2 Corintios 2:1 - Nuevo Testamento Toba Sur

¹ Qaq ÿoqo'oyi aÿim tachigui yi iuel da sa ishit da qaltaq qami' ñamaqtegalo da qami' sachita'alo ca naquicoxo.

Nuevo Testamento Toba Sombrero Negro

¹ Qo'che' cha'li ja ja'uo 'te yejapichaĝac laqaya da'me ami jec'atalo, qaedi ja totelo'te q'ae'n.

La'aqtaqa Ñim Lo'onatac 'Enauacna 2013

¹ Qaq souaxat da maiche iuennataxac da saishet da sauotaique da qami' saquicoqche't, nache ỹaỹamaqchiguiñi ñaqa'en da saishet da qami' ñamaqtegalo.

2 Corintios 2:1 Referans Kwoze

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

2 Corintios 2:4

Cha'ayi can settapiguiñi asa'aso ÿide, qala ÿataqta lta'adaic da shiita qataq huo'o da ÿaquicoxo, ivida'a da ñoÿiitac. Qalaxayi sa ishit da shiyiñi asomayi da yaqto' qami' ÿaquicoqchi't, qalaxayi chochi ñishitaique da qauaÿajñi da ÿataqta lta'adaic da ÿauotaxanaqtaic da qoñiita.

1 Corintios 4:21

¿Négue't ca ÿoqta qaupaquiitaique da qami' sedolguete qom qami' ñoqo'onalo? ¿Peta'a qadavilliÿa da qami' sedolguete ca iuaxanaxanaxat, qalqo' da isoxoyic qataq da huosotta ÿataxac?

Tito 3:12

Qom mashi 'am samaxa ñi Artemas, huo'otaq ñi Tíquico, qaq 'am sa 'anaÿaloxon qome da 'ananaÿa yi Nicópolis da aÿim 'anauane', cha'ayi sauotaique da soota'a yimayi qom nvideuo na n'omaxa.

1 Corintios 5:3

Nai'ctaxa da sa ishit da yi'oqchigui da qami' ñachattaiguilo, qalaxayi da iqui'iÿaxac mashi sogote da qami' hueta'agueta. Qaq mashi sogote da ñimattague' da iuennataxac da 'en'am da mashi qaÿamaqhuec que'eca shiÿaxaua mayi i'ot de'eda lta'adaic sa ÿaÿamaxañi, 'eeta'am da mashi qami' soota'agueta.

1 Corintios 2:2

Cha'ayi co'ollaq qami' soota'agueta, qalaq ñacoola't da sa ishit da huo'o ca lÿa tatapigui iuel, chaqsota so Jesucristo som qaiuaxaneuo.

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

Hechos 15:37

Nachi so Bernabé ÿauotaique da nauectrague' so Juan Marcos.