2 Corintios 2:12 - Nuevo Testamento Toba Sur

¹² Co'ollaq aÿim ñivita yi la ciudad Tróade da sa'axat da n'aqtaguec so Cristo, huaña yimayi, nachi ñatenalec da ÿataqta qaica ca aÿim nqanaxat da so'onataxanot so qadataxala'.

Nuevo Testamento Toba Sombrero Negro

¹² Ca'li jec'ata di'me noic jo'ne Tróade qaedi ja'aĝatetac da'me onaĝaic 'laqataĝanaĝac ñe'me Cristo, yataqachiñe qo'youategue ga'me yadic qaedi jepitaqatenac da'me je'et da'me 'lonatac ñe'me Jaliaĝanec.

La'aqtaqa Ñim Lo'onatac 'Enauacna 2013

¹² Co'ollaq aỹem sevita ye nỹecpi ye Troas da sa'axat da no'on na'axaỹaxac maye na'aqtaguec So Cristo. Qaq huaña yemaye, nache ỹataqta qaica ca aỹem nqanaxat da sa'axattac da lo'onataxanaxac So Qarataxala'.

2 Corintios 2:12 Referans Kwoze

Hechos 16:8

Nachi soomayi napactralec yi 'alhua Misia, nachi nachiyiña yi ñigaxasom l'enaxat Tróade.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Colosenses 4:3

Qataq nataq'en qomi' qanqouagaxauñiitalguete qome, yaqto' ñi qadataxala' Dios qomi' ÿanema ca qaddaqa' sa sa'axataq da n'aqtac qataq dam sa ishit co'ollaxa da qaÿaÿaten n'aqtaguec so Cristo, cha'ayi nachida da huo'o mshi aÿim qaicoñittai'.

1 Corintios 16:9

cha'ayi yimayi ÿataqta aÿim nauatteguet da so'onataxan, da yaqto' saqalota na i'amaqten so qadataxala'. Qaq nai'ctaxa da saqalota na depa'aguenataxaatac.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Hechos 20:8

Qaq se'eso qalaponaxac huashiguemec so pa'atchiguem noÿic, ÿataqta qalota ana coÿadaxanaxaquipi 'ettaigui.

Hechos 16:11

Nachi senotaxauo, sachigoxosoqchiguiña yi Tróade, salamaxataqchigui yi 'alhuolec l'enaxat da Samotracia. Qaq so lÿa na'a'q nachi sovitaxa yi ñigaxasom Neápolis.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

1 Corintios 9:14

Qaq 'eda da lqataxac nataq'en so qadataxala' da ca i'axattapeguec da n'aqtac mayi chigaqaigui da nca'alaxa, camayi ishit da deque'etapigui da l'aqtaxanaxac.

1 Corintios 9:16

Cha'ayi da sa'axattac da n'aqtac mayi chigaqaigui da nca'alaxa, qaq sa ishit da ñi'oxodeetapigui, cha'ayi aÿim qaÿamaxalec da so'ot. Qaq ¡choxodaicolec aÿim da sa sa'axat damayi!

2 Corintios 4:3

Qaq ÿoqo'oyi da huo'otaq sa ishit da qaila'a de'eda sa'axataqtac n'aqtaxanaxac mayi naigui da nca'alaxa, qalaxayi nachaqnata na shiÿaxauapi mayi taÿa'a da qanlaxajñi.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

2 Corintios 8:18

Qaq sa ishit da chaqsota so Tito. Nataq'en huo'o so lÿa samaxasoq qadqaÿa som ÿataqta no'on da n'aqtaguec da n'aqtaxaatapigui 'enauac nam 'amqajnataxanaxaicpi ne'ena souaqta'a, souaxat da i'axattac da n'aqtac mayi chigaqaigui da nca'alaxa.

2 Corintios 9:13

Qataq camayipi ishit da ÿi'oxodeetac ñi Dios, cha'ayi de'eda qadtaunaxanaxaqui ichoxot da qami' ÿataqta qaualaqaiguet da no'on qad'axaÿaxac mayi i'axat da n'aqtaguec so Cristo. Nataq'en camayipi ishit da ÿi'oxodeetac, souaxat aca qadtaunaxanaqchi mayi qau'ochi da qauamaqaÿa camayipi qataq nataq'en 'enauac nam laÿipi.

2 Corintios 10:14

Qaq ÿoqo'oyi sa ishit da huo'otaq qomi' ñapagaqlec dam qomi' qoÿanema qad'onataxanaxac, qaq chaq 'eetéctaxa ca lataxac da huo'otaq saxanaxa co'ollaxa da qami' sovidaxaiguilo. Cha'ayi qomi' mayi qomi' l'auaxanqa co'ollaxa da qami' sedaxalo da qami' sa'aqtaxanaxama da no'on qad'axaÿaxac mayi i'axat da n'aqtaguec so Cristo.

2 Corintios 11:4

Cha'ayi qami' ÿapacteec da qan'añaxachiiguet nam qami' nvittapegueu'alo mayi i'axattac ca lÿa Jesús mayi saq 'en'am som sa'axataqtac, qataq da qami' qauacoñiiguet ca lÿa espíritu mayi saq 'en'am som mashi qauacoñiiguet, qataq da qauacoñiiguet ca lÿa n'aqtaxanaxac mayi saq 'en'am da mashi sogote qau'aqaichigui.

2 Corintios 11:7

Loqo' chaq ¿sa ÿaÿamaxañi peta'a co'ollaxa da sa ishit da seshiiten da sa'axat da n'aqtac mayi chigaqaigui da nca'alaxa, da saÿa da ÿataqta ñi'iguelaxañi, yaqto' qami' ishit da qami' qanauaxaÿaxaayishigue'm?

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,