2 Corintios 13:7 - Nuevo Testamento Toba Sur

⁷ Qataq ñoqouagaxaunaqtacot ñi Dios, da yaqto' qami' sa ishit da qau'ochi ca sa ÿaÿamaxañi. Qaq sa ishit da qomi' chochi ñachaxanaqtac da ÿoqta 'eesa cam shinaqpec, chaqdata da qomi' sauoqtaique da qami' qau'ochi ca ÿaÿamaqchiguiñi, qaq nai'ctaxa da 'eeta'am da saq 'en cam sa'axataq.

Nuevo Testamento Toba Sombrero Negro

⁷ Nayi ñachoĝodenaqatapecot ñe'me Dios qaedi qaya'te gamachaqaega ja no'en auauoyi. Ja naqaeda ta'le jaloĝonaĝa ga'me jiyaĝadipi da'me jaĝaue ga'me qanapiyenaguec, nach'edata da'me qaedi ami a'vichi ga'me 'noota, mate mane'e qo'mi ena'am ta'le qaya'te qadomataĝanaĝac.

La'aqtaqa Ñim Lo'onatac 'Enauacna 2013

⁷ Saishet da shegaqtega da 'ena'am da huo'o ca qarlamaxataxac. Chaqrata da ñeqouagaxaunaqtacot Ñim Lo'onatac 'Enauacna, da yaqto' qami' saishet da qauo'oche ca sa ỹaỹamaxañi. Qaq saishet da seỹaxanaqtacot Ñimaye souaxat da mashe ñauanaxai' da qañe'eguenataguec, nachaqrata da sauoqtaique da qami' qauo'ocheetac cam ỹaỹamaqchiguiñi.

2 Corintios 13:7 Referans Kwoze

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

2 Timoteo 4:18

Qaq nachi taÿaueegue da aÿim ntelaqna'aguet 'enauac na sa ÿaÿamaxañisat, chochi aÿim ividaxatta'a da aÿim inoxonaqchiteu'a ca l'onataxanaxac mayi hueta'ague da piguem. Qaq somayi mayi hueto'ot da qadyacnataxanaxac chochaq tateec. Aja', nachi 'eetec de'eda.

2 Timoteo 2:15

Ÿataqta 'an'añaxato' qome da 'anachaxanot ñi Dios, qoneta'amo' ca n'onataxanaxanec ÿataqta qaÿaÿamaxadeeta, qataq qaica ca ncoqtaique. Chaqdata da 'auloteueeguelo naua lataxaco ÿaÿamaqchiyiñi de'eda n'aqtac mayi 'eesa lataxac.

1 Timoteo 2:2

Nataq'en ñishitaique da qanqouagaxaueelec na nta'alpi mayi lta'adaicpi qataq 'enauac na ltauapi, yaqto' da qanachaalataxac qaica camachaqca. Nda'a't da qadamachiguiñi, selagaqtapiguiñi, cha'ayi ÿataqta ñañanqot ñi Dios, qataq no'on da qanmejnaguec.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

2 Corintios 13:9

Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

2 Corintios 10:18

Cha'ayi ca shiÿaxaua mayi qaÿaÿamaxadeeta, sa ishit da nachica cam maichi ñi'oxodeetapeguela't, cha'ayi chaqcata cam ÿaÿamaxadeeta ñi qadataxala'.

2 Corintios 10:10

Cha'ayi qoÿinac naxa da naua ÿide ÿataqta sa nsattegueta, qataq huo'o da l'añaxa'c, qaq dam ÿataxac da salectauo, qalaq qaica ca yi'oqchigui i'añaxac, qataq naua i'aqtaqa ÿataqta qai'ota'n.

2 Corintios 8:21

Cha'ayi qomi' ñipogoxoinaqtapegue' da so'otaq ca ÿaÿamaqchiguiñi, qaq sa ishit da sauoqtaique da nachaqñita ñi qadataxala' da qomi' ÿauaachiguilo, nataq'en 'enauac na shiÿaxauapi.

2 Corintios 6:4

Chaqdata da sauoqtaique da 'enauac nam so'otaqpi ichoxot da qomi' l-lataqa ñi Dios, souaxat da qanhualaxaunaxac da ñi'añaxataxaguet 'enauac na qanque'ejnaxaguesat, qadhuenaxanaxa qataq nam qanqanaqtagueguesat.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

Romanos 16:10

Nataq'en samaxa da iquinaxanaxac ca Apeles mayi ÿataqta qalotacnaxa da ÿachaxaata da lpi'iÿaxac so Cristo, qataq nataq'en cam llalaqpi ca Aristóbulo.

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

Romanos 12:17

Qataq sa ishit da huo'o ca qavi'iguelaxachiÿa'aguet ca sa ÿaÿamaxañi. Chaqdata da qanpogoxoiñiÿapegue' ca no'on, yaqto' 'enauac qami' qaÿaÿamaxadeete'.

Juan 17:15

Qaq aÿim sa ishit da 'am seÿaxaatacot da yaqto' 'anqateeguesop namayipi ana 'alhua, chaqdata da 'am seÿaxaatacot da 'anpaxatalec namayipi, souaxat so shiÿaxaua lma'na.

Mateo 6:13

Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

2 Corintios 13:6

Qaq ÿoqo'oyi huo'o da ñaquitaxac da qoñiita da ña qauaÿajñiita da qomi' sa ishit da chochi qomi' tenataxanaxaiqa.

2 Corintios 13:8

Cha'ayi qomi' sa ishit da sañoxotaq da sataÿaqa'aguet cam 'eesa lataxac, chaqdata da setauanaq.