2 Corintios 8:12 - Nuevo Testamento Toba Sur

¹² Cha'ayi ca shiÿaxaua da ÿoqta 'eesa da lhuennataxa da huo'o aca ÿan, qalaq ñi Dios ÿataqta ÿaÿamaxadeeta acam nalotau'a da ÿan camayi. Cha'ayi ñimayi sa ishit da iÿaxanaique acam sa ishit da qanalou'a.

Nuevo Testamento Toba Sombrero Negro

¹² Qa'a qom 'uo ga'me ami yataqachiñe eja 'uo ga'me yanegue, Dios matac q'aen qom auauoyi jaga'me adajaqajai, qa'a ñe'me ja yeuate'ta ta'le janaĝaye ga'me ja jauanaĝa.

La'aqtaqa Ñim Lo'onatac 'Enauacna 2013

¹² Cha'aye ca shiỹaxaua da ỹoqta 'eesa da lhuennataxa da huo'o ca ỹan, qalaq Ñim Lo'onatac 'Enauacna ỹataqta ỹaỹamaxareeta cam nalotaua'a da ỹan camaye. Cha'aye Ñimaye saishet da iỹaxanaique cam saishet da qanaloua'a.

2 Corintios 8:12 Referans Kwoze

2 Corintios 9:7

Qaq ÿoqo'oyi ñi 'oonolec ishit da ÿan cam lcata cam tachigui da lquiyaqteÿaxac, qaq sa ishit da chochi nachita'a, huo'otaq da chochi qaÿamaqtalec. Cha'ayi ñi Dios ÿataqta ÿaÿamaxadeeta cam dachitaqtaxan mayi ÿataqta machiguiñi.

1 Pedro 4:10

Qataq ñi 'oonolec ÿataqta iloteguet ca nshitaxat mayi ÿanem ñi Dios da do'onataxaalec na laÿipi, qoñiita'am ca ÿataqta ÿaÿaten da ilo'ogue na ÿotta'a't lachitaqtaxanaxatpi ñi Dios.

Lucas 16:10

Cam 'onaxaic da n'aqtaguec souaxat cam saq 'amaqtaq mayi ilotague', qaq nachi 'en'am no'on da n'aqtaguec da ilo'ogue ca qalota; qaq cam qauem da n'aqtaguec da ilotague' cam saq 'amaqtaq, qaq nachi 'en'am qauem da n'aqtaguec da ilo'ogue ca qalota.

2 Corintios 8:11

Qaq ÿoqo'oyi nagui no'on da qoquiitot da qau'ochi damayi, ivitta'a da qaumachi. Ÿataqta qau'enaxachiichigui da qadhuogoqoi can chita'ague da qauachitaqtaxañi, da qai'añi acam qanaloitau'a.

2 Corintios 8:13

Qaq damayi sa ishit da naigui da yaqto' qami' huo'o da qadhuenaxanqai souaxat da qautauañi ca qadÿai.

2 Corintios 8:19

Qaq saqdata de'eda, cha'ayi 'enauac nam 'amqajnataxanaxaicpi qalca'ateu'a se'eso qadqaÿa, da yaqto' ñinaigaqtague', qataq da yaqto' qomi' itaua'n de'eda souaqtapegue' nachitaqtaxanaxac mayi so'otaqtac da yaqto' ÿi'oxodaq naq'en ñi qadataxala' qataq yaqto' ishit da qaila'a de'eda qan'añaxataxaqui.

Mateo 25:17

Qaq nachi 'eetec nataq'en som ÿaconguet asom dos mil, somayi ivi' dos mil aso laÿi laueque.

Mateo 25:22

Ime, qataq anac so lÿa nlatac mayi ÿaconguet co'ollaxa aso dos mil. Nachi 'enapeco': “'Am ñi'aco', aÿim 'ai'anem co'ollaxa aso dos mil. Qaq nagui 'ana ana lÿa dos mil mayi ÿaueque.”