2 Corintios 5:10 - Nuevo Testamento Toba Sur

¹⁰ Cha'ayi 'enauac qome qomi' ñachaataxau'a cam huaña da so Cristo nmit na nasouaxashitpi, da yaqto' ñi 'oonolec ishit da ÿaconguet cam naigui ca l'onataxanaxac co'ollaq ña nachattaigui da l'oquiaxac, no'on, huo'otaq qauem.

Nuevo Testamento Toba Sombrero Negro

¹⁰ Qa'a ena'uaque qo'mi jajoyaqa'aguet qomle ñe'me Cristo, jo'ne nach'eñe qanec'atenoqo't. Nach'eñe nimitapiye qomle gaa'me qat'onataqa, qama'le qo'mi yanema ga'me qanejetenaguec qom qadalo'taguet, uotaĝa qo'mi yanema ga'me qane'uaĝanaguec.

La'aqtaqa Ñim Lo'onatac 'Enauacna 2013

¹⁰ Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

2 Corintios 5:10 Referans Kwoze

Mateo 16:27

Cha'ayi ne'ena shiÿaxaua llalec, qom ñi'iguelaq, nachi nactaigui da lli'oxoyic ñi lta'a qataq nam lamaxashic piguem l'ecpi. Huaña, nachi ishiiten ñi 'oonolec cam l'onataxanaxac.

Apocalipsis 22:12

–Aja', aÿim saqaÿaloq da ñanac. Qaq ñachitac ca ishiitenaxanaxat, da yaqto' seshiiten ñi 'oonolec cam l'onataxanaxac.

Efesios 6:8

Cha'ayi qami' mashi qauaÿajñi da so qadataxala' ishiiten qome ñi 'oonolec cam ÿaÿamaqchiguiñi l'onataxanaxac, nai'ctaxa ca nlatac, huo'otaq cam sa nlatac.

1 Corintios 4:5

Qaq ÿoqo'oyi qami' sa ishit da huo'o ca qau'aviÿalec da qanmichi. Qauachiÿa'aguet so qadataxala' qom ñi'iguelaq da yi'oq naq'en na huetaigui na napalaxa. Somayi mayi yi'aqlec naq'en na 'eetapeguecpi ana nquiyaqtepi. Ime, qanachi ñi Dios ÿaconguet ca 'oonolec da ÿanem ca 'itchiguiñi naÿamaxannataguec.

1 Pedro 4:5

Qalaxayi namayipi taÿa'a da i'axatem 'enauac nam i'ottacpi ñim Dios mayi mashi naÿamaxattai' da nmit nam lasouaxashitpi na shiÿaxauapi mayi nca'altauecpi qataq nam mashi saqcapi.

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Hechos 10:42

Nachi somayi qomi' ÿamaxalguete da sa'aqtaxanaxam 'enauac na shiÿaxauapi, da sa'axataq da ñi Dios ÿanagui somayi da nachiso so nmit qome na lasouaxashitpi nam ña nca'altauecpi qataq nam mashi ileu.

Apocalipsis 2:23

Qataq salauat qome 'enauac na llalaqpi, yaqto' 'enauac na 'amqajnataxanaxaicpi ishit da ÿaÿaten da aÿim 'eesa da saÿateetac cam saq cha'a nhuennataxac qataq da nquiyaqteÿaxac. Qataq ñi 'oonolec da qoñiita seshiitenguet cam naigui ca i'ottac.

Romanos 6:19

(Qaq de'eda itaxaÿaxac 'eeta'am ñaq'en da ltaxaÿaxac na shiÿaxauapi, cha'ayi qami' qaica ca qad'añaxaqui, qaq sa ishit da qauaÿajñi de'eda.) Qaq ÿoqo'oyi de'eda 'eetec co'ollaq qami' qai'añiim da qad'oquiaxaqui dam lamaxasoxonaxac nam ishit da deshipaxanaqtaxan qataq nam sa ÿaÿamaxañisat qataq nam qauemsat, da yaqto' i'ot. Qaq nachida nagui da qoñiitec, qai'añiÿot da qad'oquiaxaqui dam lamaxasoxonaxac da qui'itta achaalataxac, da yaqto' ishit da imauec da qanañañiÿot ñi Dios.

2 Corintios 7:3

Qaq sa ishit da shinapec de'eda da yaqto' sauo'o ca qadasouaxashichi, cha'ayi mashi ime caillayi da i'aqtac da qami' ÿataqta qanhuañiÿau'a da iquiyaqteÿaxac, da yaqto' qami' ñachaalataxa'u qataq da qami' ileuaxa'u.

Romanos 2:16

que'eca pa'ateec na'a'q, qom ivita da ñi Dios chigoqchigui naq'en so Jesucristo da nmi't nam saq cha'alo lhuennataxaco 'enauac na shiÿaxauapi. Nachi ÿataqta ipacchigui qome de'eda sa'axattac n'aqtac mayi chigaqaigui da nca'alaxa.

Hebreos 9:27

Qaq de'eda 'eetec da 'enauac na shiÿaxauapi da 'oonolec da ÿi'iguelaxalec da ileu, ime, nachi qataq iuata'aguet ca na'a'q qom qanmit 'enauacna,