2 Corintios 7:2 - Nuevo Testamento Toba Sur

² Qaq ÿoqo'oyi qauauo'oi qome ca qaddaqa' naua qadquiyaqchilli'. Cha'ayi sa ishit da huo'o ca seque'emaqchitaq qataq da ñi'axataq qataq da satenachitaq.

Nuevo Testamento Toba Sombrero Negro

² ¡'Noota jouaqatouelo naa'me adai'lidi' qom auauoyi qadedaqa'! Qa'a qaya'te gamachaqaega ami jauoqo lachoĝodec, qaya'te joqovinaq, qaya'te 'ñaĝataq.

La'aqtaqa Ñim Lo'onatac 'Enauacna 2013

² Qaq ỹoqo'oye qauauo'oi ca qardaqa' naua qarquiyaqchilli'. Cha'aye saishet da huo'o ca so'otaxac ca sa ỹaỹamaxañi qataq saishet da huo'o ca seque'emaqchetaq qataq da satenachetaq.

2 Corintios 7:2 Referans Kwoze

2 Corintios 11:9

Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

Hechos 20:33

Aÿim sa ishit da chochi ñaquitta'a co'ollaxa aca alom huo'otaq ca logoxot ca camachicague't shiÿaxaua.

2 Juan 1:10

Qaq da huo'otaq huo'o ca qami' nqo'onalo da sa ishit da ÿachitac de'eda napaxaguenataxanaxac, nachi camayi sa ishit da qanashiñiiguet ca qadmayi, qataq sa ishit da qanquiñi'.

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

Mateo 10:40

Ca qami' ÿacongueta, camayi nachaÿim aÿim ÿaconguet. Qaq ca aÿim ÿaconguet, camayi ÿaconguet ñim aÿim namaq.

Mateo 10:14

Qaq da huo'otaq sa ishit da qami' ÿacongueta, huo'otaq da sa ishit da qami' n'axaÿaxanalo, nachi qoquiÿa'ai que'eca nma', huo'otaq que'eca pueblo. Ime, nachi qauchigoqoiuec na namoxoÿaxa mayi talguete naua qadapia'chilli'.

Filemón 1:17

Qaq ÿoqo'oyi qom ÿoqta 'eesa da aÿim 'adÿa, qaq ÿataqta qoneta'am aÿim da 'auaconguet namayi.

Filemón 1:12

Qaq nagui namayi qaltaq 'am samaxa, qaq 'auaconguet qome, qalaxayi qoneta'am qome da nachaÿim da aÿim 'auaconguet.

1 Ts 2:10

Qataq qami' 'amqajnataxanaxaiqa mashi qauaÿajñiite' qomi', qataq ñi Dios qomi' ÿaÿateete' co'ollaq qami' souaqta'agueta, qalaq ÿataqta qui'itta qataq no'on da qadataxac. Sa ishit ñaq'enaq da huo'o ca qan'aqtaguec sa ÿaÿamaxañi.

Colosenses 4:10

Qaq ñim Aristarco mayi ñicoñitaxaua, ñimayi qami' ÿamaxalo da lquinaxanaxac, qataq ñi Marcos ñim l'ac lqaÿa ca Bernabé. Qaq qami' mashi sogote da qauaÿajñi da ÿaqataxac da saqattapeguelec ñimayi. Qaq ÿoqo'oyi da ivita da qami' namaqtegalo, qalaq ÿataqta qauloÿiguet.

Filipenses 2:29

Qaq ÿataqta lta'adaic qome qanqashiñi da qantonaxaqui da qauacoñiiguet ñimayi, cha'ayi maichi qad'amqajnataxanaxauai so qadataxala', qataq nachi 'eetai' qome da ÿataqta qauauochiic ca 'eeta'am ñimayi.

2 Corintios 11:16

Qaltaq shi'iguelaxalec da i'aqtac: da sa ishit qome da huo'o ca ipettega da aÿim huo'o ca ñi'onataxac. Qaq da huo'o ca lhuennataxa de'eda, qaq no'on qome da aÿim ÿauaqta'a da setaqa da shiita'am cam huo'o da n'onataxac, yaqto' nataq'en aÿim cada'ac da huo'o da ñi'amqajnaxac.

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

Lucas 10:8

Qaq da huo'o ca qavichiÿa pueblo cam huaña da qami' ÿacongueta, nachi qolliqui 'enauac nam qami' iqui'axanque.