2 Corintios 8:19 - Nuevo Testamento Toba Sur

¹⁹ Qaq saqdata de'eda, cha'ayi 'enauac nam 'amqajnataxanaxaicpi qalca'ateu'a se'eso qadqaÿa, da yaqto' ñinaigaqtague', qataq da yaqto' qomi' itaua'n de'eda souaqtapegue' nachitaqtaxanaxac mayi so'otaqtac da yaqto' ÿi'oxodaq naq'en ñi qadataxala' qataq yaqto' ishit da qaila'a de'eda qan'añaxataxaqui.

Nuevo Testamento Toba Sombrero Negro

¹⁹ nataq'aen nach'eñe niquiyac qaedi qo'mi equeguelo qom jachoĝojoq jaga'me necochaĝanaqate. Yema da'me dojo' jauoqo qaedi qo'nonaĝachigui joñe'me Dios, nataq'aen qaedi jaloĝonaq da'me qadamaic ta'le jauoqo qadecochaĝac.

La'aqtaqa Ñim Lo'onatac 'Enauacna 2013

¹⁹ Qaq saqrata de'era, cha'aye 'enauac nam 'amqaanataxanaxaicpi qalca'ateua'a se'eso qarqaỹa, da yaqto' ñenaigaqtague', qataq da yaqto' qomi' itaua'n de'era souaqtague' nachetaqtaxanaxac maye so'otaqtac, cha'aye sauoqtaique da ỹo'oxoraq Ñim Qarataxala' qataq sachaxanaq da qaryaxayec da qami' setauana'q.

2 Corintios 8:19 Referans Kwoze

2 Corintios 4:15

Qaq 'enauac de'eda yi'oq, yaqto' qami' qauaÿamqaiñi, yaqto' da qalota na ÿaconguet da lqouagaxanaqtaic ñi Dios, qaq qalota nataq'en na ÿaatacot da n'achic, qaq damayi naigui da lli'oxoyic ñi Dios.

2 Corintios 9:8

Ñi Dios ishit da chochaq huañi naq'en da qami' ÿanema na ÿotta'a't yi'oqchigui qan'achiquiaxaqui, yaqto' qami' ishit da huo'o 'enauac na maichi qadviñiqui, qataq yaqto' sa ishit da huo'o ca qaviñiitaique da qautaunaxañi da qau'ochi ca n'onataxanaxac ÿaÿamaqchiguiñi.

Hechos 15:25

Qaq ÿoqo'oyi 'enauac da shinaqta saÿamaxadenaqta da sauoqo'oi ne'enaua qadqaÿa't, da yaqto' qami' nqo'onalo, nachi lÿata'pe naua qanauochaxa'u qadqaÿa't Bernabé qataq Pablo,

Hechos 15:22

Nachi soua Jesús lamaxa'shi qataq soua lÿa't nataxala'te qataq 'enauac na 'amqajnataxanaxaicpi, huo'o da lhuennataxa da qaÿauo'oi caua qaÿaconeu'alo somayipi, nachi qaÿamaxadegue da Antioquía da nnaicapegueto qanqoÿin so Pablo qataq so Bernabé. Nachi qaÿaconeu'a so Judas, da lÿa l'enaxat Barsabás, qataq so Silas. Soomayi ÿataqte' lataxala'te nam nqaÿañicpi.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

Hechos 19:22

Nachi somayi ÿamaxadegue da Macedonia soua dos lta'u Timoteo qataq so Erasto, qaq somayi ñaq huo'oi soua na'axa'te da ñaq hueta'a yi Asia.

Hechos 19:29

Nachi ÿataqta huo'o da l'axa 'enauac so la ciudad. Nachi qaÿaconeu'a so Gayo qataq so Aristarco, soomayi chigoqda'ague da Macedonia, qaq nachi nnaictrague' so Pablo. Nachi soomayi qaÿauecdau'a cam noÿic mayi huaña naxa da qai'ot na ntaxaÿaxac.

Romanos 5:3

Qaq sa ishit da chaqdata de'eda. Nataq'en samaqchiguiñi souaxat da qanque'ejnaxac. Cha'ayi qomi' saÿajnaq da de'eda que'ejnaxac i'ot da qadhualaxavic,

Romanos 5:11

Qaq sa ishit da nachaqdata de'eda. Cha'ayi nataq'en qomi' ñitonaqtapeguec ñi Dios, qaq de'eda qantonaxac chigoqchigui so qadataxala' Jesucristo. Cha'ayi somayi chigoqchigui da huo'o mshi ñaÿamaxannaqte' ñi Dios.

2 Corintios 8:11

Qaq ÿoqo'oyi nagui no'on da qoquiitot da qau'ochi damayi, ivitta'a da qaumachi. Ÿataqta qau'enaxachiichigui da qadhuogoqoi can chita'ague da qauachitaqtaxañi, da qai'añi acam qanaloitau'a.

2 Corintios 8:12

Cha'ayi ca shiÿaxaua da ÿoqta 'eesa da lhuennataxa da huo'o aca ÿan, qalaq ñi Dios ÿataqta ÿaÿamaxadeeta acam nalotau'a da ÿan camayi. Cha'ayi ñimayi sa ishit da iÿaxanaique acam sa ishit da qanalou'a.

2 Corintios 8:20

Qaq shinaqtec de'eda, cha'ayi huo'o da qadvitaxa da huo'otaq qomi' qanayictapeguelguete souaxat ana nachitaqtaxanaqte mayi llaÿonaqtac.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.