2 Corintios 5:21 - Nuevo Testamento Toba Sur

²¹ So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Nuevo Testamento Toba Sombrero Negro

²¹ Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

La'aqtaqa Ñim Lo'onatac 'Enauacna 2013

²¹ So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

2 Corintios 5:21 Referans Kwoze

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Romanos 5:19

Cha'ayi de'eda 'eetec co'ollaq sa ishit da ÿalaq so 'oonolec shiÿaxaua, nachi ÿasouaxat da qalota na 'itaxaloxoicpi, qaq nachi 'eetec nataq'en dam lalaxayic so 'oonolec shiÿaxaua i'ot da qalota naq'en na ÿaÿamaxadeeta ñi Dios.

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

1 Juan 3:5

Cha'ayi qami' mashi qauaÿajñi da so Jesucristo somayi anaÿa ana 'alhua, da yaqto' ÿapalaxat 'enauac na qadasouaxashitpi. Qaq somayi ÿataqta qaica ca 'oonolec lasouaxashit.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Filipenses 3:9

qataq da yaqto' aÿim qaila'a da ñi'attau'a somayi. Qaq sa ishit da chigoqchigui da no'on ÿataxac souaxat da salaxaguet na nqataxacpi, chaqdata da no'on nataxac mayi ÿanem ñi Dios cam i'amaqten so Cristo. De'eda no'on nataxac mayi chigoqchigui da npi'iÿaxac.

2 Corintios 5:17

Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Romanos 4:25

som qoÿanguet co'olloxochiyi da nalaataguec souaxat na qadasouaxashitpi, qataq nca'aleeguesop naq'en ñi Dios da nleuaxa, da yaqto' ishit naq'en da qomi' ÿaÿamaxadeete' ñi Dios.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Romanos 1:17

Cha'ayi de'eda no'on qad'axaÿaxac, damayi ishit da qomi' ÿachaxaatalo da lataxac da ñi Dios ishit da qomi' ÿaÿamaxadeete'. Qaq damayi 'eeta': nachicata cam huo'o ca lpi'iÿaxac da da'amqajnataxan. Qaq 'eda da 'enapec naua ñiyigui'shi l'aqtaqa ñi Dios, da 'eeta': “Cam ÿaÿamaxadeeta ñi Dios, ca mayi da nachaalataxac ÿachigoxotchigui da lpi'iÿaxac.”

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Hechos 3:14

Nachi qami' sa qauÿaxañiu'a da qaisouec so shiÿaxaua mayi qui'itta qataq no'on da lataxac; nda'a't da qami' qauÿaxañiu'a da qaisouec som laataxanaxaic.

Lucas 1:35

Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.