2 Corintios 4:16 - Nuevo Testamento Toba Sur

¹⁶ Qaq ÿoqo'oyi sa ishit qome da saq ñi'añaxataq. Nai'ctaxa da 'ico' taÿañicda da qad'oquiaxac, qalaxayi dam saq cha'a qanachaalataxac na'axa'tesat da nqochiitashiguem.

Nuevo Testamento Toba Sombrero Negro

¹⁶ Qo'che' ja qadoual. Mate mane'e ga'me qadapat ena'am ta'le nemetapiñi, qalaĝaja ñe'me qadepaqal nach'e eta't nichique'tague da'me nadalaĝac.

La'aqtaqa Ñim Lo'onatac 'Enauacna 2013

¹⁶ Qaq ỹoqo'oye saishet da saq ña'añaxataq. Na'aictaxa da taỹañicra da la'añaxac da qaro'ocỹaxac, qalaxaye dam saqcha'a qarca'alaxa nquictasheguem da la'añaxac.

2 Corintios 4:16 Referans Kwoze

Colosenses 3:10

Qataq mashi sogote da qai'añiiñi da dalaxaic nataxac mayi nquictashiguem, chochi ivitta'a da 'eeta'am da lataxac ñim Dios mayi maichi l'onatac, da yaqto' ÿataqta ÿauattoota ñimayi.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

2 Corintios 4:1

Qaq ÿoqo'oyi qomi' sa ishit qome da sa ñi'añaxataq, cha'ayi ñi Dios dam lqouagaxanaqtaic qomi' ipataxalguete de'eda n'onataxanaxac.

Efesios 3:16

Qataq seÿaxaatacot ñi qadta'a Dios, da yaqto' ÿachigoxotchigui dam qaica ca 'en'am lsallaxa da qami' ÿanema da l'añaxac, da ÿachigoxotchigui so n'Espíritu da ÿanem da l'añaxac da qadvilÿaxaqui.

Romanos 7:22

Cha'ayi dam iquiyaqteÿaxac mayi aÿim pa'ataigui noqopita nam nqataxacpi mayi chigoqo'ot ñi Dios.

Tito 3:5

nachi qomi' nca'alaxatreec. Qaq de'eda qomi' i'oteque, sa ishit da huo'otaq naigui ca so'otaqtac ÿaÿamaqchiguiñi. Mayi ñimayi qomi' ichoxode'n. Ÿoqo'oyi qomi' nca'alaxatreec co'ollaq saxaigui da achilaxac mayi naigui da dalaxaic qadañoxoc qataq da dalaxaic qanachaalataxac mayi chigoqchigui so Espíritu Santo.

1 Pedro 3:4

Chaqdato' da ÿaañi ca saq cha'a 'otaxat mayi chochaq tateec da lyaquiaxac. Huosotta naq'en da lataxac qataq qaica camachicague't. 'Eda mayi ÿataqta huo'o naq 'enec naq'en ñi Dios.

Efesios 4:23

Qataq qami' iuen da ÿataqta qanadalaxat da qadvilÿaxaqui qataq da qadhuennataxaqui.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

2 Corintios 12:15

Qaq aÿim ÿataqta huo'o ca ñasapattelec da sematteuo na aÿim hueto'ot, ivitta'a da sematteuo da i'añaxac, da yaqto' ishit da ÿaÿamaxañi da qanachaalataxaqui. Qalaxayi nai'ctaxa da huo'otaq nquictashiguem da qami' sauoteque, qalaq nachi 'en'am da nquictashiguem da sa ishit da aÿim qauauochiic.

Lucas 11:3

Ña qomi' 'anañanema cam chochaq huañi qonoq na na'a'q.

1 Pedro 4:14

Da huo'otaq qami' qaishiueeta'pe souaxat so Cristo, qalaq ÿataqta qami' machiyiñi, cha'ayi som qaica ca 'en'am da lli'oxoyic n'Espíritu ñi Dios qami' hueta'agueta. Namayipi ÿataqta sa iyacnapec da detaxaÿa so Cristo, qalaxayi qami' ÿataqta qavi'oxoyiñi somayi.