2 Corintios 7:8 - Nuevo Testamento Toba Sur

⁸ Qaq nai'ctaxa da aso ÿide mayi qami' samaxalo co'ollaxa da qami' ÿaquicoqchi't, qalaxayi nagui sa ishit da shicapeguem. Cha'ayi da huo'otaq saÿaténctaxa co'ollaxa da qami' ÿaquicoqchi't, qaq da huo'otaq shicapeguem, qalaxayi saqaÿaloxouec.

Nuevo Testamento Toba Sombrero Negro

⁸ Jaga'me yediije jo'ne ami jedenaqatenalo ca'li ami totelo'te q'ae'n, qalaĝaja ja jayem 'te nejaliñe queda'me ja'uo jaga'me yediije. Mate mane'e da'me yemta jayem nejalichiñe qa'a jayaten queda'me jaga'me yediije chiyaqayi da'me ami totelo'te q'ae'n, qalaĝaja ja cop'a.

La'aqtaqa Ñim Lo'onatac 'Enauacna 2013

⁸ Aso ỹere maye qami' samaxalo co'ollaxa asomaye ỹataqta qami' ỹaquicoqche't, qalaxaye saishet da huo'o ca ñetogotaxac souaxat da qami' samaxalo asomaye. Qaq na'aictaxa da saỹaten da asomaye qami' ỹaquicoqche't, qalaxaye nataqa'en saỹaten da sa qaỹauec da qaraquicoqoi.

2 Corintios 7:8 Referans Kwoze

Apocalipsis 3:19

Cha'ayi aÿim ÿataqta sevidaxato'ot, qataq saÿamaxajñi ca lasouaxashit cam ÿataqta sauotec. Qaq ÿoqo'oyi 'an'añaxat qome, qataq 'ai'axaadeec naua 'an'onataxaco.

2 Corintios 7:11

Qaq qami' huo'o da qadaquicoqoi mayi ÿaÿamaxadeeta ñi Dios, qaq ¡ña qauloÿa nagui dam naigui! Damayi i'ot da ÿataqta sa qauasaguiyiitac, qataq qau'axachi da naigui dam qau'ochi, qataq qami' inogoqchi't, qataq ÿauo'o da qadcolanqai. Ime, qaq ca huo'o ca qadyaqai da aÿim qanauañi'. Huaña, nachi qami' qanasapachiitelec da qauauo'oi da nhuaxanaguec cam i'ot ca qauem. Qaq 'enauac de'eda ichoxot da qami' ÿataqta qaica ca qadasouaxashichi.

2 Corintios 7:6

Qalaxayi ñim Dios mayi ishit da i'añaqchit cam qaica ca l'añaxac, ñimayi chigoqchigui naq'en da lvidaxac so Tito da qomi' i'añaqchi't.

Juan 21:17

Nachi qaltaq ÿi'iguelaxalec da inat, 'eeta': –'Am Simón mayi 'am llalec so Jonás, ¿peta'a aÿim 'auauotec? Nachi so Pedro ÿataqta naquicochiguiñi, souaxat da mashi ivi' tres da qaÿi'iguelaxalec da qainat da ÿoqta 'eesa da dauotaxanaqta. Nachi somayi 'enapeco': –'Am ÿataxala', 'am 'auaÿaten mque' 'enauac da ÿataxac, qataq 'auaÿateeta da ÿataqta 'am ÿauotaxat. Nachi so Jesús 'enapego' somayi, 'eeta': –'Aulo'ogue qone' ana ilopi qagueta.

Juan 16:6

Chaqdata da qami' qauaquicoita, souaxat da qami' sa'axatema de'eda.

2 Corintios 7:7

Qaq sa ishit da chaqdata da lvidaxac somayi, cha'ayi somayi ÿataqta huo'o da l'añaxac souaxat da qoñiita. Cha'ayi somayi qomi' da'aqtaxaatapeguema da ÿataqta huo'o da qadyaqai da aÿim qanauañi', qataq qomi' da'aqtaxaatapeguema dam qadaquicoqoi qataq da qaica ca qadamaxayiqui souaxat aÿim. Qaq nachida da ÿoqta nquigaxatteec da ñitonaxac.

2 Corintios 7:9

Qaq nagui ÿataqta huo'o da ñitonaxac, qalaxayi damayi sa ishit da souaxat da qami' qauaquicoita. Mayi souaxat da de'eda qadaquicoqoi. Damayi chigoqchigui da qai'axañiideec naua qan'onataxacolli'. Cha'ayi huo'o da qadaquicoqoi mayi ÿaÿamaxadeeta ñi Dios, qaq sa ishit da huo'o ca 'ico' qadasouaqtac da qoñiita.

2 Corintios 7:12

Cha'ayi can settapiguiñi aso ÿide, qalaq sa ishit da ÿapacteec da icouennataxac da huo'otaq tatapigui yi iuel cam shiÿaxaua mayi i'ot ca sa ÿaÿamaxañi, huo'otaq cam huo'o ca qai'otec. Chaqdata da ñishitaique da yaqto' qauaÿajñi de'eda qadhuogoqoi souaxat da shinaqta. Qaq damayi ÿauaachigui ñi Dios.