2 Corintios 6:16 - Nuevo Testamento Toba Sur

¹⁶ Qataq ¿ishit peta'a da qaipa'axanoigui ca noÿic mayi huaigui da qanatamnot ñi Dios na nqolacpi? Cha'ayi qami' qoñiita'am cam lauo' ñi Dios mayi nca'altauec. Cha'ayi ñimayi nachi 'enapec, 'eeta': Sootaigui qataq salectaigui namayipi; aÿim mayi nachaÿim lta'a Dios, qaq namayipi nachi ÿalamaxatpi.

Nuevo Testamento Toba Sombrero Negro

¹⁶ Qo'mi mach'e 'lemec ñe'me Dios jo'ne nec'aletaye, nataq'aen ta'le Dios qo'mi uetauelo, qama'le ja jenaĝa qadeloĝot ga'me ch'e nequi'i. Qa'a mach'eñe ñe'me Dios enaac: “Jouetauelo jenjo' yalaqapi nataq'aen jequetauelo jogaa'me. Jayem Nedios qama'le yalaqapi qomle jogaa'me.”

La'aqtaqa Ñim Lo'onatac 'Enauacna 2013

¹⁶ Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

2 Corintios 6:16 Referans Kwoze

Apocalipsis 21:3

Nachi sa'axaÿa so n'aqtac ÿataqta alam, chimqot na piguem, 'eeta': –Ña 'aula'a, ñi Dios netangui nagui na shiÿaxauapi, ÿataqta lauodeuapi. Namayipi ÿataqta lauo' l'ecpi. Ñimayi ÿalecta'aguet na shiÿaxauapi, qaq nachiñi ñi lta'a Dios namayipi.

Hebreos 8:10

Qaq cam ñaÿamaxataxac qom ñaÿamaxate' na llalaqpi so Israel qom mashi inoxoodeec que'ecaua na'axa'te, camayi qome ipacchigui da 'enapec ñi qadataxala', 'eeta': Aÿim qome sachaigui da lhuennataxac namayipi da ÿamaxasoxonaxac, qataq sedelguete naua lquiyaqte. Nachi namayipi aÿim lta'a Dios, qataq namayi maichi ÿalamaxatpi.

1 Corintios 6:19

¿Qami' sa qauaÿajñiÿo' da qad'oquiaxaqui da 'eeta'am da lauo' so Espíritu Santo mayi qami' ÿanema ñi Dios, qaq somayi qami' netaiguilo? Qaq ÿoqo'oyi qami' sa ishit da qadalamaxachi da qad'oquiaxaqui,

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

Apocalipsis 21:7

Qaq cam dauegaxan qome, nachi qoÿami' 'enauac ne'ena, 'eeta'am da nshiitenaxat qanqoÿin. Nachi camayi aÿim lta'a Dios, qaq camayi ÿalec.

1 Juan 4:15

Qaq cam 'eesa naq'en so Jesús da nachiso so llalec ñi Dios, camayi n'attau'a ñi Dios, qataq ñimayi hueta'aguet camayi.

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Juan 6:56

Ca chic da i'oquiaxac qataq da nÿomguilo naua itago'q, nachi camayi nachi 'eetai' da aÿim n'attau'a, qaq nachi 'en'am aÿim soota'aguet camayi.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

1 Pedro 2:5

Nataq'en qami' qoñiita'am qome ca coma' mayi ÿataqta nca'altauec, qataq ÿataqta qanañañiÿot ñi Dios, da yaqto' qami' do'onataxanalo da n'oxooshiguem aca maichi l'onaxanaxaqui mayi saq cha'a, qataq da ÿauo'oi qami' ltaxaÿaxanaxanqa naq'en na shiÿaxauapi da qan'aqtaxañi' ñimayi, qataq nshitaique da qai'añiitacot aca maichi qadachitaqtaxanaqchi mayi saq cha'a, qaq acamayi ÿataqta ÿaÿamaxadeeta ñimayi, cha'ayi huo'o da qadpi'iÿaxaqui so Jesucristo.

2 Timoteo 1:14

'Antelo'o' da 'am ipataxalec ñi Dios da 'aulo'ogue, qaq 'am itauan so Espíritu Santo mayi qomi' hueta'agueta.

1 Juan 4:12

Ñi Dios qaica da huo'o ca nma'ai' da ÿauatton. Qalaxayi ñi 'oonolec da shinaqta da ÿataqta ÿauotec ca lÿa, nachi ñi Dios qomi' hueta'agueta, nachi da lauotaxanaqtaic ñimayi ivitta'a da nalochiguiñi da qomi' huetaiguilo.

Romanos 9:26

Qaq yim huaña co'ollaxa da qoÿinapega namayipi da qoÿiita': “Qami' sa ishit da qami' ÿalamqa'te,” qaq nachiyi yi huaña da qaiÿaxana namayipi da llalaqpi ñim Dios mayi nca'altauec.

Romanos 8:9

Qalaxayi qami' mashi sa ishit da qoquiitague' cam 'eetapeguec da qadapachiyaxaqui. Chaqdata da qoquiitague' cam 'eetapeguec so Espíritu Santo, qom ÿoqta 'eesa da qami' netanguita so Espíritu mayi chigoqo'ot ñi Dios. Qaq cam sa ishit da netanguit so Espíritu mayi chigoqo'ot so Cristo, nachi camayi sa ishit da lalamaxat somayi.

Efesios 2:20

Qataq qami' qoñiita'am ca noÿic mayi qan'oxootapiguishiguem, n'oxootelec qanqoÿin som lapaxañi co'olloxochiyi na lamaxashicpi so Jesús qataq na l'aqtaxanaxanecpi ñi Dios. Qaq nachiso so Jesucristo som 'ico' coma' mayi nllañi ca noÿic.

Mateo 6:24

Qaica ca ishit da dos naq'en caua n'aco'yi. Cha'ayi ishit da ÿaÿimec ca lÿa, qataq ÿauotec ca lÿa, huo'otaq da ÿataqta ÿalaxaguet ca 'oonolec, qaq ca lÿa qalaq ÿataqta i'otan. Qaq nachi 'eetec da sa ishit da qai'onataxanot ñi Dios qataq acam yi'oqchigui plata.

Apocalipsis 2:1

'Auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Éfeso. Qoneta': “'Eeta' da l'aqtac na huetaiguilo na lhuaq ana siete huaqajñi, qataq huetangui na laiñi ana siete ncoÿadaxanaxaquipi mayi chigaqaigui na oro, 'eeta':

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

1 Corintios 10:21

Qaq sa ishit da qanÿomiigui aca ÿomaxaqui mayi naigui da qai'amaqten so qadataxala', qata nataq'en qanÿomiigui aca ÿomaxaqui mayi naigui da qai'amaqten na lamaxashicpi so shiÿaxaua lma'na. Qataq sa ishit da qolliqui ca nallic mayi naigui da qaiuennate so qadataxala', qataq nataq'en qolliqui ca nallic mayi qoÿanot na lamaxashicpi so shiÿaxaua lma'na.

Efesios 2:22

Qaq nachi 'eeta'am nagui da qoñiita qataq 'enauac na laÿipi 'amqajnataxanaxaicpi 'enauac da qan'ayiitau'a so Cristo, qoñiita'am ca noÿic mayi lauo' naq'en ñi Dios so n'Espíritu Santo.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

Santiago 4:5

Ÿoqo'oyi saq vichiguiñi da 'enapec naua ñiyigui'shi l'aqtaqa ñi Dios, 'eeta': “So Espíritu mayi qomi' ÿanaiguilo naq'en ñi Dios, somayi qomi' ÿauoteque qataq 'ico' ica'altalguete.”

Lucas 5:36

Nataq'en ÿauo'o da daloqnaxana, 'eeta': –Qaca aca ishit da ichigueec ca laÿi aca npoto dalaxaale, ime, qaq dapannaxana da napaden aca toguishi npoto. Cha'ayi da nachi 'eetec de'eda, qaq ishit da n'axat ca dalaxaicolec, cha'ayi que'eca dalaxaicolec sa ishit da taiguet acam toguishi npoto.