2 Corintios 7:11 - Nuevo Testamento Toba Sur

¹¹ Qaq qami' huo'o da qadaquicoqoi mayi ÿaÿamaxadeeta ñi Dios, qaq ¡ña qauloÿa nagui dam naigui! Damayi i'ot da ÿataqta sa qauasaguiyiitac, qataq qau'axachi da naigui dam qau'ochi, qataq qami' inogoqchi't, qataq ÿauo'o da qadcolanqai. Ime, qaq ca huo'o ca qadyaqai da aÿim qanauañi'. Huaña, nachi qami' qanasapachiitelec da qauauo'oi da nhuaxanaguec cam i'ot ca qauem. Qaq 'enauac de'eda ichoxot da qami' ÿataqta qaica ca qadasouaxashichi.

Nuevo Testamento Toba Sombrero Negro

¹¹ ¡Yataqachiñe 'noota da'me Dios e'n ami totelo'te q'ae'n! Cha'li auec'achiñe ga'me chiyaqayi, naq'aeta da'me auaqanachichi da'me auayachiñe queda'me qaya'te yejamaĝataĝac, chayovida'a jayem aue'uoyilegue. Nach'e ena'am aualemataitac, nataq'aen at'oyiyapega ga'me jo'ne ami ualo'te ta'le 'uo da'me lamaic ta'le jayem auañiya, nataq'aen auauoyi ne'uaĝanaguec ga'me jo'ne ya'uo da'me ja no'en, yema da'me dojo' ami aualoĝoñi queda'me ja aualiquichiñe ga'me 'uo.

La'aqtaqa Ñim Lo'onatac 'Enauacna 2013

¹¹ Qaq ¡ỹataqta 'onaxaic Ñim Lo'onatac 'Enauacna da qami' ỹaquicoqche't! ¡Ña qauloỹa nagui dam naigui! Damaye ỹo'ot da qami' qauaỹaañi da aỹem qaica ca ỹasouaxashet, nache ivira'a da aỹem qavicheetapeguelec, nataqa'en qaunoitac souaxat da huo'o da qarcolanaqai da huo'o ca sevireguet. Huo'o nataqa'en da qaryaqai da aỹem qanauañi' qataq qauauo'oi ca nhuaxanaguec cam huo'o da lasouaxashet. Qaq 'enauac de'era qami' qauachaxañi da nache 'ena'am saishet da huo'o ca qarasouaxashechi.

2 Corintios 7:11 Referans Kwoze

Romanos 14:18

Qaq ca nachi 'eetec de'eda da do'onataxanot so Cristo, qaq camayi ÿataqta ÿaÿamaxadeeta ñi Dios qataq 'enauac na shiÿaxauapi.

2 Timoteo 2:15

Ÿataqta 'an'añaxato' qome da 'anachaxanot ñi Dios, qoneta'amo' ca n'onataxanaxanec ÿataqta qaÿaÿamaxadeeta, qataq qaica ca ncoqtaique. Chaqdata da 'auloteueeguelo naua lataxaco ÿaÿamaqchiyiñi de'eda n'aqtac mayi 'eesa lataxac.

2 Corintios 7:7

Qaq sa ishit da chaqdata da lvidaxac somayi, cha'ayi somayi ÿataqta huo'o da l'añaxac souaxat da qoñiita. Cha'ayi somayi qomi' da'aqtaxaatapeguema da ÿataqta huo'o da qadyaqai da aÿim qanauañi', qataq qomi' da'aqtaxaatapeguema dam qadaquicoqoi qataq da qaica ca qadamaxayiqui souaxat aÿim. Qaq nachida da ÿoqta nquigaxatteec da ñitonaxac.

Apocalipsis 3:19

Cha'ayi aÿim ÿataqta sevidaxato'ot, qataq saÿamaxajñi ca lasouaxashit cam ÿataqta sauotec. Qaq ÿoqo'oyi 'an'añaxat qome, qataq 'ai'axaadeec naua 'an'onataxaco.

Judas 1:23

Camayi qanca'alaxachiiueguesop ca nodec. Qataq nataq'en qauchoxoyiñi nam laÿipi, qalaxayi ÿataqta qauqaiquiÿa'agueta naua alogo mayi nataq'en ividaiguilo dam qauem n'onataxac namayipi.

1 Pedro 2:2

Qami' qoñiita'amo' ca nogotolec chita'ague da ñiguiñi da ÿataqta qansoxochi da l'aqtac ñi Dios mayi 'eeta'am ca ÿataqta ndoteec lchi' aca nate'e, yaqto' damayi qami' nañaxa't naq'en, qataq qami' ividaxata'alo da qanca'alliiuec.

1 Pedro 1:17

Cha'ayi qami' da qauÿaxañiitega ñi Dios da ÿataqta qadta'ai, ñim sa ishit da lca'atagui na shiÿaxauapi da nmit ñi 'oonolec cam lasouaxashit, nachi ÿataqta qayi'iÿai qone' ñimayi 'enauaque naua na'axa'te nagui da ña qoviitalec ana 'alhua.

Hebreos 4:1

Qaq ÿoqo'oyi nagui da ñaq huo'o da qomi' qaÿachaxanapecoto da ishit da senoxonaxau'a ca nmataxac ñi Dios, nachi ÿataqta ñitelaqañi qome. Ten, qom huo'o ca 'oonolec da qoñiita da sa ishit da inoxoneuo.

Tito 3:8

Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

Filipenses 2:12

Qaq ÿoqo'oyi qami' ÿaqaÿadolqa, cha'ayi qami' nachi 'eetai' naxa da aÿim qaualaqaiguet da qami' soota'agueta, qaq nagui da aÿim qaÿoqtaique, qalaq no'on da ÿacteec da aÿim qaualaqaiguet. Ÿataqta qau'onataxañiilec qome da qadca'alaqai, qataq sa ishit da 'ico' qanpichiitapeguela't, qataq ÿataqta huo'o da qadcolanqai.

Efesios 5:11

Qataq sa ishit qome da qanhuañiÿau'a nam qaica ca naigui lataxaguesat mayi i'ottac nam huetaigui na napalaxa. Chaqdata da qauachaxañi ca llic, da yaqto' qaÿaÿaten.

Efesios 4:26

Qaq da huo'otaq qaualematai, qalaq sa ishit da qauauo'oi ca qadasouaxashichi. Qataq de'eda qadalemataique sa ishit da imauec ca 'oonolec na'a'q.

2 Corintios 13:7

Qataq ñoqouagaxaunaqtacot ñi Dios, da yaqto' qami' sa ishit da qau'ochi ca sa ÿaÿamaxañi. Qaq sa ishit da qomi' chochi ñachaxanaqtac da ÿoqta 'eesa cam shinaqpec, chaqdata da qomi' sauoqtaique da qami' qau'ochi ca ÿaÿamaqchiguiñi, qaq nai'ctaxa da 'eeta'am da saq 'en cam sa'axataq.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

2 Corintios 6:4

Chaqdata da sauoqtaique da 'enauac nam so'otaqpi ichoxot da qomi' l-lataqa ñi Dios, souaxat da qanhualaxaunaxac da ñi'añaxataxaguet 'enauac na qanque'ejnaxaguesat, qadhuenaxanaxa qataq nam qanqanaqtagueguesat.

2 Corintios 2:6

Qami' co'ollaq qau'ochi so qalaponaxaqui da qau'ochi da nhuaxanaguec que'eca shiÿaxaua, qaq de'eda qau'ochi camayi nachi nalotañi.

1 Corintios 12:25

yaqto' sa ishit da nÿottecachi de'eda n'oquiaxac. Chaqdata da ñi 'oonolec ishit da huetapegue' da itauan ca lÿa.

1 Corintios 5:2

¡Qalaq ñaq 'eetalec da qami' ÿashittaguilo da qañi'oxonnaxaqui! ¡Qamaq ishíttaxa da ÿataqta qauaquicoita! Qaq que'eca shiÿaxaua mayi i'ot de'eda lta'adaic sa ÿaÿamaxañi, ÿataqta qauamaqÿauéctaxa da sa ishit da nachi 'eetai' da qami' netanguilo.

Romanos 11:20

Qaq damayi ÿaÿamaqchiguiñi. Qalaxayi namayipi qaiquesoxouec, cha'ayi qaica ca lpi'iÿaxac. Qaq 'am huo'o yi 'addaqa', cha'ayi souaxat da huo'o da 'adpi'iÿaxac. Qaq ÿoqo'oyi sa ishit qome da 'am 'an'amaqten. Chaqdata da ÿataqta 'antelañi.

Hechos 17:16

Qaq so Pablo co'ollaq hueta'a yi Atenas da iuattapigui so Silas qataq so Timoteo, nachi ÿataqta qaica ca lama' souaxat da imeteetac se'eso la ciudad da ÿataqta nlaqchigui na nqolacpi mayi qanatameetacot.

Juan 2:17

Nachi soua lapaxaguenataqa iuennatre naua ñiyigui'shi l'aqtaqa ñi Dios, mayi 'eeta': “Ÿataqta 'ico' aÿim ÿavic naq'en da shiita lta'adaic na 'adma'.”

Marcos 3:5

Nachi so Jesús ÿataqta denogui co'ollaq ÿamataigui somayipi, qataq ÿataqta daquico. Cha'ayi somayipi sa ishit da qaÿapaxaguenai'. Nachi 'enapego' so shiÿaxaua mayi daqaqta na lhuaq, 'eeta': –'Anchinnaxaneec na 'adhuaq. Nachi somayi nchinnaxaneec na lhuaq, nachi no'oita.

2 Corintios 7:9

Qaq nagui ÿataqta huo'o da ñitonaxac, qalaxayi damayi sa ishit da souaxat da qami' qauaquicoita. Mayi souaxat da de'eda qadaquicoqoi. Damayi chigoqchigui da qai'axañiideec naua qan'onataxacolli'. Cha'ayi huo'o da qadaquicoqoi mayi ÿaÿamaxadeeta ñi Dios, qaq sa ishit da huo'o ca 'ico' qadasouaqtac da qoñiita.

Romanos 3:5

Qalaxayi nam qayi'itaxaloxosat da chigoqchigui da i'axat da ñi Dios i'ot ca ÿaÿamaqchiguiñi, qaq ¿huá'ague ca shinaqtec? ¿Peta'a ñi Dios ishit da sa ÿaÿamaxañi ca i'ot, da huo'otaq qomi' iuaxa'n? (De'eda i'aqtac 'eeta'am da l'aqtac na chochi shiÿaxauapi.)

1 Ts 4:6

Sa ishit da huo'o ca napacapeguelec qataq ÿatenachit ca lqaÿa, cha'ayi so qadataxala' Jesús ÿataqta sa naloqnañi da nhuaxanaguec 'enauac na i'ottac de'eda. Qaq damayi sogote da qami' sovitaxanaqtegalo.

1 Timoteo 5:20

Qalaxayi ca saq ÿaxaañi da lli'itaxaloxo, qalaq camayi ÿataqta 'auaconeu'a, ÿauaachigui naq'en 'enauac na laÿipi da qonapega, yaqto' namayipi nal'en da ñi'i.

Santiago 3:17

Qalaxayi ca hueto'ot da naÿajnec mayi chigoqo'ot ñi Dios, camayi hua'auñi da qui'itta da nachaalataxac. Ime, qataq nhualaxaunaxaic, soxodaic, n'axaÿaxanguet ca lÿa, choxonnataxanaxaic, qataq i'ot ca ÿaÿamaqchiguiñi. Camayi sa ishit da huo'o ca ÿoxottapiguiñi. Chaqdata da huosochiguiñi.