2 Corintios 2:11 - Nuevo Testamento Toba Sur

¹¹ yaqto' so Satanás sa ishit da huo'o ca lligueuo da shinaqta, cha'ayi qomi' mashi saÿajnaqte' naua n'onataxaco.

Nuevo Testamento Toba Sombrero Negro

¹¹ qaedi ja yepitaqatenac ga'me qo'mi 'yeteque ñe'me Satanás, qa'a joote yataqachiñe jatetona' naa'me ja 'noe'n lelnataĝaco.

La'aqtaqa Ñim Lo'onatac 'Enauacna 2013

¹¹ Yaqto' so pa'aguenataxanaxaic saishet da huo'o ca llegueuo da shenaqta, cha'aye qomi' mashe saỹaanaqte' naua qauema 'eetapegueco.

2 Corintios 2:11 Referans Kwoze

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

2 Corintios 11:3

Cha'ayi de'eda 'eetec so n'adaxanaq mayi sa nqalaataxaic co'ollaq ÿatenachit aso Eva. Nachida da i'ot da icolanaxa da sa iuena'a da nataq'en ishit da qami' qaÿatenachi't, nachi da qadhuennataxaqui ishit da dashiueguesop dam huesochiguiñi qad'amqajnataxanaxaqui so Cristo.

Lucas 22:31

Nataq'en 'enapeco' so qadataxala': –Simón, Simón, ña 'aula'a so Satanás mashi qami' iÿaxaneu'alo da 'ico' qami' ichigo'q, 'eeta'am naq'en da qaichigoq ca trigo.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

2 Corintios 11:14

Qaq damayi sa ishit da huo'otaq lliualaqa'a, cha'ayi saÿajnaq da so Satanás ishit da chochi n'enaqchingui cam 'oonolec na lamaxashicpi ñi Dios mayi huo'o na l'edaxa.

1 Corintios 7:5

Qaq sa ishit da nmaqtega't caamayi. Chaqdata da huo'otaq nsoxoota't caamayi da ÿauo'o ca laloqne'c da sa ishit da nauaña't da ÿauotraique da ÿataqta nañaadeguet da nqouagaxaunaxa'c. Qalaxayi da ime, nachi qaltaq ipactegue da nauaña't, cha'ayi sa iuena'a da ÿasouaxat da sa ishit da naÿateetrela't, nachi so Satanás huo'o ca lligueuo da ÿauo'o ca lasouaxashi't.

2 Timoteo 2:25

qataq huosotta da lataxac da 'ico' nlaxaneec ca depa'aguenataxaatac. Cha'ayi sa iuena'a da ñi Dios ishit da ÿami' camayi da ÿaxaadeec naq'en naua n'onataxaco, qataq ÿami' da ÿaÿaten da 'eesa lataxac,

Juan 13:2

Qaq so shiÿaxaua mayi lma'na, somayi mashi sogote da ÿachaigui da lquiyaqteÿaxac so Judas Iscariote, som llalec so Simón, da lhuennataxac da yaqto' ÿaneuo so Jesús. Qaq so Jesús, somayi ÿaÿateeta da chigoqtot ñi Dios, qataq ÿaÿateeta da ÿi'iguelaxa ñimayi, qataq da ñi lta'a ÿanem somayi 'enauac da l'añaxac. Nachi co'ollaq mashi deque'etacpi somayipi, nachi so Jesús nachajñi, nachi nqat so lapo', qataq nsaachigui so pilotaxat.

Apocalipsis 2:24

Qalaxayi qami' mayi qoñiitaña na Tiatira mayi sa ishit da qoquiigue de'eda napaxaguenataxanaxac qataq sa ishit da qavichiÿa da qauauattoñi dam qoÿiitega saq cha'a lataxac so Satanás, qaq aÿim qami' shinapegalo da sa ishit da qaltaq sauo'o ca lÿa qami' sachilguete.

Hechos 1:25

da yaqto' 'ai'anagui da l'onataxanaxac so Judas mayi ÿaqataqchit souaxat dam lasouaxashit, nachi somayi taigui qanqoÿin da 'itchiguiñi da naigui dam lataxac.

Apocalipsis 13:8

Nachi se'eso shiguiÿac ÿataqta ÿi'oxodeetac 'enauac nam huetalec ana 'alhua, nam sa ishit da nanettau'a aso nanedaxalate nam lca'alaxaicpi co'ollaq chita'ague da qai'ottac ana 'alhua, asom hueto'ot so qagueta llalec mayi qaÿalauat co'ollaxa.