2 Corintios 4:4 - Nuevo Testamento Toba Sur

⁴ Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

Nuevo Testamento Toba Sombrero Negro

⁴ Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

La'aqtaqa Ñim Lo'onatac 'Enauacna 2013

⁴ Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

2 Corintios 4:4 Referans Kwoze

Juan 12:40

Ñi Dios i'otec naq'en namayipi da sa nauaañi qataq da ÿataqta qadamchiguilo naq'en naua lquiyaqte, yaqto' namayipi sa ishit da nauaayiñi naua yi'oqchiguilo l'ai'te, qataq qaica ca ÿaÿaten da lquiyaqteÿaxac, qataq da sa ishit da aÿim ñi'iguelaxa, da yaqto' ñataden.

2 Corintios 3:14

Qalaxayi somayipi qaica co'ollaxa ca lauattonaxanaxac. Qaq ñaq 'eetalec nagui naxa da qaitaxaÿaxan so hua'auchiguiñi aÿamaxataxac, qaq nachiso se'eso napoxonaxat som daqanaqtaxan da huo'o mshi sa ishit da huo'o ca qaÿaÿaten. Cha'ayi se'eso napoxonaxat sa ishit da qanqat, cha'ayi nachaqsota som Cristo mayi ishit da nqat.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

1 Juan 5:19

Qaq qomi' saÿajnaqta da qomi' lalamqa'te ñi Dios, qaq nam laÿipi shiÿaxauapi mayi huetalec ana 'alhua 'enauac hueto'ot da l'añaxac so shiÿaxaua lma'na.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Efesios 2:2

mayi qoviitaigui, qataq souaxat da qoquiitague' da lataxac nam i'ottac na 'onataxacpi mayi huetalec ana 'alhua qataq qau'ochiitac na 'eetapegueguesat som saq cha'a damaxasoxonapec mayi lma'na, som i'añaqchittac nam sa ishit da ÿalaxaguet ñi Dios.

Efesios 6:12

Cha'ayi qomi' sa ishit da huo'otaq seloquiaqtapegue' ca yi'oqchigui qadapachiyaxaua, chaqnata nam n'añaxacpi qauemaicpi saq cha'a mayi hueto'ot na piguem, nam damaxasoxonapecpi, 'añaxaicpi mayi ÿamaqpec nam huetaigui na napalaxa.

Juan 12:31

Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua.

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Juan 12:35

Nachi so Jesús 'enapega somayipi, 'eeta': –Ñaq cada'acolec da qami' hueta'agueta nam lcoÿadaqte ana 'alhua, qalaxayi sa qaÿadauec caua na'axa'te da qami' hueta'agueta. Qaq ÿoqo'oyi qauqueuoitapigui' qome, llaxatemallaxa da ñaq huo'o na yi'oqchiguiñi, yaqto' sa ishit qome da qami' ique'elaxa't ca napalaxa. Cha'ayi cam queuotapigui na napalaxa, camayi sa ishit da ÿaÿaten cam tata'ague.

Juan 14:30

Qaq nagui sa ishit da qalota na sa'axat da qami' sa'axatema, cha'ayi mashi anac nam damaxasoxonapec ana 'alhua. Qalaxayi namayi sa ishit da huo'o ca l'añaxac da aÿim ÿaconeu'a.

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Colosenses 1:15

Ñim Dios mayi sa ishit da qaila'a, ñimayi nactaigui da yi'oqchigui lataxac so llalec, som l'auaxanec da huo'o co'ollaq saxanaqca 'enauacna.

1 Juan 2:8

Qalaxayi ñaqaiyita de'eda shiyiñi 'eeta'am da dalaxaic namaxasoxonaxac. Qaq damayi ÿataqta 'eesa, 'eeta'am da 'eetec naq'en co'ollaxa so Cristo, qaq nachi 'eeta'am nataq'en da qoñiita. Cha'ayi so napalaxa mashi yaqta'a da ÿoxogue, ime, qaq anac na ÿoqta 'eesa da yi'oqchiguiñi.

Filipenses 2:6

Cha'ayi somayi nai'ctaxa co'ollaxa da 'eeta'am da lataxac ñi Dios, qalaxayi sa ishit da ÿictega da 'eeta'am da lataxac ñimayi.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Tito 2:13

Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Juan 16:11

qataq namayipi qome ÿaÿaten da ñi Dios ÿauo'o ca nhuaxanaguec, cha'ayi mashi sogote da qaÿauo'o da nhuaxanaguec som damaxasoxonapec ana 'alhua.

2 Pedro 1:19

Qalaxayi nataq'en huo'o da lÿa ÿataqta 'eesa, damayi nachida da l'aqtaxanaxac som l'aqtaxanaxanecpi ñi Dios mayi qoÿittañi. Qaq qami' no'on qom ÿataqta qauloiteguet de'eda n'aqtaxanaxac, nachi damayi 'eeta'am aca ncoÿadaxanaxaqui da icoÿadelec cam napalaxa, chochi ivitta'a da yaqta'a yi'oxoñi, nachi nnoxooshiguem aca yi'oxoñi lalaqte huaqajñi, nachi icoÿadelguete naua qadquiyaqchilli'.

2 Corintios 3:11

Qaq ÿoqo'oyi da huo'o da lli'oxoyic co'ollaxa dam cada'acolec da jec qataq imeuo, qaq nachi 'en'am ÿacteec da lli'oxoyic dam qaica ca loga't.

1 Corintios 10:20

Da shiitega 'eeta': Na sa ishit da ÿauatton ñi Dios, namayipi da ivita da ÿauo'o na lachitaqtaxanaxat, qanachi ne'ena lachitaqtaxanaxat taÿot na lamaxashicpi so shiÿaxaua lma'na, qaq sa ishit da nachiñi ñi Dios. Qaq sa saÿamaxaden da qami' qan'ayiitau'a na lamaxashicpi so shiÿaxaua lma'na.

Juan 12:45

Qataq ca aÿim ila'a, camayi nataq'en ila'a ñim aÿim namaq.

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

1 Timoteo 1:11

Qaq de'eda napaxaguenataxanaxac mayi no'oita ÿataqta nateeteguet da n'aqtac mayi chigaqaigui da nca'alaxa mayi ÿapac da lyaquiaxac. Damayi chigoqtot ñi Dios mayi hueto'ot da namaxayic. Qaq damayi aÿim qaipataxalec da sa'axateec.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Hechos 26:23

Qaq dam n'aqtaxanaxac qoÿinac yi cam nta'a mayi nca'alaxaqui, camayi qome ÿataqta huo'o da nque'ejnaxac. Qaq da ime, nachi qaÿalauat, qaq nachica qome ca l'auaxanec da qanca'alaxateeguesop na leuaxaicpi. Ime, nachi camayi i'axatem da nca'alaxa nam qadhuo' l'ecpi qataq nam saq judío l'ecpi, qaq damayi 'eeta'am na yi'oqchiguiñi.

2 Corintios 2:11

yaqto' so Satanás sa ishit da huo'o ca lligueuo da shinaqta, cha'ayi qomi' mashi saÿajnaqte' naua n'onataxaco.

2 Corintios 2:12

Co'ollaq aÿim ñivita yi la ciudad Tróade da sa'axat da n'aqtaguec so Cristo, huaña yimayi, nachi ñatenalec da ÿataqta qaica ca aÿim nqanaxat da so'onataxanot so qadataxala'.

Gálatas 1:4

som nañanguet co'olloxochiyi da nalaataguec, souaxat nam qadasouaxashitpi, da yaqto' qomi' nca'alaxateeguesopa nam qauemsat mayi huetalec ana 'alhua. Qaq ipacchigui da maichi lhuennataxa ñim qadta'a Dios.

Hebreos 6:4

Cha'ayi nam mashi sogote co'ollaxa da qaicoÿadelec da lauattonaxanaxac, qataq mashi sogote da ÿaÿateeta cam ÿan ñi Dios, qataq sogote da tanguit so Espíritu Santo,

1 Juan 2:11

Qaq cam nquiÿata'ai' ca lqaÿa, qalaq camayi nachattaigui na napalaxa, qataq sa ÿaÿaten cam tata'ague, cha'ayi nam napalaxa sa ishit da nauaañi naq'en camayi.