2 Corintios 5:1 - Nuevo Testamento Toba Sur

¹ Qaq ÿoqo'oyi qomi' saÿajnaq da huo'otaq nlaguiñi de'eda qad'oquiaxac, mayi 'eeta'am ca noÿic mayi saq 'eetai', qalaxayi ñi Dios sogote da ÿaqataxaatai' ca qadma' mayi qaica ca loga't da piguem. Camayi sa ishit da chochi shiÿaxaua ca l'onatac.

Nuevo Testamento Toba Sombrero Negro

¹ Yataqachiñe jayatenaq queda'me jenaqa'am ga'me emec jo'ne ch'e nomachaĝaiqui, jo'ne yovita ga'me nolo' nale qonejoyeñe joga'me. Qalaĝaja 'uo ga'me qat'achaqa' di'me piyem, jo'ne ja ch'e jiyaĝaua 'lonatac nataq'aen ja yitaĝa pal, qa'a nach'eñe ñe'me Dios 'lonatac.

La'aqtaqa Ñim Lo'onatac 'Enauacna 2013

¹ Qaq ỹoqo'oye qomi' saỹaanaq da huo'otaq nlaguiñi de'era qaro'ocỹaxac, maye 'eeta'am ca nỹec maye saq 'eetai', qalaxaye Ñim Lo'onatac 'Enauacna sogote da iqataxaatai' ca qarma' da piguem maye qaica ca loga't. Camaye saishet da choche shiỹaxaua ca lo'onatac.

2 Corintios 5:1 Referans Kwoze

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

2 Corintios 4:7

Qalaxayi de'eda mayi qalota da lashiichiÿaxac, damayi sachoqtaigui da qad'oquiaxac mayi 'eeta'am aca 'alhuole, yaqto' ishit da qaila'a de'eda lta'adaic n'añaxac da chigoqo'ot ñi Dios, qaq sa ishit da nachiqomi' chigoqchiguilo.

Hebreos 9:11

Qalaxayi mashi sogote da nvi' so Cristo, qaq nagui somayi nachiso so 'oonolec qadtaxaÿaxanaxanec, da yaqto' qomi' qoÿanema nam no'on lataxaguesat mayi mashi nvi'. Qaq acam n'onaxanaxaqui mayi do'onataxaatapoigui da ntaxaÿaxanaxanec, acamayi ÿataqta no'on qataq nalochiguiñi, saq 'en'am aso hua'auchiguiñi. Acamayi sa ishit da l'onata na shiÿaxauapi, qataq sa ishit da lashi ana 'alhua.

1 Pedro 1:4

qataq i'ot da qami' ishit da qauacoñiiguet naq'en cam ÿachaxanapec ñi Dios mayi hueta'ague da piguem, cam sa ishit da qailaxachigui qataq sa ishit da qaishipaxanaqchit qataq sa ishit da daqaqtañi da 'eeta'am aca huoue lauoxo.

2 Corintios 5:4

Qaq ÿoqo'oyi nagui da ñaq sonaqtaigui ne'ena qadma' mayi nachida da qad'oquiaxac, qalaq ÿataqta huo'o da qadachitataic qataq da qadhuogoxo. Qalaxayi sa ishit da huo'otaq sauoqtaique da 'ico' ñisoxoñi dam toguishic qad'oquiaxac. Cha'ayi dam shinaqtapeguec, 'eeta': Sauoqtaique da sanaxañi cam dalaxaic qad'oquiaxac, qaq yaqto' dam qad'oquiaxac mayi huo'o ca loga't ishit da imeuo souaxat dam dalaxaic achaalataxac.

Marcos 14:58

–Qomi' sa'axasoqchigui damayi co'ollaq 'eeta': “Aÿim ñilaxajñi qome aña'añi n'onaxanaxaqui mayi l'onata nam chochi shiÿaxauapi; qaq ivi' tres na'axa'te, nachi semat da ñi'oxooshiguem aca lÿa n'onaxanaxaqui mayi sa ishit da l'onata na chochi shiÿaxauapi.”

2 Pedro 3:11

Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?

Colosenses 2:11

Qaq nataq'en nagui qami', da qan'ayiitau'a so Cristo, nachi qaÿauo'o ca qan'anaxachi. Qalaxayi sa ishit da nachida da yi'oqchigui qai'an da n'oquiaxac; mayi nachida da qadca'alqai co'ollaq qami' qanca'alaxateeguesopa da n'onataxac da qadapachiyaxaqui. Qaq 'eda da n'anaxanaxac mayi chigoqo'ot so Cristo.

1 Juan 3:19

Qaq 'eda da 'eetec da qomi' saÿajnaq da ÿoqta qomi' 'eesoda qataq da sa ñi'aloxonaqtac da souaqto'ot ñi Dios.

1 Juan 3:14

Cha'ayi qomi' mashi soqolqa'ai da 'ico' qadeleuaxa, nachi huo'o da qadca'alaxa. Qaq damayi saÿajnaqta, cha'ayi sauotaxac na qadqaÿañicpi. Qaq cam sa ishit da ÿauotec ca lqaÿa, qaq camayi ñaq 'eetalec da leuaxaic.

Hebreos 11:10

Cha'ayi so Abraham iuatta'a cam la ciudad mayi sa ishit da nlaguiñi, cam la ciudad mayi maichi l'enaqtac ñi Dios qataq maichi n'oxooshiguem.

1 Corintios 3:9

Cha'ayi qomi' n'onataxanaxauapi da l'onataxanaxac ñi Dios. Qaq qami' 'ico' da qoñiÿa'am ca lanaxanqa' ñi Dios. Qami' nataq'en qoñiÿa'am ca noÿic mayi n'oxootapiguishiguem ñi Dios.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Hechos 7:48

Qaq nai'ctaxa da ñim Dios mayi 'amaqtaqaic sa ishit da netaigui ca chochi l'onatac noÿic ca shiÿaxaua. Cha'ayi nachi 'enapec naua nanettrañi l'aqtaqa som l'aqtaxanaxanec, mayi 'eeta':