2 Corintios 2:13 - Nuevo Testamento Toba Sur

¹³ Qalaxayi da iquiyaqteÿaxac ÿataqta qaica ca lamaxayic souaxat da sa ñauane' so qadqaÿa Tito. Ÿoqo'oyi nachi ñicoyiguene' yimayipi da ñanaÿa na 'alhua Macedonia.

Nuevo Testamento Toba Sombrero Negro

¹³ Qalaĝaja ja machiñe q'aen na'me yeuel, queda'me ja jauana ñe'me qadaqaya Tito. Qo'che' jep'iye'tape da'me jeca'ae ca'li jogaa'me, qama'le jec'ata di'me aleua jo'ne Macedonia.

La'aqtaqa Ñim Lo'onatac 'Enauacna 2013

¹³ Qalaxaye da iquiyaqteỹaxac saq maguiñi souaxat da sa ñauane' so qarqaỹa Tito. Ỹoqo'oye, nache ñecoyeguene' so 'amqaanataxanaxaicpi maye hueta'a ye nỹecpi ye Troas, ime, nache saỹa ye 'alhua Macedonia.

2 Corintios 2:13 Referans Kwoze

2 Corintios 12:18

Co'ollaq seÿaxanot so Tito da yaqto' qami' namaqtegalo, qalaq samaxague so lÿa qadqaÿa. Qaq ¿peta'a qami' ÿatenachi't co'ollaxa so Tito? Qaq ¿peta'a saq 'en da qomi' nachi 'eeta'a't da qadataxac, qataq 'eeta'a't da qadhuennataxac?

Tito 1:4

'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

2 Timoteo 4:10

Cha'ayi so Demas aÿim ca'ai, souaxat da lqopichi da 'onataxac lma'na. Nachi nqochingue da Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Gálatas 2:3

Qaq so Tito mayi ñinaictague', qalaxayi ñaqaiyita sa ishit da qoÿinapega da i'ot ca n'anaxashit na l'oc, nai'ctaxa da somayi sa ishit da judío l'ec.

Gálatas 2:1

Qaq co'ollaq mashi inoxoodeec soua catorce vi'iyi, nachi qaltaq saigue da Jerusalén, ñinaictague' so Bernabé, qataq sauec so Tito.

2 Corintios 8:23

Qaq da huo'otaq huo'o ca denataxanec so Tito, qaq qau'aqtaxañiim camayi da so Tito maichi itaua, aÿim itauaatac da qami' huetapegueto. Qaq da huo'otaq qainataxanec soua lÿa't qadqaÿa't, qalaq qau'axachi' sa soomayi maichi lamaxa'shi nam 'amqajnataxanaxaicpi mayi hueta'a ne'ena soota'a, qataq soomayi ÿi'oxodeetrac so Cristo.

2 Corintios 8:16

Qaq sanot da ñi'achiquiaxac ñi Dios, cha'ayi ñimayi ÿachanguit ana lquiyaqte so Tito da 'eeta'am naq'en aÿim da huo'o da lyaxa da qami' itaua'n.

2 Corintios 8:6

Qaq ÿoqo'oyi qomi' ñachoxodenaqtacot so Tito, da yaqto' nachi 'eetai' da quetot naq'en da qoñiita de'eda nachitaqtaxanaxac mayi sogote co'ollaxa da i'ottac can qami' huetaiguilo.

2 Corintios 7:13

Qaq ÿoqo'oyi qomi' ÿataqta huo'o da qan'añaqchitaguec. Qalaxayi sa ishit da chaqdata de'eda qan'añaqchitaguec mayi saconaxaguet. Cha'ayi can ñauanaxai' so Tito, nachi ÿapacteec da qantonaxac, souaxat somayi da ÿataqta machiguiñi, qataq souaxat qami' da ÿataqta qautauañi somayi, da yaqto' sa ishit da huo'o ca tatapigui yi lauel.

Marcos 6:46

Qaq co'ollaq ime da ncoyigueetague' somayipi, nachi jec da tashiguemec aso qasoxonaxa da nqouagaxauen.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

2 Corintios 7:14

Qaq sa ishit da huo'otaq ñi'aloxootac can shiitega so Tito da aÿim ÿataqta huo'o da ñitonaxac souaxat da qoñiita. Chaqdata da 'enauac nam qami' sa'axataxama ÿataqta 'eesoda. Qaq nachi 'en'am da qad'aqtac can shinaqtega so Tito ÿataqta 'eesa da qomi' samaqchiguiñi souaxat da qoñiita.

Hechos 21:6

Huaña, nachi ñaqapalaqtague' somayipi da ñicoyiguenaqtague', nachi senotaxau'a aso barco. Qaq somayipi ÿi'iguelaxau'alo naua lma'te.