Biblia Todo Logo
Bib sou entènèt

- Piblisite -




2 Corintios 5:18 - Nuevo Testamento Toba Sur

18 Qaq 'enauac de'eda chigoqchigui ñi Dios ñim chigoqchigui naq'en so Cristo da qaltaq ñimanaxai' naq'en ñimayi. Ime, qaq qomi' ÿanema da qad'onataxanaxac, da yaqto' nmane' ñaqashinaq 'enauac na shiÿaxauapi ñimayi.

Gade chapit la Kopi

Nuevo Testamento Toba Sombrero Negro

18 Yema da'me dojo' chiyoĝoguet ñe'me Dios; joca'li ena'am ta'le qadauteua ñe'me Dios, qalaĝaja nayi Cristo qo'mi yovidaĝateda'a da'me ena'am ta'le ñaigaqatapegue' ñe'me Dios. Nataq'aen qo'mi yanema da'me dojo' qat'onataĝanaĝac qaedi ga'me jiyaĝadipi qoye'n naequetedapegue' joñe'me.

Gade chapit la Kopi




2 Corintios 5:18
29 Referans Kwoze  

Qaq 'eda da huo'o mshi saÿajnaq da lauotaxanaqtaic ñi Dios da ñimayi hua'auñi da qomi' ÿauoteque. Ÿoqo'oyi qomi' namaxalo so llalec, da yaqto' chigoqchigui naq'en somayi da ÿapalaxat na qadasouaxashitpi. Qaq sa ishit da nachiqomi' chigoqchiguilo da sauotaxac ñimayi.


Qaq mashi qomi' ÿaÿamaxadeete' ñi Dios souaxat da qadpi'iÿaxac. Qaq ÿoqo'oyi nagui ñaÿamaxannaqte' ñimayi, qaq de'eda chigoqchigui so qadataxala' Jesucristo.


Cha'ayi 'enauac na huetalec na chigoqo'ot ñi Dios, qaq 'enauac l'onatacpi ñimayi, qataq maichi lalamaxatpi. Qaq ÿoqo'oyi ¡nachi 'eetai' da shi'oxodenaqtac ñi Dios! Aja', nachi 'eetec.


Cha'ayi somayi nachiso so chigoqchigui da huo'o mshi qaÿapalaxa't naua qadasouaxashi'te, qaq sa ishit da nachiqomaqta, cha'ayi nataq'en 'enauac na shiÿaxauapi mayi huetalec ana 'alhua.


qalaxayi qomi' saÿajnaq da 'oonolec ñi qadta'a, l'enaxat Dios. Ñimayi mayi chigoqchigui 'enauac nam huetalecna, qaq qomi' i'o't da qomi' lalamqa'te. Qataq 'oonolec so qadataxala', l'enaxat Jesucristo, som ÿachigoxotchigui ñi Dios 'enauac nam huetalecna, nataq'en qomi'.


Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.


Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.


'Enauac na ÿaÿamaqchiguiñi qataq nalochiguiñi mayi qomi' qoÿanema, namayi chigaqshiguem, chigoqtot ñi Dios ñim l'onata ana ishit da icoÿadelecna. Ñimayi sa ishit da nadalaxajla't, qataq sa ishit da nqochin, 'ico' ca lpaqal.


Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.


Qataq saq 'en'a't da lataxac da l'onataxanaxac na shiÿaxauapi, qalaxayi nachiñi ñi Dios mayi i'onataxanaxan 'enauac namayipi.


Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.


Ñi Dios namaxa co'ollaxa na llalaqpi so Israel da l'aqtac, dam l'aqtac mayi i'ot da nlagaxa, chigoqchigui so Jesucristo som lataxala' 'enauac na shiÿaxauapi.


Nachi so Juan 'enapegalo soomayi, 'eeta': –Qaica ca shiÿaxaua maichi nalligoxottela't da huo'o ca i'ot, da huo'otaq sa ishit da ÿanem ñi Dios camayi cam i'ot.


Qaq da huo'o ca qavichiu'a nma', qalaq qau'auaxañiiñi da qauquinaxañi, qoñiita': “Huo'o qome da l-lagaxayic ne'ena nma'.”


Cha'ayi ¿négue't aÿim Pablo? qataq ¿négue't ca Apolo? Qomi' chaqdata da qomi' lamaxa'shi ñi Dios, qomi' qauachigoqoichiguilo da huo'o mshi qami' qau'amaqchiñi so qadataxala' Jesús. Ñi 'oonolec da shinaqta i'ot ca l'onataxanaxac mayi ÿachaxaalec ñi qadataxala'.


Qalaxayi da ÿoqta 'eesa da aso 'alo qaÿachigoxotaigui so ÿale, qaq nataq'en 'eesa da ca shiÿaxaua chigaqaigui aca 'alo, qalaxayi 'enauac chigoqo'ot ñi Dios.


ÿachigoxotchigui naq'en da l-leuaxa so Cristo co'ollaq huo'o da nque'ejnaxac da l'oquiaxac. Qaq 'eetec de'eda ñimayi, cha'ayi nshitaique da qami' nachaalataxaneu'alo cam hueta'a, qalaq qami' qui'itte' qataq qaica ca 'ico' qadshipaxanaxai qataq ca qadasouaxashichi.


Swiv nou:

Piblisite


Piblisite