2 Corintios 7:4 - Nuevo Testamento Toba Sur

⁴ Qaq ÿataqta qalota da ñaquitaxac qataq ñitonaxac souaxat da qoñiita. Qaq nai'ctaxa da souaqtangui 'enauac na qanque'ejnaxaguesat, qalaq aÿim ñanomteguet da i'añaxac qataq aÿim nlaqchigui da ñitonaxac.

Nuevo Testamento Toba Sombrero Negro

⁴ 'Uo da'me ñi'yoĝodenaĝac jo'ne ami chiyaqayilo nataq'aen jalcote da'me ami jep'eteque. Jalcote jayem matac, temaqaedi da'me uo'oe ena'uaque gaa'me qadaqalaico jo'ne qo'mi ualo'te.

La'aqtaqa Ñim Lo'onatac 'Enauacna 2013

⁴ Qaq ỹataqta qalota da ñaquitaxac qataq ña'amaqteetai' souaxat da qoñiita. Qataq ỹataqta samachiguiñi, na'aictaxa da qalota na seviraxaguet lqalaicpi qalaq aỹem ñanomteguet da ỹa'añaxac qataq aỹem nlaqchigui da ñetonaxac.

2 Corintios 7:4 Referans Kwoze

2 Corintios 1:4

Ñimayi qomi' i'añaqchi't da ivita da huo'o ca qanque'ejnaxac, yaqto' qomi' seshitaq da sa'añaqchitaq nataq'en ca huo'o ca nque'ejnaxac. Qaq de'eda qad'añaqtaxanaxac, nachida da l'añaqtaxanaxac ñi Dios.

2 Corintios 3:12

Qaq ÿoqo'oyi ÿataqta huo'o da qanaquitaxac, ÿoqo'oyi sa ishit da huo'o ca qomi' nqanaxa't da sa'aqtaxanaq.

Santiago 1:2

Qami' ÿaqaÿa't, ÿataqta ÿacteec qanqashiñi da qantonaxaqui qom qami' nvitalo na ÿotta'a't ñi'iguenataxanaxac.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

Filipenses 2:17

Qaq nai'ctaxa da qaÿaconeu'a da maichi ÿalamaxat ñachaalataxac da huo'otaq qaÿavigaxat, da yaqto' qaÿalecnoigui aca qadachitaqtaxanaqchi mayi qai'añiÿot ñi Dios, souaxat dam qadpi'iÿaxaqui, qalaxayi aÿim samachiguiñi. Qaq de'eda ñitonaxac nachi ñiuaate' 'enauac da qoñiita.

1 Corintios 1:4

Nachi 'eetai' da shicto'ot da saatacot da ñi'achiquiaxac ñi Dios, souaxat da qoñiita, cha'ayi so Cristo Jesús qami' nda'alo da lqouagaxanaqtaic ñi Dios.

1 Ts 2:19

Cha'ayi ¿negue'to' ca i'ot da qanaquitaxac, qataq da qantonaxac? qataq ¿negue'to' ca i'ot da qadamaiquiaxac da ñitonaqtapeguec? Taxaaso' nachida da qoñiita que'eca na'a'q qom ñi'iguelaq so qadataxala' Jesucristo.

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Filipenses 1:20

Cha'ayi aÿim da shiitapeguec qataq dam ñaquitta'a da sa ishit qome da huo'o ca ñi'aloxootaique. Chaqdata da qaica ca shi'itaique da sa'aqtaxaatac, da yaqto' 'eeta'am nagui, huo'otaq dam sata'ague, da aÿim chigoqchigui da nquictashiguem da qaila'a da l'amaqchic so Cristo, nagui da ña ñica'altauec, huo'otaq da mashi seleu.

2 Corintios 11:21

Qaq nai'ctaxa da aÿim huo'o da i'aloxo da shinapec de'eda, cha'ayi ¡qomi' ÿapacteec da qaica ca qad'añaxac da so'otaq damayi! Qalaxayi namayipi da ÿataqta saq llivigui yi lauel da n'amaqten, qaq nataq'en aÿim ÿataqta saq llivigui yi iuel, qaq nai'ctaxa da 'ico' huo'o da ñi'onataxac da shinapec nagui de'eda.

2 Corintios 8:24

Qaq ÿoqo'oyi qami' no'on da ÿataqta qauachaxañiÿalo qome soomayi da qadsoxoyiqui, yaqto' ishit da ÿaÿateeta na 'amqajnataxanaxaicpi ne'ena soota'a da ÿoqta qomi' 'eesoda da qami' shi'oxodenaqta'pe.

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

2 Corintios 1:14

da qom ñi'iguelaq so qadataxala' Jesús, huaña, qaq qami' ishit da qomi' qantoñiitapegueque, qaq nachi 'en'am ñitonaqtapegueque qami'. Qaq damayi mashi cada'acolec da qauaÿajñiita.

Romanos 5:3

Qaq sa ishit da chaqdata de'eda. Nataq'en samaqchiguiñi souaxat da qanque'ejnaxac. Cha'ayi qomi' saÿajnaq da de'eda que'ejnaxac i'ot da qadhualaxavic,

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

2 Corintios 7:14

Qaq sa ishit da huo'otaq ñi'aloxootac can shiitega so Tito da aÿim ÿataqta huo'o da ñitonaxac souaxat da qoñiita. Chaqdata da 'enauac nam qami' sa'axataxama ÿataqta 'eesoda. Qaq nachi 'en'am da qad'aqtac can shinaqtega so Tito ÿataqta 'eesa da qomi' samaqchiguiñi souaxat da qoñiita.

2 Corintios 10:8

Qaq nai'ctaxa da huo'otaq aÿim ñishitaique da cada'ac da 'ico' sagaqtenaqpec dam shinaxac, qalaxayi sa ishit da ñi'aloxootac. Cha'ayi so qadataxala' qomi' ÿanema de'eda shinaxac, da yaqto' nañaxat ñaq'enaq dam saq cha'a qanachaalataxaqui. Qaq sa ishit da 'ico' qami' ñilaxataxayiñi.

Filipenses 1:14

Qaq can qaÿaÿaten da aÿim qaicoñittai', nachi huac da 'enauac na qadqaÿañicpi da n'añaxat da i'axat da l'aqtac ñi Dios, qataq ÿataqta pi'iÿa'a so qadataxala'. Qaica ca ñi'itaique.

Filipenses 1:26

da yaqto' qaltaq aÿim qoviita'aguet, nachi 'eeta'am da so'ot da qantonaxaqui da qavi'oxoyiñiitac so Cristo Jesús.

2 Ts 1:4

Qaq ÿoqo'oyi qomi' ÿataqta saqalota da qayi'oxonnataxanaxa da qoñiita da sa'aqtaxanaqtapeguem nam i'amaqten ñi Dios, souaxat da qanhualaxaunaxaqui qataq da qadpi'iÿaxaqui, nai'ctaxa da qoviitangui 'enauac na qancanaguiiqui qataq na qanque'ejnaxaqui.

Filemón 1:7

Qaq ÿoqo'oyi aÿim ÿataqta samachiguiñi qataq huo'o da i'añaxac souaxat da 'adauotaxanaqtaic, cha'ayi 'am ÿaqaÿa, ÿataqta 'am chigoqchigui da huo'o da l'añaxac da lquiyaqteÿaxac 'enauac na qadqaÿañicpi.