2 Corintios 13:9 - Nuevo Testamento Toba Sur

⁹ Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

Nuevo Testamento Toba Sombrero Negro

⁹ Qo'che' jaconaĝaguet da'me qadamaic nale qo'mi choĝolaĝayaqa, qom yataqata ami 'uañaĝayaqa. Qama'le jaldata qolaqatalegue da'me qanetamenaĝac qaedi auovidiya'a da'me yataqachiñe ami yataqatelo'te.

La'aqtaqa Ñim Lo'onatac 'Enauacna 2013

⁹ Qaq ỹoqo'oye da qami' 'añaxaiqa, nache qomi' ỹataqta samaqchiguiñi da qaica ca qara'añaxac. Qaq qolaqtot da ñeqouagaxaunaqtaleguete qami', yaqto' qanquiquiita'aguet da nalochiguiñi da qarpi'iỹaxaqui So Cristo.

2 Corintios 13:9 Referans Kwoze

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

1 Ts 3:10

Qaq ÿoqo'oyi naua na'axa'te qataq naua pesa'chi ñoqouagaxaunaqtacot ñi Dios, da ishit da qomi' ÿanema da qami' ñauanaxato, yaqto' qami' setaunaxaque da ÿataqta nalochiguiñi da qadpi'iÿaxaqui.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

Hebreos 12:23

lapoota'a't da ÿi'oxodeetac ñi Dios, qataq cam lapoota'a't llalaqpi ñi Dios mayi qoÿittau'a aca nanedaxalate nam hueta'ague da piguem. Qataq qauataito'ot qome ñi Dios mayi nachiñi ñi nmit 'enauac na shiÿaxauapi, qataq cam hueta'a na lqui'ipi na shiÿaxauapi mayi no'on da lataxac mayi ÿataqta naloqchiichiguiñi ñi Dios,

Hebreos 6:1

Qaq ÿoqo'oyi qomi' no'on da ñiquigaqtashiguem, da yaqto' sevidaxa da qomi' ÿi't. Ñi'onaxataqchigui qome nam hua'auchiguiñi qanapaxaguenataguecpi so Cristo. Qataq sa ishit da shi'iguelaxasoxolec da sa'axataxaco mayi taÿa'alo naq'en da nleuaxa camayi, qataq da qaipi'iÿa'a ñi Dios,

2 Timoteo 3:17

yaqto' ca lamaxashic ñi Dios ÿataqta nalochiguiñi 'enauac na lhueneguesat, qataq taiguet da i'ot ca camachaqca n'onataxanaxac ÿaÿamaqchiguiñi.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Colosenses 1:28

Qaq qomi' nachiso so Cristo sa'axataqtac. Qaq saqataqtega 'enauac na shiÿaxauapi, qataq sapaxaguenaqtac 'enauac, yaqto' ÿaÿateeta ca lataxac, qataq yaqto' ñi 'oonolec ÿataqta nquictashiguem, souaxat da n'attau'a so Cristo.

2 Corintios 11:30

Qaq ÿoqo'oyi da huo'otaq tachigui da ñi'amaqten, qalaq ñi'amaqchingui cam ichoxot da 'ico' qaica ca i'añaxac naq'en.

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

Romanos 15:2

Ñi 'oonolec da shinaqta ÿataqta npogoxoinapegue' qome cam ishit da machiguiñi naq'en ca l'amqajnataxanaxaua qataq cam ÿaÿamaqchiguiñi, qataq cam ishit da nquictashiguem naq'en da lpi'iÿaxac.

1 Corintios 1:10

Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

1 Corintios 2:3

Co'ollaq qami' ñachattaiguilo, qalaq qaica ca i'añaxac qataq yiviloxolaqchit da icolanaxa.

2 Corintios 13:4

Qaq 'eesa da 'ico' qaica ca l'añaxac somayi co'ollaq qaiuaxaneuo, qalaxayi somayi nachattaigui da l'añaxac ñi Dios. Qaq ÿoqo'oyi nataq'en qomi' ñiuanaqau'a dam lchiguemaxa. Qalaxayi da ñi'adaqtau'a somayi, nachi qomi' nachattaiguilo da l'añaxac ñi Dios, yaqto' ishit da qami' souaqtapegueto.

2 Corintios 4:12

Qaq ÿoqo'oyi de'eda nleuaxa do'onataxaatapoigui da qad'oquiaxac, qaq dam achaalataxac, qalaq do'onataxaatapoigui da qad'oquiaxaqui.