2 Corintios 6:11 - Nuevo Testamento Toba Sur

¹¹ Qami' qadqaÿa't mayi qadmayi na Corinto, qomi' ÿataqta qaica ca sauoqtaique da qami' setaxasoxoiguilo, ÿataqta imauec da qadquiyaqteÿaxac da qaica ca 'oonolec soxotaqtapiguiñi.

Nuevo Testamento Toba Sombrero Negro

¹¹ Ami yaqaya'olqa Corinto laje' 'me p'etaqadaiquipi, yataqachiñe qaya'te lale'gue da'me qadojaĝac nale ami jojaqatapegue'to, nataq'aen 'nouatedaye naa'me qadai'li.

La'aqtaqa Ñim Lo'onatac 'Enauacna 2013

¹¹ Qami' qarqaỹa't maye qarmaye na Corinto, qomi' ỹataqta qaica ca sauoqtaique da qami' setaxasoxoiguilo, ỹataqta imauec da qarquiyaqteỹaxac da qaica ca 'oonolec soxotaqtapiguiñi.

2 Corintios 6:11 Referans Kwoze

Filipenses 1:8

Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

2 Corintios 12:15

Qaq aÿim ÿataqta huo'o ca ñasapattelec da sematteuo na aÿim hueto'ot, ivitta'a da sematteuo da i'añaxac, da yaqto' ishit da ÿaÿamaxañi da qanachaalataxaqui. Qalaxayi nai'ctaxa da huo'otaq nquictashiguem da qami' sauoteque, qalaq nachi 'en'am da nquictashiguem da sa ishit da aÿim qauauochiic.

2 Corintios 2:4

Cha'ayi can settapiguiñi asa'aso ÿide, qala ÿataqta lta'adaic da shiita qataq huo'o da ÿaquicoxo, ivida'a da ñoÿiitac. Qalaxayi sa ishit da shiyiñi asomayi da yaqto' qami' ÿaquicoqchi't, qalaxayi chochi ñishitaique da qauaÿajñi da ÿataqta lta'adaic da ÿauotaxanaqtaic da qoñiita.

Apocalipsis 22:12

–Aja', aÿim saqaÿaloq da ñanac. Qaq ñachitac ca ishiitenaxanaxat, da yaqto' seshiiten ñi 'oonolec cam l'onataxanaxac.

Filipenses 4:15

Qataq qami' mayi qoñiitaña na Filipos, nataq'en qauaÿajñiita co'ollaq chita'ague da sa'axat da n'aqtac mayi chigaqaigui da nca'alaxa, qaq co'ollaq shica'ai yi Macedonia, qalaq nachiqamiita 'enauac na 'amqajnataxanaxaicpi da aÿim qanamaqaÿa aso qadtaunaxanaqchi souaxat da qantoñiitapeguec da itaunaxanaxac da qami' sapaxague'n.

Gálatas 3:1

¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

Efesios 6:8

Cha'ayi qami' mashi qauaÿajñi da so qadataxala' ishiiten qome ñi 'oonolec cam ÿaÿamaqchiguiñi l'onataxanaxac, nai'ctaxa ca nlatac, huo'otaq cam sa nlatac.

Hechos 18:1

Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Gálatas 4:12

Qaq qami' ÿaqaÿa't, qami' ñachoxodeetoiguilo da no'on da aÿim qau'enaxachiichigui, cha'ayi aÿim nachiqami' shiita'ama. Cha'ayi sa ishit da huo'otaq qami' huo'o ca aÿim qau'ochiic.

Efesios 6:19

Nataq'en aÿim qanqouagaxauñiitalec, yaqto' ñi Dios aÿim ÿanema naua i'aqtaqa da ivita da setaqa, qataq yaqto' aÿim qadamchigui da sa'axat dam saq cha'a co'ollaxa n'aqtaguec da nca'alaxa, da yaqto' qaÿaÿaten.