2 Corintios 2:4 - Nuevo Testamento Toba Sur

⁴ Cha'ayi can settapiguiñi asa'aso ÿide, qala ÿataqta lta'adaic da shiita qataq huo'o da ÿaquicoxo, ivida'a da ñoÿiitac. Qalaxayi sa ishit da shiyiñi asomayi da yaqto' qami' ÿaquicoqchi't, qalaxayi chochi ñishitaique da qauaÿajñi da ÿataqta lta'adaic da ÿauotaxanaqtaic da qoñiita.

Nuevo Testamento Toba Sombrero Negro

⁴ qalaĝaja ca'li ami jedenaqatenalo ga'me yediijec, yataqachiñe jayem totelegue, lichigui jena'me yeuel chayovida'a ñoyetac. Ja jetaque ami totelo'te q'ae'n, qalaĝaja eja jetaque auayachiñe da'me yataqata jalcote da'me ami joqopitalo.

La'aqtaqa Ñim Lo'onatac 'Enauacna 2013

⁴ Qalaxaye co'ollaxa settapiguiñi asa'aso ỹere, qalaq ỹataqta lta'araic da ỹaquicoxo qataq sa saỹaten ca sheetec, ivira'a da ñeỹeetac. Qaq saishet da shiyiñi asomaye da yaqto' qami' ỹaquicoqche't, nachaqrata da ñeshetaique da qauaỹaañi da ỹataqta lta'araic da ỹauotaxanaqtaic da qoñiita.

2 Corintios 2:4 Referans Kwoze

2 Corintios 7:12

Cha'ayi can settapiguiñi aso ÿide, qalaq sa ishit da ÿapacteec da icouennataxac da huo'otaq tatapigui yi iuel cam shiÿaxaua mayi i'ot ca sa ÿaÿamaxañi, huo'otaq cam huo'o ca qai'otec. Chaqdata da ñishitaique da yaqto' qauaÿajñi de'eda qadhuogoqoi souaxat da shinaqta. Qaq damayi ÿauaachigui ñi Dios.

Filipenses 3:18

Qaq mashi qalota da qami' shinapegalo, qalaxayi nagui qaltaq ñoÿiitalec da shi'iguelaxalec da qami' shinapegalo, cha'ayi ÿataqta qalota nam npa'aguene' da l-leuaxa so Cristo co'ollaq qaiuaxanguet so npe'enaxaqui.

2 Corintios 12:15

Qaq aÿim ÿataqta huo'o ca ñasapattelec da sematteuo na aÿim hueto'ot, ivitta'a da sematteuo da i'añaxac, da yaqto' ishit da ÿaÿamaxañi da qanachaalataxaqui. Qalaxayi nai'ctaxa da huo'otaq nquictashiguem da qami' sauoteque, qalaq nachi 'en'am da nquictashiguem da sa ishit da aÿim qauauochiic.

2 Corintios 11:2

Cha'ayi aÿim huo'o da 'ico' ica'alaxanaxac da qoñiita, qalaxayi de'eda ica'alaxanaxac, damayi chigoqtot ñi Dios. Cha'ayi aÿim sauotaique da qami' sadonaxanaxangueta so Cristo, qataq sauotaique da qami' sachaxaneu'alo somayi, da 'eeta'am ñaq'en aca qa'añole mayi saxanaxa da huadon, da huadonguet ca 'oonolec ÿale.

2 Corintios 2:9

Can qami' samaxalo aso ÿide, qaq nachi huetalec 'enauac de'eda. Qaq qami' samaxalo asomayi, cha'ayi ñishitaique da chochi qami' shi'igue'n, da yaqto' saÿaten da ÿoqta 'eesa da qaualaqailec nam ÿapaxaguenataxanaxacpi.