2 Corintios 5:17 - Nuevo Testamento Toba Sur

¹⁷ Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

Nuevo Testamento Toba Sombrero Negro

¹⁷ Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

La'aqtaqa Ñim Lo'onatac 'Enauacna 2013

^17-19 Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

2 Corintios 5:17 Referans Kwoze

Juan 3:3

Nachi so Jesús 'enapega somayi, 'eeta': –Aja', ÿataqta 'eesa de'eda 'am sa'axatem, da ca shiÿaxaua da sa ishit da ÿi'iguelaxalec da qaltaq ñiguiñi, qaq sa ishit da ila'a da l'onataxanaxac ñi Dios da ilo'ogue 'enauacna.

Gálatas 6:15

Cha'ayi da mashi ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat ca shiÿaxaua, huo'otaq da jegatai'. Cha'ayi da ÿataqta huo'o ca naigui, nachida da qanadalaxataguec da qomi' qanadalaxa't.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Juan 15:5

Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Romanos 7:6

Qalaxayi nagui mashi seleuaq, da yaqto' soqolqa'ai na nqataxacpi mayi qomi' icoñittai'salo. Huaña, nachi ÿataqta qomi' huesochiyiñi, da yaqto' so'onataxanqot ñi Dios dam dalaxaic qanachaalataxac mayi chigoqo'ot so Espíritu Santo. Qaq mashi sa ishit da souaqto'oto naua nqataxaco mayi qoÿittrañi.

2 Corintios 5:16

Qaq ÿoqo'oyi qomi' nagui sa ishit da chochi seloqtapigui da lataxac ca shiÿaxaua da shinaqta'am nam huetalec ana 'alhua. Qaq nai'ctaxa da sogote co'ollaxa da seloqtapigui da lataxac so Cristo da shinaqta'am nam huetalecana, qalaxayi nagui sa ishit da nachi 'eetec da qadhuennataxac de'eda somayi.

Juan 3:5

Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.

Efesios 2:15

Cha'ayi so Cristo nachida da maichi l'oquiaxac da chigoqchigui da imeuo naq'en 'enauac da lapaxaguenataxanaxac na nqataxacpi. Ime, nachi ÿauaxaÿaxanguet na judiopi qataq na sa ishit da judiopi da 'eeta'am ca dalaxaic nhuo' l'ecpi, qataq da n'attau'a naq'en somayi. Qaq 'eda da 'eetec somayi da i'ot da qadlagaxayic.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Juan 15:2

Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

Juan 17:23

Aÿim soota'aguet namayipi, qataq 'am aÿim qoueta'aguet, yaqto' namayipi ishit da ÿataqta 'oonolec ca lataxac, qaq yaqto' nam huetalec ana 'alhua ishit da ila'a da 'am aÿim 'adamaxashic, qataq da ÿataqta 'auauotec namayipi, 'eeta'am da 'eetec da ÿataqta aÿim 'auauotec.

Juan 14:20

Nachi que'eca na'a'q ishit qome da qauloÿa'a da aÿim sooto'ot ñi ita'a, qaq qami' nataq'en aÿim qoviita'aguet, nataq'en aÿim qami' soota'agueta.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Mateo 12:33

Aca qo'ipaq da huo'otaq no'on, nachi ÿataqta no'on da alaÿaxac. Qataq aca qo'ipaq da huo'otaq qauem, qaq nataq'en qauem ana ala. Qaq ÿoqo'oyi aca qo'ipaq maichi qaÿauatton da alaÿaxac.

Mateo 24:35

Na piguem qataq ana 'alhua imeuo qome, qalaxayi da i'aqtac sa ishit da imeuo.

1 Corintios 13:11

Co'ollaq ñaq aÿim nogotolec, qalaq naua itaxaÿaxaco qataq naua imejnaxanaxaco qataq naua iuennataxaco i'enaxatchigui da ñaq aÿim nogotolec. Qalaxayi co'ollaq mashi aÿim ÿi, nachi saxaneec da ñinogotshic.

2 Corintios 5:19

Qaq da qad'aqtaxanaxac 'eeta': Ñi Dios nachi hueta'aguet so Cristo co'ollaq somayi nmane' naq'en ñimayi 'enauac na shiÿaxauapi, qaq ñimayi sa ishit da taÿapigui lauel dam lasouaxashit namayipi. Ime, qaq qomi' ÿanaguilo da qad'onataxanaxac, da yaqto' sa'axataq da n'aqtac mayi i'axat da qanmane' ñi Dios.

2 Corintios 12:2

Aÿim sauatton so ÿale mayi i'amaqten so Cristo. Somayi mashi ivi' nagui naua catorce vi'iyi da qaÿauega yim piguem mayi pa'atchiguem. Aÿim sa saÿaten da ima da l'oquiaxac co'ollaq qaÿauec, huo'otaq sa ishit. Qalaxayi chaqñita ñim Dios mayi ÿaÿaten.

Filipenses 4:21

Qaq qami' mayi qoquiitague' so Jesucristo, qai'añiim qome da iquinaxanaxac 'enauac nam lalamaxatpi ñi Dios. Qataq nam qadqaÿañicpi mayi aÿim hueta'aguet nataq'en qami' ÿamaxalo da lquinaxanaxac.

Romanos 16:7

Nataq'en samaxa da iquinaxanaxac caua maichi iuo' lashi' Andrónico qataq aca Junias mayi ñicoñitaxa'u co'ollaxa. Caamayi ÿataqta qaÿauattoote', 'eeta'ama qanqoÿin soua lamaxa'shi so Jesús, qataq hua'auchiyiñi co'ollaxa da i'amaqte'n so Cristo, qaq aÿim qalaq ñica'ataxanauo.

Romanos 16:11

Nataq'en samaxa da iquinaxanaxac ca iuo' l'ec Herodión, qataq cam llalaqpi ca Narciso mayi i'amaqteetac so qadataxala'.

Romanos 16:3

Samaxa da iquinaxanaxac aca Priscila qataq ca lhua Áquila mayi ita'u da so'onataxanaqtacot so Cristo Jesús.

Romanos 16:9

Nataq'en samaxa da iquinaxanaxac ca Urbano cam qad'onataxanaxaua da so'onataxanqot so Cristo Jesús qataq ca lÿa ñauochaxaua Estaquis.

Romanos 16:10

Nataq'en samaxa da iquinaxanaxac ca Apeles mayi ÿataqta qalotacnaxa da ÿachaxaata da lpi'iÿaxac so Cristo, qataq nataq'en cam llalaqpi ca Aristóbulo.

Lucas 5:38

Qaq ÿoqo'oyi que'eca dalaxaicolec lataxa, camayi qaÿachangui acam dalaxaale l'oc ca shiguiÿac, qaq yaqto' caamayi nachi 'eetai' da sa ishit da daqa't.