2 Corintios 3:14 - Nuevo Testamento Toba Sur

¹⁴ Qalaxayi somayipi qaica co'ollaxa ca lauattonaxanaxac. Qaq ñaq 'eetalec nagui naxa da qaitaxaÿaxan so hua'auchiguiñi aÿamaxataxac, qaq nachiso se'eso napoxonaxat som daqanaqtaxan da huo'o mshi sa ishit da huo'o ca qaÿaÿaten. Cha'ayi se'eso napoxonaxat sa ishit da qanqat, cha'ayi nachaqsota som Cristo mayi ishit da nqat.

Nuevo Testamento Toba Sombrero Negro

¹⁴ Jogaa'me ja yayate'n da'me dojo'. Chayovida'a nayi, nale yec'ate'n naa'me nedii's jo'ne 'yaĝa't da'me 'uaechiñe yamaĝataĝac, ena'am ta'le 'uo ga'me ualoq jo'ne yapadelegue da'me layatenaĝanaĝa'j. Yataqata ja yaqanate't ta'le yayate'n, qa'a nach'eñeta ñe'me Cristo 'me yaqanatet ta'le yayatenaĝaneque.

La'aqtaqa Ñim Lo'onatac 'Enauacna 2013

¹⁴ Somayepi saishet da ivira da ỹaỹateeteguet. Ỹoqo'oye choche ivitta'a nagui da itaxaỹaxan na lereguishecpi so Moisés, nache saishet da ỹaỹaten. 'Eeta'am da qaỹapotalec da ntoonaxac. Nachaqsota So Cristo da ishet da itaunec da yaqto' ishet da ỹaỹaten.

2 Corintios 3:14 Referans Kwoze

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Hechos 16:14

Qaq huo'o aso 'oonole 'alo, l'enaxat Lidia, chigaqa'ague co'ollaxa da la ciudad Tiatira. Qaq asomayi imeetac ana ÿataqta no'on npotoyic nauedalec na ltogaxa. Asá'aso 'alo nachi 'eetai' da quetague' ñi Dios. Nachi asomayi n'axaÿaxaatac, nachi so qadataxala' ÿauatoigui da lquiyaqteÿaxac da yaqto' ÿaconguet dam i'axattac so Pablo.

Hechos 13:15

Qaq co'ollaq ime da qaitaxaÿaxaatac aso lede so Moisés mayi huetalec na nqataxacpi qataq asom lede som l'aqtaxanaxanecpi ñi Dios, nachi soua nataxala'te asom naponaxaqui, soomayi 'enapegalo soua Pablo, 'eeta': –Qami' qadqaÿa't, da huo'o ca qadqataxaqui, nachi no'on da qau'axachiim nagui na shiÿaxauapi.

Juan 12:46

Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa.

Juan 12:40

Ñi Dios i'otec naq'en namayipi da sa nauaañi qataq da ÿataqta qadamchiguilo naq'en naua lquiyaqte, yaqto' namayipi sa ishit da nauaayiñi naua yi'oqchiguilo l'ai'te, qataq qaica ca ÿaÿaten da lquiyaqteÿaxac, qataq da sa ishit da aÿim ñi'iguelaxa, da yaqto' ñataden.

Juan 8:12

Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

Mateo 16:17

Nachi so Jesús 'enapeco': –'Am Simón mayi 'am llalec so Jonás, ÿataqta lta'adaic qome da 'adamaic, cha'ayi sa ishit da chochi shiÿaxaua ca 'am ÿaÿajnaxanaxanec de'eda, chaqñita ñi ita'a mayi neta'ague da piguem.

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Mateo 6:23

Qalaxayi naua 'ad'ai'te, da huo'otaq sa ÿaÿama'q, nachi 'enauac da 'ad'oquiaxac huetaigui na napalaxa. Qaq ÿoqo'oyi na yi'oqchiguiñi mayi 'am hueto'ot, da huo'otaq napalaxa, nachi ¡ÿataqta ÿapacteec na napalaxa mayi qouetaigui!

2 Corintios 3:6

Cha'ayi ñimayi maichi chigoqchigui da qomi' nalau'alo naq'en da so'onataxanaxau'a dam dalaxaic aÿamaxataxac mayi saq 'en'am da qaÿalaxaguet ca chochi ñiyiguishic, cha'ayi damayi nachida da dalaxaic achaalataxac mayi chigoqo'ot so Espíritu Santo. Na nqataxacpi mayi qoÿittañi, namayipi i'ot da nalaataguec ca shiÿaxaua, qaq so Espíritu Santo, qalaxayi ÿan da achaalataxac.

Hechos 15:21

Cha'ayi dam chigoqta'ague soua hua'a'u vi'iyi huo'o co'ollaxa na shiÿaxauapi mayi i'axatta'pe naua lqataxaco so Moisés mayi qaitaxaÿaxaata'pe yi na'a'q mataxaqui da huaigui ana laponaxaquipi na judiopi.

2 Corintios 3:15

Qaq ñaq 'eetalec nagui da ivita da qaitaxaÿaxan anam lliyiguishipi so Moisés, nachi huo'o so 'ico' napoxonaxat mayi ÿapotalec da nauattonaxanaxac.

Efesios 4:18

qataq da lauattonaxanaxac 'ico' huetaigui na napalaxa. Namayipi sa ishit da hueto'ot da achaalataxac mayi chigoqo'ot ñi Dios, cha'ayi qaica ca ÿaÿajnapec, souaxat da ÿataqta qadamchiguilo naua lquiyaqte.