2 Corintios 5:11 - Nuevo Testamento Toba Sur

¹¹ Qaq ÿoqo'oyi qomi' mayi mashi sauattonaqta da lataxac da shi'iÿaxa so qadataxala', qomi' huo'o da qanpogoxoinaxac da yaqto' ña da'amqajnataxan na shiÿaxauapi. Qalaxayi ñi Dios mashi sogote da qomi' ÿauattoote', qaq huo'o nataq'en da ñaquitaxac da qoñiita da qomi' qauauattoñiite'.

Nuevo Testamento Toba Sombrero Negro

¹¹ Qa'a joote jayatenaq queda'me 'noota ta'le joqochaĝa joñe'me Dios nataq'aen da'me 'ñonaĝataĝaye. Qo'che' ja'aedenaqatac da'me ñauegaĝala'ajalo jo' gaa'me jiyaĝa'u laqaya' qaedi nach'e ena'am p'iida'a joñe'me. Ñe'me Dios yataqachiñe qo'mi yateto'n, qama'le jepaquetapega ta'le nach'e ena'am da'me ami yataqachiñe qo'mi auatetoñi'.

La'aqtaqa Ñim Lo'onatac 'Enauacna 2013

¹¹ Qomi' saỹatenaq da iuen da qaỹalaxaguet qataq qaỹo'oxoren Ñim Lo'onatac 'Enauacna. Qaq ỹoqo'oye ñepogoxouenaqtapegue' da sa'aqtaxanaqteguem na laỹepi shiỹaxauapi da yaqto' ỹa'amaqten Ñimaye. Ñim Lo'onatac 'Enauacna qomi' ỹauattoote', qaq ỹoqo'oye aỹem huo'o da iyaxa nataqa'en da qomi' qauauattoñiite'.

2 Corintios 5:11 Referans Kwoze

Judas 1:23

Camayi qanca'alaxachiiueguesop ca nodec. Qataq nataq'en qauchoxoyiñi nam laÿipi, qalaxayi ÿataqta qauqaiquiÿa'agueta naua alogo mayi nataq'en ividaiguilo dam qauem n'onataxac namayipi.

Hebreos 10:31

Qaq ¡ÿataqta lta'adaic da lchiquiaxac da lhuaqÿaxac ñi Dios mayi nachi 'eetai' da nca'altauec, da huo'otaq huo'o ca ÿaconeu'a!

Apocalipsis 20:15

Nachi somayi qaÿasaxangui nam sa ishit da qoÿittau'a aso nanedaxalate nam qanca'alaxateecpi.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

2 Corintios 5:20

Qaq ÿoqo'oyi nachiqomi' l'aqtaxanaxanqa so Cristo, qaq chigoqchiguilo naq'en qomi' ñi Dios da 'eeta'am da qami' nachoxodeetoiguilo. Qaq chigoqchigui so Cristo da qami' ñachoxodenaqtoiguilo, shinaqta': qanmañi' qome ñi Dios.

Hechos 18:13

Nachi qoÿinapego' so nta'a, qoÿiita': –De'eda shiÿaxaua, damayi quetapegueu'a na shiÿaxauapi, da yaqto' natamnot naq'en ñi Dios, qalaxayi dam 'eetec naq'en da ñi'oxonnataxanaxac ÿataqta npe'enguet na maichi qanqataxacpi.

Lucas 12:5

Qalaxayi qami' sa'axatema cam ÿoqta ishit da qayi'iÿai, 'eeta': qayi'iÿai qome ñi Dios mayi huo'o naq 'enec da ÿamaxaña ca nhuaxanqa' na 'itaxaloxoicpi ca shiÿaxaua qom imat da nqat da nachaalataxac. Qaq 'iñi qome mayi qañi'iÿai.

Gálatas 1:10

Qaq da aÿim shinapec de'eda, qaq ¿peta'a chochi ñishitaique da aÿim ÿaÿamaxadeeta na shiÿaxauapi, huo'otaq ñi Dios? Loqo' chaq ¿chochi ñishitaique da saqca ca da ñaq'en na shiÿaxauapi? Cha'ayi da huo'otaq ña ñishitaique da chochi aÿim ÿaÿamaxadeeta na shiÿaxauapi, qaq sa ishit da aÿim l-latac so Cristo.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 26:26

Qaq 'iñi ñi nta'a Agripa qomi' ÿalectaiguilo, ñimayi ÿataqta ÿaÿateeta de'eda. Qaq ÿoqo'oyi aÿim sa ishit da ñiteltapiguiñi da aÿim hua'aqtega ñimayi da sa'aqtaxaatac, cha'ayi saÿaten da ñimayi nataq'en ÿaÿateeta 'enauac de'eda. Cha'ayi damayi sa ishit da huo'otaq ÿapogoñi ca lataxac; damayi ÿataqta ÿaateec.

Hechos 19:26

Qalaxayi qami' mashi qauauañiichigui, qataq qau'aqaichigui da se'eso Pablo somayi 'eetega da na nqolacpi mayi maichi l'onatac na shiÿaxauapi, namayipi sa ishit da ÿoqta 'en da deca'alaqtaxan. Qaq somayi ÿataqta qalota na ÿañoxot da i'amaqten dam 'eetega, qaq sa ishit da chaqnata na Éfeso, nataq'en 'enauaque naua 'ale'u na Asia.

Hechos 18:4

Nachi naxa da iviteuga yi na'a'q mataxaqui, nachi so Pablo tau'a aca laponaxaqui na judiopi, nachi da'aqtaxaatapeguem, qataq nam sa ishit da judiopi, da yaqto' da'amqajnataxan naq'en.

Hechos 13:43

Qaq co'ollaq mashi ime so naponaxac aso naponaxaqui, nachi ÿataqta qalota na judiopi qataq nam chochi ÿaconguet da l'amqajnataxanaxac na judiopi qataq ÿataqta quetegue, namayipi quegue so Pablo qataq so Bernabé. Nachi soomayi ÿataqta huaqattega namayipi, da yaqto' sa ishit da ÿaxaneec da lchoxonnataxanaxa ñi Dios.

Lucas 16:31

Qalaxayi so Abraham 'enapeco': “Da sa ishit da ÿalaxaguet so Moisés qataq som l'aqtaxanaxanecpi ñi Dios, qaq ¡huá'aguectoxo' da ishit da da'amqajnataxan, nai'ctaxa da huo'o ca qaltaq nca'aleec!”

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

Mateo 10:28

Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

Efesios 5:21

Ñi 'oonolec qome da qoñiita ÿataqta ipacapegue' ca lÿa, souaxat da ÿataqta huo'o naq 'enec qanqashiñi ñi Dios.

Hebreos 12:29

cha'ayi ñi qadta'a Dios, ñimayi 'eeta'am ca nodec mayi ishit da davigaqtaxan.