2 Corintios 5:12 - Nuevo Testamento Toba Sur

¹² Qaq sa ishit da qaltaq shi'iguelaxasoxolec da yaqto' qaltaq qomi' qavi'oxoyiñi'. Cha'ayi chaqdata da sauoqtaique da qomi' qauamaitegueta, yaqto' qami' ishit da qau'aqtaxañiim na shiÿaxauapi mayi ñi'oxodeetapigui da lataxac ca yi'oqchigui shiÿaxaua, qaq sa ishit da nachica cam huetaigui añi lquiyaqte camayi.

Nuevo Testamento Toba Sombrero Negro

¹² Da'me qo'mi, ja naqaeda ta'le jetaque ami ñi'yoĝodenaqatapelo'te, dite da'me jepagaqatapega ta'le 'uo ga'me auachiyoĝochiyaye jo'ne ena'am ta'le qo'mi ani'yoĝodeñitapiyelo. Qama'le naq'aeta da'me auayachiñe ta'le a'uachiyegueta gaa'me jo'ne eetapela'ajalo p'ajodaye, qama'te ja ejoda.

La'aqtaqa Ñim Lo'onatac 'Enauacna 2013

¹² Qaq saishet da sauoqtaique da qomi' qavio'oxoyiñi'. Nachaqrata da sauoqtaique da qami' sanaxama ca ỹoqta lataxac yaqto' qomi' qana'amaqchiñiitaleguete. Huaña, nache qauaỹaañi ca qarasataxaqui da qauataiỹa'aguet nam 'eetega no'on shiỹaxauapi, qalaxaye saishet da 'eesa da no'on da lataxac.

2 Corintios 5:12 Referans Kwoze

2 Corintios 3:1

Da qomi' shinaqpec de'eda, qaq ¿qaupi'itaxañiitega peta'a da qomi' qaltaq sauoqtaique da ñi'oxonnaqtapeguela't? ¿Huo'otaq da qami' sanaxama aca nede mayi qanpataxasoxolate? ¿Huo'otaq da qami' seÿaxanaxaiguilo da qau'ochi aca qad'onataxanaxac lmalate, da yaqto' se'enaxataq nam nachi 'eetecpi de'eda?

2 Corintios 1:14

da qom ñi'iguelaq so qadataxala' Jesús, huaña, qaq qami' ishit da qomi' qantoñiitapegueque, qaq nachi 'en'am ñitonaqtapegueque qami'. Qaq damayi mashi cada'acolec da qauaÿajñiita.

2 Corintios 10:18

Cha'ayi ca shiÿaxaua mayi qaÿaÿamaxadeeta, sa ishit da nachica cam maichi ñi'oxodeetapeguela't, cha'ayi chaqcata cam ÿaÿamaxadeeta ñi qadataxala'.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

2 Corintios 10:12

Cha'ayi qomi' sa ishit da sauoqtaique da shinaqta'am, huo'otaq da ñaloqnaxaguet da qanachaalataxac nam shiÿaxauapi mayi maichi ñi'oxodeetapeguela't. Namayipi huo'o da n'oopaxac, souaxat da maichi naloqnaxaatapeguela't, qataq da ñi 'oonolec maichi naloqnaxaatapeeguet da nachaalataxac ca lÿa.

2 Corintios 10:8

Qaq nai'ctaxa da huo'otaq aÿim ñishitaique da cada'ac da 'ico' sagaqtenaqpec dam shinaxac, qalaxayi sa ishit da ñi'aloxootac. Cha'ayi so qadataxala' qomi' ÿanema de'eda shinaxac, da yaqto' nañaxat ñaq'enaq dam saq cha'a qanachaalataxaqui. Qaq sa ishit da 'ico' qami' ñilaxataxayiñi.

2 Corintios 6:4

Chaqdata da sauoqtaique da 'enauac nam so'otaqpi ichoxot da qomi' l-lataqa ñi Dios, souaxat da qanhualaxaunaxac da ñi'añaxataxaguet 'enauac na qanque'ejnaxaguesat, qadhuenaxanaxa qataq nam qanqanaqtagueguesat.

2 Corintios 10:7

Qami' mayi qauloitagui ca chochi yi'oqchigui shiÿaxaua. Qom huo'otaq huo'o ca 'eetega da quetague' so Cristo, qaq camayi no'on da ÿaÿateeta da qomi' nataq'en qolaqtague' so Cristo.

Filipenses 1:26

da yaqto' qaltaq aÿim qoviita'aguet, nachi 'eeta'am da so'ot da qantonaxaqui da qavi'oxoyiñiitac so Cristo Jesús.