2 Corintios 8:10 - Nuevo Testamento Toba Sur

¹⁰ Qaq qami' sanema de'eda iuennataxac, yaqto' saqca ca da da qoñiita. Qami' so lÿa vi'i sogote da qau'ochiitac de'eda. Qaq saqdata da qau'ochiitac damayi, cha'ayi ÿataqta huo'o da qadhuogoqoi.

Nuevo Testamento Toba Sombrero Negro

¹⁰ Qaedi 'uo da'me mach'e adiyamaĝaqui, ami janema da'me jaqatelegue da'me dojo'. Jo'me uo'e laqaya naqa'ami a'uaviñe 'uo ga'me auañiyegue, nataq'aen jalcote avidiaqailegue ta'le auauoyi da'me dojo'.

La'aqtaqa Ñim Lo'onatac 'Enauacna 2013

¹⁰ Qaq de'era maiche qaraỹamaqai da huo'omshe qami' sanema de'era iqataxac. Se'eso lỹa vi'i qami' maye qaua'aviichiguiñi da huo'o na qaỹa'añi, qataq nataqa'en ỹataqta qanasapacheetelec da qauo'ocheetac damaye.

2 Corintios 8:10 Referans Kwoze

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

1 Corintios 7:40

Qalaxayi acamayi ÿataqta ÿacteec da machiguiñi da sa ishit da ÿi'iguelaxalec da ladonaxac. Qaq 'eda da iuennataxac, cha'ayi aÿim nataq'en sa'amaqten da aÿim netanguit so Espíritu mayi chigoqo'ot ñi Dios.

1 Corintios 7:25

Qaq ca shiÿaxaua mayi saxanaxa da huadon, aÿim qaica ca ÿaqataxac chigoqo'ot so qadataxala' da sanem. Qalaxayi sami' da iuennataxac, cha'ayi aÿim mashi sevi' da aÿim npe'et souaxat da lchoxonnataxanaxa so qadataxala'.

Filipenses 4:17

Qalaxayi aÿim sa ishit da chaqdata da iuennataxa da saconguet aca ñitaunaqte. Cha'ayi chaqdata da aÿim ñishitaique da nquictashiguem da qad'onataxanaxaqui, da yaqto' qami' ishiite'n qome ñi Dios.

2 Corintios 8:8

Qaq de'eda shinapec sa ishit da ÿamaxasoxonaxac. Chaqdata da ñishitaique da qami' qauaÿajñi da n'añaxataxac cam qadÿai, yaqto' ishit da qaila'a de'eda qadsoxoyiqui qom ÿoqta 'eesa da 'en.

1 Corintios 16:2

Da iviteuga ca na'a'q l'auaxanec naua la semana, nachi ñi 'oonolec da qoñiita huo'o aca iÿotauga, qalaxayi acatai' nalotau'a nachaca ÿaÿamaxat, yaqto' sa ishit da iuen da qai'ot aca ntaunaxanaqte qom qami' sevitalo.

2 Corintios 12:1

Ÿataqta qaica ca nauec ca shiÿaxaua da maichi ñi'oxodeetapeguela't. Qalaxayi nachi 'en'am aÿim sa'axat na ÿauanaqchicpi qataq dam aÿim ÿaÿajnaxanaxanec so qadataxala'.

Juan 11:50

Qataq sa qauaÿajñiÿo' da nataq'en ÿaÿamaqchiguiñi da 'oonolec ca shiÿaxaua da ileualec na lauo' l'ecpi, qaq sa ishit da huo'otaq qailaxachigui 'enauac na qadhuo' l'ecpi.

Mateo 10:42

Qataq camachaqca shiÿaxaua, da huo'otaq ÿami' ca ÿataqta atom 'etaxat ca 'oonolec nam saq 'amaqtaqpiolec, qaq souaxat da aÿim quetague' namayipi, qaq camayi ÿataqta huo'o qome da nshiitenaguec.

1 Corintios 10:23

'Eesa quenaxa na n'aqtac da 'eeta': “Sa ishit da qaillapeguem ñi 'oonolec da maichi ÿoiqueetac ca i'ot,” qalaxayi sa ishit da 'enauac na lataxaguesat da n'onaxat ca shiÿaxaua. Aja', 'eesa da sa ishit da qaillapeguem ñi 'oonolec da maichi ÿoiqueetac ca i'ot, qalaxayi sa ishit da 'enauac da nañaxat naq'en.

1 Corintios 6:12

'Eesa quenaxa da n'aqtac da 'eeta': “Sa ishit da qaillapeguem ñi 'oonolec da maichi ÿoiqueetac ca i'ot,” qalaxayi sa ishit da 'enauac na lataxaguesat da n'onaxat ca shiÿaxaua. Aja', 'eesa da sa ishit da qaillapeguem ñi 'oonolec da maichi ÿoiqueetac ca i'ot, qalaxayi ca shiÿaxaua sa ishit da ÿauaqta'a da 'ico' lcoñitaguishic ca i'ot.

Juan 18:14

Qaq se'eso Caifás nachiso' co'ollaxa so 'eetega na judiopi da souaxat namayipi nachi ÿaÿamaqchiguiñi da ca 'oonolec shiÿaxaua ishit da ileualec na lauo' l'ecpi.

Juan 16:7

Qalaxayi ÿataqta 'eesa de'eda qami' sa'axatema, mayi 'eeta': Aÿim ÿaÿamaqchiguiñi da ashic souaxat da qoñiita. Cha'ayi da sa ishit da ashic, nachi sa ishit qome da anac da qami' hueta'agueta cam qami' itaua'n qataq qami' i'añaqchi't. Qalaxayi da aÿim ashic, nachi ñamaq qome camayi.

2 Corintios 8:6

Qaq ÿoqo'oyi qomi' ñachoxodenaqtacot so Tito, da yaqto' nachi 'eetai' da quetot naq'en da qoñiita de'eda nachitaqtaxanaxac mayi sogote co'ollaxa da i'ottac can qami' huetaiguilo.