2 Corintios 4:15 - Nuevo Testamento Toba Sur

¹⁵ Qaq 'enauac de'eda yi'oq, yaqto' qami' qauaÿamqaiñi, yaqto' da qalota na ÿaconguet da lqouagaxanaqtaic ñi Dios, qaq qalota nataq'en na ÿaatacot da n'achic, qaq damayi naigui da lli'oxoyic ñi Dios.

Nuevo Testamento Toba Sombrero Negro

¹⁵ Ena'uac da'me dojo' 'uo qaedi chiyaqayi da'me liyamaĝac joda'me at'oyaĝaqui, qa'a qom qayoĝode' gaa'me yacoteguet da'me loqopich'i ñe'me Dios nataq'aen da'me lichoĝodenataĝanaĝac ñe'me, qama'le uoja'aegaua qayoĝode' yate'm da'me lamai'j ñe'me qomle nataq'aen yatetoteguet da'me 'lonaĝac ñe'me.

La'aqtaqa Ñim Lo'onatac 'Enauacna 2013

¹⁵ 'Enauac de'era maiche qaraỹamaqai. Cha'aye da nquictauec nam ỹaconeguet da lsoxoyec qataq da lauotaxanaqtaic Ñim Lo'onatac 'Enauacna, nache ỹataqta qalota nataqa'en nam ỹaatacot da na'achec qataq ỹo'oxoreetac da la'amaqchec Ñimaye.

2 Corintios 4:15 Referans Kwoze

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

2 Corintios 8:19

Qaq saqdata de'eda, cha'ayi 'enauac nam 'amqajnataxanaxaicpi qalca'ateu'a se'eso qadqaÿa, da yaqto' ñinaigaqtague', qataq da yaqto' qomi' itaua'n de'eda souaqtapegue' nachitaqtaxanaxac mayi so'otaqtac da yaqto' ÿi'oxodaq naq'en ñi qadataxala' qataq yaqto' ishit da qaila'a de'eda qan'añaxataxaqui.

2 Corintios 1:11

lamaaxa da qomi' qautauañi', qomi' qanqouagaxauñiitalguete. Qaq da saqalota na shiÿaxauapi qomi' nqouagaxaueetalguete, qaq nachi 'en'am saqalota na ÿaatacot da n'achiquiaxac ñi Dios souaxat da lqouagaxanaqtaic mayi qomi' ÿanema.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

Gálatas 1:24

Nachi ÿi'oxodeetac ñi Dios, souaxat aÿim.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

1 Corintios 9:19

Nai'ctaxa da qaica ca aÿim l-latac, qalaxayi se'enaxat da 'ico' aÿim l-latac 'enauac na shiÿaxauapi, yaqto' ÿataqta saqalota na ÿaueguec shiÿaxauapi da i'amaqten so Cristo.

1 Timoteo 1:14

Ÿoqo'oyi aÿim ÿanem da lqouagaxanaqtaic ÿataqta saq llalcolec, nataq'en da npi'iÿaxac, nataq'en da nsoxoyic mayi 'enauac qomi' qoÿanema souaxat da ñi'adaqtau'a so Cristo Jesús.