2 Corintios 4:3 - Nuevo Testamento Toba Sur

³ Qaq ÿoqo'oyi da huo'otaq sa ishit da qaila'a de'eda sa'axataqtac n'aqtaxanaxac mayi naigui da nca'alaxa, qalaxayi nachaqnata na shiÿaxauapi mayi taÿa'a da qanlaxajñi.

Nuevo Testamento Toba Sombrero Negro

³ Gaa'me jo'ne ja yaqanate't ta'le yayate'n da'me onaĝaic 'naqataĝanaĝac jo'ne ja'aĝataqatac, nach'egaua jo'ne ja nec'aledegue.

La'aqtaqa Ñim Lo'onatac 'Enauacna 2013

³ Nachaqnata nam saishet da ỹaỹaten de'era no'on na'axaỹaxac maye sa'axataqtac, namayepi saishet da qanca'alaxatec.

2 Corintios 4:3 Referans Kwoze

2 Corintios 3:14

Qalaxayi somayipi qaica co'ollaxa ca lauattonaxanaxac. Qaq ñaq 'eetalec nagui naxa da qaitaxaÿaxan so hua'auchiguiñi aÿamaxataxac, qaq nachiso se'eso napoxonaxat som daqanaqtaxan da huo'o mshi sa ishit da huo'o ca qaÿaÿaten. Cha'ayi se'eso napoxonaxat sa ishit da qanqat, cha'ayi nachaqsota som Cristo mayi ishit da nqat.

1 Corintios 1:18

Cha'ayi da n'aqtaguec da l-leuaxa so Cristo co'ollaq qaiuaxaneuo, 'eeta'am da chochi 'oopashic da hua'axaÿa nam taÿa'a da qanlaxajñi. Qalaxayi qomi' mayi saqa'a da qomi' qanca'alaxatreec, de'eda n'aqtaxanaxac, damayi l'añaxac ñi Dios.

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

Romanos 2:16

que'eca pa'ateec na'a'q, qom ivita da ñi Dios chigoqchigui naq'en so Jesucristo da nmi't nam saq cha'alo lhuennataxaco 'enauac na shiÿaxauapi. Nachi ÿataqta ipacchigui qome de'eda sa'axattac n'aqtac mayi chigaqaigui da nca'alaxa.

1 Timoteo 1:11

Qaq de'eda napaxaguenataxanaxac mayi no'oita ÿataqta nateeteguet da n'aqtac mayi chigaqaigui da nca'alaxa mayi ÿapac da lyaquiaxac. Damayi chigoqtot ñi Dios mayi hueto'ot da namaxayic. Qaq damayi aÿim qaipataxalec da sa'axateec.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

2 Corintios 2:12

Co'ollaq aÿim ñivita yi la ciudad Tróade da sa'axat da n'aqtaguec so Cristo, huaña yimayi, nachi ñatenalec da ÿataqta qaica ca aÿim nqanaxat da so'onataxanot so qadataxala'.

1 Corintios 2:6

'Eesa da qomi' setaxasoxoiguilo naua ntaxaÿaxaco ÿajnaxanaxaiqa, qalaxayi chaqnata nam mashi ÿataqta ÿi da lpi'iÿaxac. Qalaxayi de'eda naÿajnec sa ishit da lma'na, qataq sa ishit da chigoqo'ot na nta'alpi mayi huetalecna, nam taÿa'a da imeuo.