2 Corintios 3:18 - Nuevo Testamento Toba Sur

¹⁸ Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

Nuevo Testamento Toba Sombrero Negro

¹⁸ Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

2 Corintios 3:18 Referans Kwoze

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

1 Corintios 13:12

Qaq nachi 'en'am nagui qomi' da seloqtaigui na lataxaguesat, 'eeta'am da seloqtalec aca tannaxai da 'omalec. Qalaxayi qom ivita ca na'a'q, nachi huaña, qaq selaqa'a 'enauac namayipi ÿataqta ÿaateec. Nagui da ÿauattonaxanaxac saxanaxa da nalochiguiñi. Qalaxayi qom ivita ca na'a'q, nachi huaña, qaq nalogoñi da ÿauattonaxanaxac, 'eeta'am da 'eetec da ñi Dios aÿim ÿauattoota.

Colosenses 3:10

Qataq mashi sogote da qai'añiiñi da dalaxaic nataxac mayi nquictashiguem, chochi ivitta'a da 'eeta'am da lataxac ñim Dios mayi maichi l'onatac, da yaqto' ÿataqta ÿauattoota ñimayi.

Romanos 8:29

Cha'ayi nam nal'ena co'ollaxa da ÿauattonpi ñi Dios, qaq nachina nam lca'au'a co'olloxochiyi ñimayi, da yaqto' 'eeta'am naq'en so llalec, yaqto' so llalec 'eeta'am ca ñaxanec da ÿataqta qalota na lqaÿañicpi.

1 Corintios 15:49

'Eeta'am da nagui qomi' sanaqtañi da l'oquiaxac som 'alhua l'ec, qaq nachi 'eetec nataq'en ca na'a'q qom sanaxañi da l'oquiaxac som piguem l'ec.

2 Corintios 5:17

Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Santiago 1:23

Cha'ayi ca chochi n'axaÿaxaatega da n'aqtac, qalaq sa ishit da ÿalaxalec da i'ot, camayi 'eeta'am ca shiÿaxaua da ilolec aca tannaxai da imeten da lashiguiaxac.

Juan 17:24

'Am ita'a, namayipi aÿim 'ai'anem co'ollaxa, qaq ÿoqo'oyi ñishitaique da namayipi aÿim hueta'aguet qome cam soota'a, yaqto' ÿauaachigui cam ÿi'oxoyic mayi aÿim 'ai'ami'. Cha'ayi 'am nal'ena co'ollaxa da ÿataqta aÿim 'auauotec co'ollaq saxanaqaca ana 'alhua.

Tito 3:5

nachi qomi' nca'alaxatreec. Qaq de'eda qomi' i'oteque, sa ishit da huo'otaq naigui ca so'otaqtac ÿaÿamaqchiguiñi. Mayi ñimayi qomi' ichoxode'n. Ÿoqo'oyi qomi' nca'alaxatreec co'ollaq saxaigui da achilaxac mayi naigui da dalaxaic qadañoxoc qataq da dalaxaic qanachaalataxac mayi chigoqchigui so Espíritu Santo.

Romanos 8:7

Cha'ayi cam iuennatapega cam 'eetapeguec da lapachiyaxac, nachi camayi ÿataqta deloctague' ñi Dios, cha'ayi sa ishit da nañan da hueto'ot na lqataxacpi ñimayi, qataq ÿataqta sa ishit da nañoxojla't.

Romanos 8:4

Qaq 'eetec de'eda ñimayi, cha'ayi nshitaique da qomi' ishit da so'otaq 'enauac nam damaxasoxoolec nam nqataxacpi. Cha'ayi qomi' mashi sa ishit da qolaqtague' cam qauem 'eetapeguec dam qadapachiyaxac, chaqcata cam 'eetapeguec som Espíritu.

Juan 12:41

Qaq so Isaías 'enapec co'ollaxa de'eda, cha'ayi souaxat da ÿauaachigui da lli'oxoyic so Jesús. Huaña, nachi i'axattac somayi.

Romanos 13:14

Chaqdata da qai'añiiñi da lataxac so qadataxala' Jesucristo, qoñiita'am ca qad'ogoxonaxachi. Qaq sa ishit da qauqochiÿai cam qauem 'eetapeguec dam yi'oqchigui qadapachiyaxaqui.

Gálatas 6:15

Cha'ayi da mashi ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat ca shiÿaxaua, huo'otaq da jegatai'. Cha'ayi da ÿataqta huo'o ca naigui, nachida da qanadalaxataguec da qomi' qanadalaxa't.

1 Timoteo 1:11

Qaq de'eda napaxaguenataxanaxac mayi no'oita ÿataqta nateeteguet da n'aqtac mayi chigaqaigui da nca'alaxa mayi ÿapac da lyaquiaxac. Damayi chigoqtot ñi Dios mayi hueto'ot da namaxayic. Qaq damayi aÿim qaipataxalec da sa'axateec.

Juan 17:22

Qataq aÿim sanem namayipi dam ÿi'oxoyic mayi aÿim 'ai'anem, yaqto' namayipi ÿataqta 'oonolec ca lataxac, 'eeta'am da 'eetec 'am qataq aÿim da ÿataqta 'oonolec da qadataxac.

2 Corintios 3:17

Cha'ayi so qadataxala' nachiso som Espíritu Santo, qaq ÿoqo'oyi cam hueta'ague so n'Espíritu so qadataxala', nachi qaica ca saq huesochiguiñi.

1 Juan 3:2

Qami' ñauochaxa'u ÿaqaÿa't, nagui mashi qomi' llalqa ñi Dios. Qaq saxanaxa da qomi' qaichoxotema chaq hua'ague ca 'eetec qome ca qadataxac ca pa'ateec na'a'q. Qalaxayi qomi' saÿajnaq da qom nachaxan so Jesucristo, nachi ÿataqta shinaqta'am somayi, cha'ayi ÿataqta ñimaqa'ai' da seloqto'ot.