2 Corintios 7:15 - Nuevo Testamento Toba Sur

¹⁵ Qaq somayi ÿataqta ÿacteec da lauotaxanaqtaic da qoñiita naxa da tachigui lauel da qoñiitec da qadalaxayiqui, qataq da 'eetec da qadqochoqoi co'ollaq qauacoñiiguet, qataq huo'o da qadcolanqai.

Nuevo Testamento Toba Sombrero Negro

¹⁵ Tito netouetac queda'me yema auoqochiiya nataq'aen a'nonaĝachigui ca'li aueloyeguet. Qo'che' jalcote ami yauoteque.

La'aqtaqa Ñim Lo'onatac 'Enauacna 2013

¹⁵ So Tito tachigui ye lauel naxa 'enauac da qaralaxayiqui qataq da lta'araic 'enec qanqa'eñi. Qaq ỹoqo'oye somaye ỹataqta lta'araic da lauoche da qoñiita.

2 Corintios 7:15 Referans Kwoze

Filipenses 2:12

Qaq ÿoqo'oyi qami' ÿaqaÿadolqa, cha'ayi qami' nachi 'eetai' naxa da aÿim qaualaqaiguet da qami' soota'agueta, qaq nagui da aÿim qaÿoqtaique, qalaq no'on da ÿacteec da aÿim qaualaqaiguet. Ÿataqta qau'onataxañiilec qome da qadca'alaqai, qataq sa ishit da 'ico' qanpichiitapeguela't, qataq ÿataqta huo'o da qadcolanqai.

2 Corintios 2:9

Can qami' samaxalo aso ÿide, qaq nachi huetalec 'enauac de'eda. Qaq qami' samaxalo asomayi, cha'ayi ñishitaique da chochi qami' shi'igue'n, da yaqto' saÿaten da ÿoqta 'eesa da qaualaqailec nam ÿapaxaguenataxanaxacpi.

1 Juan 3:17

Ÿoqo'oyi da huo'o ca 'oonolec da shinaqta da huo'o 'enauac nam lhueneguesat da nachaalataxac, qaq da huo'otaq ilota'a ca lqaÿa da huo'otaq huo'o da lhuenaxanaxa, qalaq sa ishit da nqouaguec camayi, nachi ¿huá'ago' ca 'eetec camayi da ÿauotec ñi Dios?

2 Ts 3:14

Da huo'o ca 'oonolec da qoñiita da sa ishit da ÿalaxalec da qad'aqtac mayi huetalec ana qodede, camayi ÿataqta qauauattoñiita. Nachi sa ishit da qaualliquiiguet, yaqto' camayi maichi n'aloxon.

Colosenses 3:12

Cha'ayi ñi Dios ÿataqta qami' ÿauoteque, qataq qami' lca'agui'shi, da yaqto' qami' lalamqa'te. Qaq ÿoqo'oyi ÿataqta qai'añiiñi qome da qami' choxonnataxanaxaiqa, huotaxanaqtaqaiqa, qataq sa qami' n'amqajnaxaiqa, qataq huosotta da qadataxaqui, qataq qami' hualaxaunaxaiqa.

Filipenses 1:8

Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

2 Corintios 6:12

Qaq sa ishit da huo'o ca 'oonolec da qoñiita da huo'o ca 'ico' soxotaqtapiisop, qalaxayi qami' mayi huo'oi naua qomi' qai'oxochiitapiisopa.

Hechos 16:29

Nachi som ilotague' aso ncoñitaxanaxaqui iÿaxanaique aso coÿadaxanaxaqui, nachi ÿataqta nqalgoqta da tau'a so pa'auo, ÿataqta iviloxolaqchit da lcolanaxa. Nachi i'adoto na l-llicte so Pablo qataq so Silas.

Efesios 6:5

Qataq qami' nlatacpi ÿataqta qaualaqaiguet qome na qan'aco'oipi mayi huetalec ana 'alhua. Namayipi ÿataqta huo'o naq 'enec qanqashiñi, qataq qayi'iÿai, qataq ÿataqta qanasapachiita, 'eeta'am qanqashiñi da nachiso so Cristo da qau'onataxañiitacot.

Juan 16:21

Aca 'alo da ivita yi laloqo' da deco'o, qalaq ÿataqta dachitata, cha'ayi mashi ivita yi laloqo' da nqui'ic. Qalaxayi da mashi ñiguiñi ca llalec, nachi acamayi icoua'ai so nqui'ic, souaxat da ntonaxac da ñiguiñi so nogotolec ana 'alhua.

1 Corintios 2:3

Co'ollaq qami' ñachattaiguilo, qalaq qaica ca i'añaxac qataq yiviloxolaqchit da icolanaxa.