2 Corintios 4:18 - Nuevo Testamento Toba Sur

¹⁸ Qaq ÿoqo'oyi sa ishit qome da seloqtagui ca yi'oqchigui. Chaqcata ca sa ishit da yi'oq. Cha'ayi cam yi'oqchigui, qalaq sa ishit da 'eetai', qaq cam saq cha'a, qalaxayi sa ishit da huo'o ca loga't.

Nuevo Testamento Toba Sombrero Negro

¹⁸ Qa'a qo'mi ja jenaĝa diyachitapiyelo naa'me qadai'li qa'a jouaĝat ga'me 'uo jo'ne ualegue da'me qat'oyaĝac nayi, qa'a ja cop'a qom qaya. Dite da'me qanedotela't jouaĝat ga'me di'yoĝom da'me qat'oyaĝac qomle da'me daja' piyem. Nayi ja jayatenaq ga'me 'noyaĝac qomle; da'me eja jayatenaq queda'me ja yitaĝa 'naidena'a qomle.

La'aqtaqa Ñim Lo'onatac 'Enauacna 2013

¹⁸ Qaq ỹoqo'oye saishet da seloqtagui cam yo'oqchigui. Nachaqcata ca saqcha'a. Cha'aye cam yo'oqchigui, qalaq saishet da 'eetai', qaq cam saqcha'a, camaye qaica ca loga't.

2 Corintios 4:18 Referans Kwoze

2 Corintios 5:7

Qaq soqolaqtelec qome da qadpi'iÿaxac, qaq sa ishit da nachica ca yi'oqchigui da seloqtagui.

Hebreos 11:1

Da huo'o da qadpi'iÿaxac, qaq nachida da ÿoqta 'eesa naq'en da saconaxaguet cam seuataqtaique, qataq nachida da ÿoqta 'itchiguiñi naq'en da yi'oq cam sa ishit da cha'a.

1 Juan 2:25

Qaq som Jesucristo qomi' ÿachaxanapeguema co'ollaxa da achaalataxac mayi chochaq tateec.

Hebreos 11:13

Qaq 'enauac se'eso shiÿaxauapi chochi ivitta'a da ileu da sa ishit da ÿaconguet cam ÿachaxanapecot co'ollaxa ñi Dios. Qalaxayi souaxat da huo'o da lpi'iÿaxac, nachi somayipi 'eeta'am da chochi ilota'a, qataq ÿataqta i'amaqten, qataq huo'o da lqopichi da tatapigui yi lauel. Qaq de'eda 'eetec somayipi 'eeta'am da i'axattac da sa ishit da ÿoqta lma' ana 'alhua.

Mateo 25:46

Qaq qom ime, nachi ne'enapi taigui qome cam chochi tateec nhuaxanaguec, qaq nam no'on da lataxac, qalaq taigui cam chochaq tateec achaalataxac.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

Hebreos 9:11

Qalaxayi mashi sogote da nvi' so Cristo, qaq nagui somayi nachiso so 'oonolec qadtaxaÿaxanaxanec, da yaqto' qomi' qoÿanema nam no'on lataxaguesat mayi mashi nvi'. Qaq acam n'onaxanaxaqui mayi do'onataxaatapoigui da ntaxaÿaxanaxanec, acamayi ÿataqta no'on qataq nalochiguiñi, saq 'en'am aso hua'auchiguiñi. Acamayi sa ishit da l'onata na shiÿaxauapi, qataq sa ishit da lashi ana 'alhua.