2 Corintios 8:2 - Nuevo Testamento Toba Sur

² Cha'ayi nai'ctaxa da lqalaic yimayipi souaxat da ñi'iguenataguec, qalaq nachi 'en'am ÿataqta machiguiñi. Qataq nai'ctaxa yimayipi da ÿataqta choxodaq, qalaxayi ÿataqta chitaqtaxanaxaicpi, 'eeta'am da sallaxanecpi.

Nuevo Testamento Toba Sombrero Negro

² Temaqaedi da'me joote tauelo gaa'me qayoĝode' laqalaico, qalaĝaja nach'e eta't made'tape jogaa'me. Mate mane'e choĝodache, qalaĝaja jaga'me lajaqaje' ena'am ta'le neuoyaĝadi.

La'aqtaqa Ñim Lo'onatac 'Enauacna 2013

² Cha'aye na'aictaxa da lqalaic yemayepi souaxat da ñe'eguenataguec, qalaq nache 'ena'am ỹataqta machiguiñi. Qataq na'aictaxa yemayepi da ỹataqta choxoraq, qalaxaye ỹataqta chetaqtaxanaxaicpi, 'eeta'am da sallaxanecpi.

2 Corintios 8:2 Referans Kwoze

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

Apocalipsis 2:9

Aÿim saÿaten 'enauac nam 'au'ottacpi qataq 'enauac na 'anque'ejnaxaguesat qataq dam 'adachoxoyic, nai'ctaxa da ÿataqta 'am sallaxanec. Qataq saÿaten da ÿataqta qauema naua ltaxaÿaxaco da 'am detaxaÿa nam 'eetega da judiopi, qalaxayi sa ishit da 'en. Chaqdata da namayipi i'amaqteetac so Satanás.

2 Corintios 6:10

Qaq nai'ctaxa da saquicoqta, qalaxayi nachi 'eetai' da samaqchiguiñi. Qataq qomi' choxoda'q, qalaxayi qalota na sesallaqchitaq. Nai'ctaxa da qaica ca yi da shinaqta, qalaxayi qaica 'enauac ca seuenaqtac.

2 Corintios 9:13

Qataq camayipi ishit da ÿi'oxodeetac ñi Dios, cha'ayi de'eda qadtaunaxanaxaqui ichoxot da qami' ÿataqta qaualaqaiguet da no'on qad'axaÿaxac mayi i'axat da n'aqtaguec so Cristo. Nataq'en camayipi ishit da ÿi'oxodeetac, souaxat aca qadtaunaxanaqchi mayi qau'ochi da qauamaqaÿa camayipi qataq nataq'en 'enauac nam laÿipi.

1 Ts 1:6

Qaq qami' da machi qoñiitec co'ollaq qoquiigue da no'on qadataxala' Jesús. Co'ollaq qauacoñiiguet da n'aqtac, nachi so Espíritu Santo qami' ÿanema da qantonaxaqui. Qaq ÿoqo'oyi nai'ctaxa da saqalota da qanque'ejnaxaqui.

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

1 Ts 2:14

Qami' qadqaÿa't, co'ollaq qami' icaata'pe da saq qami' ÿalemaxa't na maichi qadhuo'oi l'ecpi. Qaq de'eda qami' qai'oteque nachi 'eeta'am dam qai'otec na quetague' ñi Dios mayi netaña yi Judea, nam i'amaqteetac so Cristo Jesús. Namayipi nataq'en saqalota da ncanaguec. Qaq de'eda ncanaguec chigaqaigui na maichi lauo' l'ecpi judiopi.

2 Corintios 9:11

yaqto' qami' ishit da huo'o 'enauac dam qadsallaqai, qaq yaqto' ishit da qauachitaqtaxañi. Ime, qaq qomi' qauamaqaiguelo aca qadachitaqtaxanaqchi, yaqto' ca qadqaÿañicpi ishit da ÿaatacot da n'achic ñi Dios.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

Mateo 20:15

Cha'ayi ¿sa ishito' peta'a da aÿim maichi soiqueetac ca sangui aca maichi aÿom? ¿Loqo' chaq 'am 'adquiÿatega peta'a da souaxat da aÿim choxonnataxanaxaic?”

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

2 Corintios 2:9

Can qami' samaxalo aso ÿide, qaq nachi huetalec 'enauac de'eda. Qaq qami' samaxalo asomayi, cha'ayi ñishitaique da chochi qami' shi'igue'n, da yaqto' saÿaten da ÿoqta 'eesa da qaualaqailec nam ÿapaxaguenataxanaxacpi.