ÿi'oxodeetrac so Cristo.

Nuevo Testamento Toba Sombrero Negro

²³ Anetoviñetac queda'me Tito mach'e ñaigaĝaua, nataq'aen queda'me qadalo'ta't da'me jo'onataĝanaq qaedi ami yecochaĝalo. Anetoviñetaque gaa'me dojolqa jiyaĝa'u laqaya' jo'ne quetegue ñe'me Tito mach'e lamaĝa's gaa'me p'etaqadaiquipi jo'ne 'nonaĝachidegue ñe'me Cristo.

La'aqtaqa Ñim Lo'onatac 'Enauacna 2013

²³ Qaq da huo'otaq huo'o ca denataxanec so Tito, qaq qaua'aqtaxañim camaye da so Tito maiche itaua, aỹem itauaatac da qami' souaqtegueto. Qaq da huo'otaq qainataxanec soua lỹa't qarqaỹa't, qalaq qaua'axache' da soomaye maiche lamaxa'she nam ỹa'amaqten So Jesús maye hueta'a ne'ena soota'a, qataq soomaye ỹo'oxoreetrac So Cristo.

2 Corintios 8:23 Referans Kwoze

Filipenses 2:25

Qalaxayi nataq'en iuen da hua'auñi da qami' samaxalo ñi qadqaÿa Epafrodito ñim ñitaunaxaua de'eda qad'onataxanaxac qataq da qanloquiaxac, ñim maichi aÿim qanamaqaÿa co'olloxochiyi da yaqto' huapegue' na iuenecpi.

Filemón 1:17

Qaq ÿoqo'oyi qom ÿoqta 'eesa da aÿim 'adÿa, qaq ÿataqta qoneta'am aÿim da 'auaconguet namayi.

2 Corintios 8:6

Qaq ÿoqo'oyi qomi' ñachoxodenaqtacot so Tito, da yaqto' nachi 'eetai' da quetot naq'en da qoñiita de'eda nachitaqtaxanaxac mayi sogote co'ollaxa da i'ottac can qami' huetaiguilo.

3 Juan 1:8

Qaq ÿoqo'oyi qomi' ishit da ñachoxola't da seloxoguet namayipi da setauanaxac da l'aqtaxanaxac da i'axat da n'aqtac mayi 'eesa.

Filemón 1:24

qataq ñi Marcos, Aristarco, Demas qataq ñi Lucas mayi aÿim itauaata'pe de'eda i'onataxanaxac.

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Colosenses 1:7

Qaq damayi qami' ÿapaxaguenque so qanauochaxaua qadqaÿa Epafras. Somayi maichi qad'onataxanaxaua, qaq do'onataxaatacot so Cristo, da yaqto' qami' itaua'n.

Filipenses 4:3

Qataq 'am i'onataxanaxaua mayi saq aÿim 'auÿoteec, 'am shinapega da 'autaua'n qome que'ecaua qadqaÿa't, cha'ayi caamayi ÿataqta qalota da ltaunaxanaxa'c aÿim da sa'axataqtac da nca'alaxa, nataq'en ca Clemente qataq nam laÿipi i'onataxanaxauapi. Qaq ñi Dios mashi ÿidelec acam nanedaxalate nam nca'aleec na l'enaxatpi namayipi.

2 Corintios 12:18

Co'ollaq seÿaxanot so Tito da yaqto' qami' namaqtegalo, qalaq samaxague so lÿa qadqaÿa. Qaq ¿peta'a qami' ÿatenachi't co'ollaxa so Tito? Qaq ¿peta'a saq 'en da qomi' nachi 'eeta'a't da qadataxac, qataq 'eeta'a't da qadhuennataxac?

2 Corintios 8:19

Qaq saqdata de'eda, cha'ayi 'enauac nam 'amqajnataxanaxaicpi qalca'ateu'a se'eso qadqaÿa, da yaqto' ñinaigaqtague', qataq da yaqto' qomi' itaua'n de'eda souaqtapegue' nachitaqtaxanaxac mayi so'otaqtac da yaqto' ÿi'oxodaq naq'en ñi qadataxala' qataq yaqto' ishit da qaila'a de'eda qan'añaxataxaqui.

2 Corintios 8:16

Qaq sanot da ñi'achiquiaxac ñi Dios, cha'ayi ñimayi ÿachanguit ana lquiyaqte so Tito da 'eeta'am naq'en aÿim da huo'o da lyaxa da qami' itaua'n.

2 Corintios 7:6

Qalaxayi ñim Dios mayi ishit da i'añaqchit cam qaica ca l'añaxac, ñimayi chigoqchigui naq'en da lvidaxac so Tito da qomi' i'añaqchi't.

Lucas 5:10

Nataq'en ñi'i't so Santiago qataq so Juan som llalqa so Zebedeo mayi lÿa't so Simón. Qalaxayi so Jesús 'enapega so Simón, 'eeta': –Sa ishit qome da 'ayi'i, cha'ayi nagui qami' sanaguilo da qami' ÿi'acoxoiqa da qanmichiÿaique na shiÿaxauapi.

Lucas 5:7

Nachi soomayi ÿatecapeguetalo soua lÿa't mayi netanguilo aso lÿa barco, da yaqto' ana'c da itaua'n soomayi. Nachi se'esoua lÿa't ana'c, nachi ÿataqta qanlaxatchiguilo soua dos barco. Qaq ÿoqo'oyi huac da iyiiyiñi soua barco.

Juan 13:16

Qaq ÿataqta 'eesa de'eda qami' sa'axatema, da qaica ca chochi nlatac da napacalec ca n'aco', qataq qaica ca namaxashic da ishit da napacalec cam ÿamaqtac camayi.

1 Corintios 11:7

Ca shiÿaxaua sa ishit da ÿapotalec na lqaic, cha'ayi camayi n'enaqtac, lqui'i ñi Dios, qataq ÿaatañi da lli'oxoyic ñimayi. Qalaxayi aca 'alo ÿaatañi da lli'oxoyic ca shiÿaxaua.

2 Corintios 8:18

Qaq sa ishit da chaqsota so Tito. Nataq'en huo'o so lÿa samaxasoq qadqaÿa som ÿataqta no'on da n'aqtaguec da n'aqtaxaatapigui 'enauac nam 'amqajnataxanaxaicpi ne'ena souaqta'a, souaxat da i'axattac da n'aqtac mayi chigaqaigui da nca'alaxa.

2 Corintios 8:22

Qaq soomayi saqsouate'. Nataq'en samaxasoq so lÿa qadqaÿa mayi nataq'en qomi' saÿajnaqta da 'eetec da ltaunaxanaxac. Qaq nquicteec nagui da ltaunaxanaxac souaxat da lpe'e da qoñiita.

2 Timoteo 4:10

Cha'ayi so Demas aÿim ca'ai, souaxat da lqopichi da 'onataxac lma'na. Nachi nqochingue da Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.