2 Corintios 4:11 - Nuevo Testamento Toba Sur

¹¹ Cha'ayi qomi' nagui da ña ñica'alaqtauec, qalaq souaqtaigui da lchic da qanalaataguec 'enauaque naua na'axa'te souaxat so Jesús, yaqto' nataq'en da nachaalataxac somayi yi'oq da nachattaigui da qad'oquiaxac mayi huo'o ca loga't.

Nuevo Testamento Toba Sombrero Negro

¹¹ Qa'a qo'mi, queda'me maliaĝa qadec'aletaye, nataq'aen queda'me joqochaĝa joñe'me, nach'e eta't qo'mi dajo'toto da'me qadeleuaĝa, qaedi da'me 'loyaĝac joñe'me nach'e ena'am di'yoĝoma da'me qat'oyaĝac jo'ne ja t'añi.

La'aqtaqa Ñim Lo'onatac 'Enauacna 2013

¹¹ Qalaxaye nataqa'en ishet da chegoqchiguilo qomi' da qaila'a da So Jesús, da huo'o da la'añaxac da ỹanem da lca'alaxa na leuaxaicpi.

2 Corintios 4:11 Referans Kwoze

1 Corintios 15:49

'Eeta'am da nagui qomi' sanaqtañi da l'oquiaxac som 'alhua l'ec, qaq nachi 'eetec nataq'en ca na'a'q qom sanaxañi da l'oquiaxac som piguem l'ec.

Romanos 8:36

Qaq ipacchigui da 'enapec naua ñiyigui'shi n'aqtaqa, 'eeta': 'Am sasouaxalec da imauec yi na'a'q da qomi' qaÿauecta'alo da qadeleuaxa; qomi' qoÿiita'ama qanqoÿin aca qaguetapi da qaÿauecta'a ca nalaataqa'.

2 Corintios 5:4

Qaq ÿoqo'oyi nagui da ñaq sonaqtaigui ne'ena qadma' mayi nachida da qad'oquiaxac, qalaq ÿataqta huo'o da qadachitataic qataq da qadhuogoxo. Qalaxayi sa ishit da huo'otaq sauoqtaique da 'ico' ñisoxoñi dam toguishic qad'oquiaxac. Cha'ayi dam shinaqtapeguec, 'eeta': Sauoqtaique da sanaxañi cam dalaxaic qad'oquiaxac, qaq yaqto' dam qad'oquiaxac mayi huo'o ca loga't ishit da imeuo souaxat dam dalaxaic achaalataxac.

1 Corintios 15:31

Ÿataqta 'eesa, qami' ÿaqaÿa't, da 'enauaque naua na'axa'te satata'aguet da nleuaxa, qaq de'eda ÿataqta 'en, 'eeta'am da ñitonaxac da qami' ñitootapegueque, cha'ayi mashi qau'amaqchiñi so qadataxala' Jesucristo.

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

2 Corintios 4:10

Qaq nai'ctaxa cam sataxague, qalaq 'eeta'am da sachoqtac dam nalaataguec so Jesús, yaqto' ishit da qaila'a da nachaalataxac somayi da nachattaigui da qad'oquiaxac.

2 Corintios 4:12

Qaq ÿoqo'oyi de'eda nleuaxa do'onataxaatapoigui da qad'oquiaxac, qaq dam achaalataxac, qalaq do'onataxaatapoigui da qad'oquiaxaqui.

2 Corintios 6:9

Qataq huo'o da qoÿiitega qomi' sa qaÿauatto'n, qataq huo'o da qoÿiitega da qomi' nauattonataqa. Qataq huo'o da souaqaigui da lchic da nleuaxa, qalaxayi ñaqaiyita ña yica'alaqtauec. Huo'o da qomi' qaiuaxaata'pe, qalaxayi sa ishit da qomi' qaÿalaua't.