2 Corintios 6:7 - Nuevo Testamento Toba Sur

⁷ qataq dam qad'aqtaxanaxac mayi 'eesa, qataq dam l'añaxac ñi Dios mayi qomi' hueta'agueta. Qataq so'ogoxonaxa da n'ogoxonaxat mayi chigaqaigui da qui'itta achaalataxac, da ivita da qomi' qaicogaxana'pe, huo'otaq da huo'o ca ñicotaqpegue'.

Nuevo Testamento Toba Sombrero Negro

⁷ Queda'me 'uo da'me qadañoqotaĝanaĝac 'me qo'mi yanema ñe'me Dios, male ja'aĝataqatac joda'me 'naqataĝanaĝac jo'ne yataqatelegue. Nale uo'oe ga'me qadaqalaico qama'le jajoyaqa'agueta, qama'le ena'am ta'le je'euoĝonaqatapecot da'me qat'oyaĝac 'me yataqatelegue queda'me je'etaqatac nataq'aen nach'e eta't ñenaĝataĝaye ga'me jo'ne chimaqachiñe.

La'aqtaqa Ñim Lo'onatac 'Enauacna 2013

⁷ qataq so'ogoxonaxa da la'añaxac Ñim Lo'onatac 'Enauacna da sa'axataqtac da na'aqtaxanaxac maye ỹataqta 'eesa. Qaq da huo'o na seviraxaguet qarqalaic, nache sataỹaqa'aguet, seroxogueta naua ỹaỹamaqchiyiñi so'ota'q qataq naua ỹaỹamaqchiyiñi qartaxaỹaxaco.

2 Corintios 6:7 Referans Kwoze

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

2 Timoteo 2:15

Ÿataqta 'an'añaxato' qome da 'anachaxanot ñi Dios, qoneta'amo' ca n'onataxanaxanec ÿataqta qaÿaÿamaxadeeta, qataq qaica ca ncoqtaique. Chaqdata da 'auloteueeguelo naua lataxaco ÿaÿamaqchiyiñi de'eda n'aqtac mayi 'eesa lataxac.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

2 Timoteo 4:7

Mashi semat da seloctapeguelec da i'onataxanaxac, qataq senoxonaqchiteec da ñaloxoyaxac. Ÿataqta soolec da qadpi'iÿaxac.

1 Ts 5:8

Qalaxayi qomi' mayi souaqtaigui na yi'oqchiguiñi na'a'q, ÿataqta seloqtegue da qoyiquiaxac. Sanaxañi da qadpi'iÿaxac qataq da qadsoxoyic, se'enaxataqchigui ca ale da ÿaañi aca ishit da npaxatalec ana ltogue. Qataq sanaxañi da qanaquitaxac da qomi' qanca'alaxatreec, 'eeta'am aca ado'o alaataxaqui mayi ÿaañi ca ale.

Efesios 3:20

Qaq ÿoqo'oyi nagui qaÿi'oxoden qome ñi Dios ñim 'añaxaic mayi ishit da ÿacteec naq'en da qomi' ÿanema cam seÿaxanaqaique, huo'otaq cam tatapigui yi qadhuel, da chigoqchigui naq'en da l'añaxac mayi do'onataxaatapoigui da qanachaalataxac.

2 Corintios 13:4

Qaq 'eesa da 'ico' qaica ca l'añaxac somayi co'ollaq qaiuaxaneuo, qalaxayi somayi nachattaigui da l'añaxac ñi Dios. Qaq ÿoqo'oyi nataq'en qomi' ñiuanaqau'a dam lchiguemaxa. Qalaxayi da ñi'adaqtau'a somayi, nachi qomi' nachattaiguilo da l'añaxac ñi Dios, yaqto' ishit da qami' souaqtapegueto.

Efesios 1:13

Qataq nataq'en da qoñiita co'ollaq chochi qan'axaÿaxañiÿa da n'aqtac mayi ÿoqta 'eesa mayi chigaqaigui da qadca'alqai, huaña, nachi qau'amaqchiñi so Cristo, nachi qan'ayiu'a somayi, nachi qami' qai'a'n da ÿataqta qami' lalamqa'te ñi Dios. Qaq damayi chigoqchigui so Espíritu Santo mayi ÿachaxanapec co'olloxochiyi ñi Dios.

2 Corintios 7:14

Qaq sa ishit da huo'otaq ñi'aloxootac can shiitega so Tito da aÿim ÿataqta huo'o da ñitonaxac souaxat da qoñiita. Chaqdata da 'enauac nam qami' sa'axataxama ÿataqta 'eesoda. Qaq nachi 'en'am da qad'aqtac can shinaqtega so Tito ÿataqta 'eesa da qomi' samaqchiguiñi souaxat da qoñiita.

Hebreos 2:4

Ñi Dios nataq'en ÿataqta 'itchiguiñi de'eda n'aqtaxanaxac. Ÿoqo'oyi ÿauo'oi naua l'anqa, qataq nam i'ot da n'aalaxa, qataq qalota nam i'ot nam sa qaÿauanapigui, qataq chigoqchigui naq'en so Espíritu Santo da ñimayi ÿotta'a't naq'en da 'eetec da qomi' ÿanema, qaq ipacchigui da maichi 'eetapeguec.

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

Efesios 4:21

lamaaxa da ÿoqta 'eesa da qau'aqaichigui da n'aqtaguec somayi, qataq da qami' qaÿapaxaguenque dam ÿoqta 'eesa lataxac mayi chigoqo'ot so Jesús.

1 Corintios 1:24

Qalaxayi nam lÿaxanataguishicpi ñi Dios judío l'ecpi, huo'otaq nam saq judío l'ecpi, namayipi ÿauattoota so Cristo da nachiso so l'añaxac qataq laÿajnec ñi Dios.

Hechos 11:21

Nachi dam l'añaxac so qadataxala' ÿataqta hueta'aguet namayipi, qaq ÿoqo'oyi ÿataqta qalota na ÿaxaneec da toguishic l'amqajnataxanaxac, nachi i'amaqten so qadataxala'.

Marcos 16:20

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.