2 Corintios 7:7 - Nuevo Testamento Toba Sur

⁷ Qaq sa ishit da chaqdata da lvidaxac somayi, cha'ayi somayi ÿataqta huo'o da l'añaxac souaxat da qoñiita. Cha'ayi somayi qomi' da'aqtaxaatapeguema da ÿataqta huo'o da qadyaqai da aÿim qanauañi', qataq qomi' da'aqtaxaatapeguema dam qadaquicoqoi qataq da qaica ca qadamaxayiqui souaxat aÿim. Qaq nachida da ÿoqta nquigaxatteec da ñitonaxac.

Nuevo Testamento Toba Sombrero Negro

⁷ Nataq'aen ja jaldata qo'mi made'tape da'me jauanaĝa, dite da'me nach'e ena'am jayatenaq queda'me ami chiyaqayilo matac joñe'me. Tito qo'mi 'yaĝatema queda'me jetaque qo'mi auañiyalo, jo'ne ami totelo'te q'ae'n ga'me jo'ne 'uo ca'li, nataq'aen queda'me jayem auenachetapega. Mane'e ca'li jomachiya da'me lep'iquenataĝanaĝac qama'le yataqata nichiyaĝategue da'me yamaic.

La'aqtaqa Ñim Lo'onatac 'Enauacna 2013

⁷ Qaq saishet da nachaqrata da lviraxac somaye da qomi' ỹa'añaqche't, cha'aye nataqa'en saỹaanaq da somaye ỹataqta lta'araic da ntonaxac souaxat da qoñiita. So Tito qomi' da'aqtaxaatapeguema da qami' ỹataqta huo'o da qaryaqai da qomi' qanauañito, qataq qomi' da'aqtaxaatapeguema dam qaraquicoqoi souaxat dam souaqaigui qataq da qaica ca qaramaxayiqui souaxat aỹem. Qaq can sa'axaỹa de'era, nache ỹataqta nquictec da ñetonaxac.

2 Corintios 7:7 Referans Kwoze

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

2 Corintios 5:2

Qaq 'eesa da huo'otaq ña ñica'alaqtauec nagui da ña ñachaataqtaigui de'eda qad'oquiaxac, qalaq ÿataqta huo'o da qadachitataic, qataq huo'o da qadyaxa da ñoqochinaxa ca qadma' mayi na'ague da piguem,

2 Juan 1:4

Ÿataqta lta'adaic da ñitonaxac da aÿim huo'o na selalec na 'ai'alaqpi da quetague' da n'aqtac mayi 'eesa, da 'eeta'am co'ollaq qomi' ÿanema de'eda lamaxasoxonaxac ñi qadta'a Dios.

Santiago 5:17

So Dios l'aqtaxanaxanec, l'enaxat Elías, somayi da lataxac 'eeta'ama qomi'. Co'ollaq nqouagaxaunot ñi Dios da sa namaq naq'en ca auot, nachi ipacchigui da saq nalec ana 'alhua ca auot, ividaxattreec soua tres vi'iyi, qataq seis ca'agoxoiqa.

Hebreos 2:1

Qaq ÿoqo'oyi qomi' qome ÿataqta seloqtegue ca llic dam sa'axasoqchigui, yaqto' sa ishit da 'ico' selamaxataqhuec.

1 Ts 3:8

Qaq damayi 'eeta'am qaltaq qomi' nca'alaxatreec can saÿajnaq da qoñiita da sa ishit da qai'axañiiuec so qadataxala' Jesús.

1 Ts 3:6

Qaq can nvi' so Timoteo da chigaqa'a na Tesalónica, nachi qomi' nda'alo da 'onaxaic qad'axaÿaxac da qadpi'iÿaxaqui, qataq da qadsoxoyiqui. Qataq qomi' da'aqtaxanema da saqalota da qadhuennataxaqui da shinaqta, qataq huo'o da qadyaqai da qomi' qanauañiito. Nachi 'en'am qomi' nataq'en huo'o da qadyaxa da qami' ñauanaxato.

Colosenses 2:5

Cha'ayi aÿim, nai'ctaxa da sa ishit da yi'oqchigui da qami' salectaiguilo, qalaxayi da iqui'iÿaxac qami' ÿalecta'agueta. Qaq ÿataqta ñitootapeguec da no'on qadataxaqui, qataq da sa ishit da qai'axañiiuec da qadpi'iÿaxaqui so Cristo.

Filipenses 1:20

Cha'ayi aÿim da shiitapeguec qataq dam ñaquitta'a da sa ishit qome da huo'o ca ñi'aloxootaique. Chaqdata da qaica ca shi'itaique da sa'aqtaxaatac, da yaqto' 'eeta'am nagui, huo'otaq dam sata'ague, da aÿim chigoqchigui da nquictashiguem da qaila'a da l'amaqchic so Cristo, nagui da ña ñica'altauec, huo'otaq da mashi seleu.

2 Corintios 8:16

Qaq sanot da ñi'achiquiaxac ñi Dios, cha'ayi ñimayi ÿachanguit ana lquiyaqte so Tito da 'eeta'am naq'en aÿim da huo'o da lyaxa da qami' itaua'n.

2 Corintios 2:9

Can qami' samaxalo aso ÿide, qaq nachi huetalec 'enauac de'eda. Qaq qami' samaxalo asomayi, cha'ayi ñishitaique da chochi qami' shi'igue'n, da yaqto' saÿaten da ÿoqta 'eesa da qaualaqailec nam ÿapaxaguenataxanaxacpi.

2 Corintios 1:14

da qom ñi'iguelaq so qadataxala' Jesús, huaña, qaq qami' ishit da qomi' qantoñiitapegueque, qaq nachi 'en'am ñitonaqtapegueque qami'. Qaq damayi mashi cada'acolec da qauaÿajñiita.

Romanos 1:12

Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.

Hechos 11:23

Qaq co'ollaq iviyi' so Bernabé, nachi ilalec da lqouagaxanaqtaic ñi Dios. Nachi somayi ÿataqta machiguiñi. Huaña, nachi ÿataqta huaqattega 'enauac somayipi da yaqto' da lquiyaqteÿaxac sa dashiuec, chaqdata da ÿataqta quetegue so qadataxala'.

Lucas 22:44

Qaq co'ollaq mashi ÿagueec da nque'ejnaxac, nachi qaltaq nquigaxatteec da n'añaxataxac da nqouagaxaunaxac, nachi na nchilchaxa mayi anactac, 'eeta'am na ntago'q, ÿataqta ñijlec na 'alhua.

Mateo 26:75

Nachi so Pedro tachigui yi lauel da l'aqtac so Jesús co'ollaq 'eeta': “Qom yaqta'a da noÿin ca 'olgaxa, qaq 'am mashi sogote qome da tres 'avi'iguelaxalec da qonetega da aÿim sa 'auauatton.” Nachi so Pedro pa'auec, nachi ÿataqta noÿiitac.

Mateo 5:4

Qataq ÿataqta machiguiñi qome nam huo'o da laquicoxo, cha'ayi ñi Dios ÿanem ca lamaiquiaxac.

1 Corintios 5:2

¡Qalaq ñaq 'eetalec da qami' ÿashittaguilo da qañi'oxonnaxaqui! ¡Qamaq ishíttaxa da ÿataqta qauaquicoita! Qaq que'eca shiÿaxaua mayi i'ot de'eda lta'adaic sa ÿaÿamaxañi, ÿataqta qauamaqÿauéctaxa da sa ishit da nachi 'eetai' da qami' netanguilo.

2 Corintios 1:4

Ñimayi qomi' i'añaqchi't da ivita da huo'o ca qanque'ejnaxac, yaqto' qomi' seshitaq da sa'añaqchitaq nataq'en ca huo'o ca nque'ejnaxac. Qaq de'eda qad'añaqtaxanaxac, nachida da l'añaqtaxanaxac ñi Dios.

2 Corintios 7:6

Qalaxayi ñim Dios mayi ishit da i'añaqchit cam qaica ca l'añaxac, ñimayi chigoqchigui naq'en da lvidaxac so Tito da qomi' i'añaqchi't.

2 Corintios 7:8

Qaq nai'ctaxa da aso ÿide mayi qami' samaxalo co'ollaxa da qami' ÿaquicoqchi't, qalaxayi nagui sa ishit da shicapeguem. Cha'ayi da huo'otaq saÿaténctaxa co'ollaxa da qami' ÿaquicoqchi't, qaq da huo'otaq shicapeguem, qalaxayi saqaÿaloxouec.