2 Corintios 4:8 - Nuevo Testamento Toba Sur

⁸ Qaq nai'ctaxa da hueteguelo 'enauac nam i'ot da qadqalaic, qalaxayi sa ishit da saq huo'o ca llic da qaÿaÿamaxajñi. Qataq nai'ctaxa da huo'o ca qomi' ÿachitata'n, qalaxayi sa ishit da saqca cam qanaquitaxac.

Nuevo Testamento Toba Sombrero Negro

⁸ Qo'che' mate mane'e qayoĝode' gaa'me laqalaico jo'ne jaĝauelo, qalaĝaja ja qadoual. Uo'oe gaa'me mach'e jachetataqatapalo, qalaĝaja ja japalaĝataqa'ta da'me qat'emaqata.

La'aqtaqa Ñim Lo'onatac 'Enauacna 2013

⁸ Qaq ỹoqo'oye na'aictaxa da souaqaigui ca qarqalaic, qalaxaye saishet da qaica ca qara'añaxac. Qataq 'eetai' taxa da souaqaigui da qarhuogoxo, qalaxaye saishet da deqat da qanaquitaxac.

2 Corintios 4:8 Referans Kwoze

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

2 Corintios 7:5

Chigoqta'a can ñividaxa yi Macedonia, nachi saxanaxa da huo'o ca qanmataxac. Chaqdata da qomi' ñatenaqlec 'enauac nam qomi' nqanaxa't qataq pa'aÿauec da qancogaxanataguec qataq mashi leutapigui da qadvilÿaxac.

Juan 14:18

Aÿim sa ishit da qami' sala't; aÿim ñi'iguelaq qome, da yaqto' qami' soota'agueta.

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

2 Corintios 6:4

Chaqdata da sauoqtaique da 'enauac nam so'otaqpi ichoxot da qomi' l-lataqa ñi Dios, souaxat da qanhualaxaunaxac da ñi'añaxataxaguet 'enauac na qanque'ejnaxaguesat, qadhuenaxanaxa qataq nam qanqanaqtagueguesat.

2 Corintios 6:12

Qaq sa ishit da huo'o ca 'oonolec da qoñiita da huo'o ca 'ico' soxotaqtapiisop, qalaxayi qami' mayi huo'oi naua qomi' qai'oxochiitapiisopa.

Gálatas 4:20

¡Da iyaxa da nachiqami' sootaiguilo nagui, da yaqto' ñadalaxat ca itaxaÿaxac da qami' setaxaiguilo, cha'ayi aÿim ÿataqta sa saÿaten ca shiitec, souaxat da qoñiita!