2 Corintios 13:5 - Nuevo Testamento Toba Sur

⁵ Qaq maichi qanmichiila't qome, yaqto' ishit da qauaÿajñiita qom ÿoqta 'eesa da huo'o ca qadpi'iÿaxaqui. Qaq ña qañi'iguiñiila't qome. Qaq ¿sa qauaÿajñiÿo' da so Jesucristo qami' hueta'agueta, lamaaxa da sa ishit da chochi qauatenataxañiitac?

Nuevo Testamento Toba Sombrero Negro

⁵ 'Noota qom mach'e ami anec'achiñela't, qaedi auayachiñe qom yataqachiñe ami t'añidañe da'me adepi'i: cha'li auapiyeñi da'me dojo'. ¿Qo'li ja auetadeñiyac joona queda'me Jesucristo ami uetauelo? Qom ja anepachiñiyac qa'a uo'oe nale gaa'me anapiyenaguecodi'.

La'aqtaqa Ñim Lo'onatac 'Enauacna 2013

⁵ Qaq maiche qanmicheela't qome, yaqto' ishet da qauaỹaañita qom ỹoqta 'eesa da qaua'amaqchiñiitac So Cristo. Qaq ỹataqta qañe'egueñiila't qome, qaq qom qauañoxoche, nache ỹoqta 'eesa da qami' hueta'agueta Somaye. Qalaxaye da saishet da 'eesa da qaupi'iỹa'ai So Cristo, nache damaye ỹa'axat da saishet da qami' hueta'agueta Somaye.

2 Corintios 13:5 Referans Kwoze

1 Corintios 11:28

Ÿoqo'oyi ñi 'oonolec iuen da i'auaxaañi da ÿataqta naÿateetela't. Ime, qanachi ishit da chic ana pan qataq ishit da nÿomgui ana ÿomaxaqui.

1 Corintios 9:27

Chaqdata da aÿim souaxan da maichi i'oquiaxac da ÿataqta ÿalaq ñaq'en, yaqto' sa ishit da aÿim sa qaÿalegaqneuo qom ime da sapaxagueetac ca iÿa.

Apocalipsis 2:5

Qaq ÿoqo'oyi 'auennate qome cam huaña da 'am 'auanajñi. Ime, qaq 'anadalaxat ca 'adataxac, nachi 'au'ot som hua'auchiguiñi co'ollaxa da 'au'ottac. Ten, qom saqaÿaloq da 'am ñoqo'ona, nachi seuotaxanec añi 'adcoÿadaxanaxaqui. Qalaxayi qom 'anadalaxat da 'adataxac, qaq sa ishit da seuotaxanec.

Gálatas 6:4

Qaq ÿoqo'oyi ñi 'oonolec ishit da maichi nmit da maichi lataxac, yaqto' ishit da machiguiñi souaxat da maichi lataxac, qaq sa ishit da nachida da lataxac ca lÿa.

Hebreos 12:15

Qataq maxatchaxa qome da qoñiita da sa ishit da huo'o ca ÿaxaneec da ltaunaxanaxac ñi Dios mayi ÿaatac, yaqto' sa ishit da huo'o ca 'oonolec da qoñiita da 'eeta'am aca huoue shinataxanaxai mayi ishit da n'aqchit ana laÿipi.

1 Corintios 11:31

Cha'ayi da qomi' da maichi ñiloxola't, nachi ñi qadataxala' Dios sa ishit da nachi 'eeta'ac de'eda da qomi' iuaxa'n.

Tito 1:16

Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Juan 14:23

Nachi so Jesús 'enapeco': –Ca aÿim ÿauotec, camayi ÿalaxaguet cam shinapec; nachi ñi ita'a ÿauotec camayi. Nachi ñi ita'a qataq aÿim ñanaguenaq da souaqta'aguet camayi.

Romanos 8:10

Cha'ayi so Cristo da mashi qami' nachattaiguilo, nachi nca'aleec som qoquiÿapegue' qadqui'ii, cha'ayi mashi ime da qami' ÿaÿamaxadeete' ñi Dios, qaq nai'ctaxa da huo'otaq de'eda ñi'itaxaloxo ishit da ÿalauat da qad'oquiaxaqui.

Hebreos 4:1

Qaq ÿoqo'oyi nagui da ñaq huo'o da qomi' qaÿachaxanapecoto da ishit da senoxonaxau'a ca nmataxac ñi Dios, nachi ÿataqta ñitelaqañi qome. Ten, qom huo'o ca 'oonolec da qoñiita da sa ishit da inoxoneuo.

1 Corintios 9:24

Qami' mashi qauaÿajñi da huo'otaq huo'o aca aloxo, qaq 'enauac na nqomittac ÿataqta nqalgoqchin, qalaxayi 'oonolec ca ÿaconguet ca nshiitenaxanaxat. Qaq qami' ÿataqta qanqalgoqchiñi qome, yaqto' qauacoñiiguet ca nshiitenaxanaxat.

1 Corintios 3:16

¿Qami' sa qauaÿajñiÿo' da qoñiÿa'am da qami' lauo' ñi Dios, qaq so Espíritu Santo mayi chigoqo'ot ñimayi qami' netaiguilo?

Juan 15:4

Qaq nachi 'eetai' qome da aÿim qan'ayiitau'a, 'eeta'am da 'eetec da aÿim qami' ñi'atta'agueta. Cha'ayi acam lcoue sa ishit da maichi huo'o ana ala, da sa ishit da ÿoqta n'attau'a acam lamo. Qaq nachi 'eetec nataq'en da sa ishit da maichi huo'o ca alaÿaxac da qoñiita, da huo'otaq sa ishit da aÿim qan'ayiitau'a.

Tito 2:2

Qonapega da ÿi'axaiquipi da ÿataqta ilotegue da lliquiaxac, qataq no'on da n'aqtaguec, nloteec, qataq no'oita da lpi'iÿaxac, qataq da lsoxoyic, qataq da lhualaxavic.

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Juan 17:26

Aÿim mashi saÿajnaxanaxanec namayipi da qoneta, qalaxayi ñaqaiyita aÿim ñaq shicto'ot da 'am sa'axattac, yaqto' dam 'adauotaxanaqtaic da shiita nachi 'eetai' da huetaigui namayipi, qataq yaqto' aÿim nachi 'eetai' da soota'aguet namayipi.

Juan 17:23

Aÿim soota'aguet namayipi, qataq 'am aÿim qoueta'aguet, yaqto' namayipi ishit da ÿataqta 'oonolec ca lataxac, qaq yaqto' nam huetalec ana 'alhua ishit da ila'a da 'am aÿim 'adamaxashic, qataq da ÿataqta 'auauotec namayipi, 'eeta'am da 'eetec da ÿataqta aÿim 'auauotec.

Santiago 4:4

¡Qami' mayi qai'axañiiuec da qauauochiic ñi Dios! ¿Qami' sa qauaÿajñiÿo' da ca shiÿaxaua da nauote' na nqopitaxanaqtaicpi mayi huetalec ana 'alhua, nachi camayi 'ico' npa'aguenaxaua ñi Dios? Qaq ca ÿi'iguena'a da nauote' na nqopitaxanaqtaiguesat mayi huetalecna, que'eca shiÿaxaua ÿataqta npa'aguene' ñi Dios.

Colosenses 2:7

cam lpa'a'q da qanachaalataxaqui n'attalec somayi, qataq n'oxootalec somayi da qadpi'iÿaxaqui. Cha'ayi nachida da qami' qaÿapaxaguenque co'ollaxa, yaqto' nachi 'eetai' da qai'añiitacot da qan'achiquiaxaqui ñi Dios.

Colosenses 1:27

Qaq ñimayi ÿauotaique da ÿaÿajnaxanaxanec namayipi dam lsallaxa mayi huo'o da lli'oxoyic da ÿauotaique ÿami' na sa ishit da judiopi. De'eda n'aqtaxanaxac 'eeta': So Cristo qami' hueta'agueta, qataq somayi nachiso so i'ot da qanaquitaxaqui, yaqto' qauacoñiiguet qominchiyi ca ñi'oxoyic.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Gálatas 4:19

Qami' ÿalqolqa, nagui qaltaq ipactegue da ñiqui'ic, souaxat da qoñiita, shiita'am aca 'alo da dachitattac, souaxat da huotaique da deco'o. Qaq nachi shictot qome da ñique'ejnaxac, chochi ivitta'a so Cristo da qami' quichiguilo da lataxac.

2 Corintios 6:16

Qataq ¿ishit peta'a da qaipa'axanoigui ca noÿic mayi huaigui da qanatamnot ñi Dios na nqolacpi? Cha'ayi qami' qoñiita'am cam lauo' ñi Dios mayi nca'altauec. Cha'ayi ñimayi nachi 'enapec, 'eeta': Sootaigui qataq salectaigui namayipi; aÿim mayi nachaÿim lta'a Dios, qaq namayipi nachi ÿalamaxatpi.

1 Corintios 6:19

¿Qami' sa qauaÿajñiÿo' da qad'oquiaxaqui da 'eeta'am da lauo' so Espíritu Santo mayi qami' ÿanema ñi Dios, qaq somayi qami' netaiguilo? Qaq ÿoqo'oyi qami' sa ishit da qadalamaxachi da qad'oquiaxaqui,

1 Corintios 6:2

Qaq ¿sa qauaÿajñiÿo' da na lalamaxatpi ñi Dios ishit da nmit qome 'enauac na huetalecna shiÿaxauapi? Qaq da ishit qome da qanmichi 'enauac namayipi, qaq ¿huá'ago' da sa qanaloitau'a da qanmichi ca 'eeta'am de'edatai' saq 'amaqtaq?

Juan 6:56

Ca chic da i'oquiaxac qataq da nÿomguilo naua itago'q, nachi camayi nachi 'eetai' da aÿim n'attau'a, qaq nachi 'en'am aÿim soota'aguet camayi.

Juan 6:6

Qalaxayi so Jesús 'enapec de'eda, cha'ayi nshitaique da ÿaÿaten ca l'aqtac so Felipe, cha'ayi somayi maichi ÿaÿateetac ca lataxac cam i'ot.

1 Pedro 5:9

Qalaxayi ÿataqta qanachaachiÿa'aguet, qataq sa ishit da qai'axañiiuec da qadpi'iÿaxaqui, cha'ayi qami' qauaÿajñiitac da 'enauac na qad'amqajnataxanaxauaipi mayi neta'alo naua lÿa't 'ale'u nachi nque'etaxanaxac de'eda.

Hebreos 6:8

Qalaxayi que'eca 'alhua da huo'otaq ñaxajlec ana ÿaxat qataq ana huoue, nachi camayi ÿataqta qaica ca naigui, taÿa'a da ÿauo'o ca nhuaxanaguec naq'en ñi Dios, qataq taÿa'a da qaÿavigaxat.

1 Corintios 6:15

¿Sa qauaÿajñiÿo' da l'oquiaxac ñi 'oonolec da qoñiita da n'attau'a da l'oquiaxac so Cristo? Qaq ¿ishit peta'a da ñaqateu'a de'eda i'oquiaxac mayi n'attau'a da l'oquiaxac so Cristo, ime, qanachi n'adeu'a ñaq'en da l'oquiaxac aca quishiguetaxai? ¡Sa ÿauango' da nachi shiitec de'eda!

Romanos 1:28

Qaq cha'ayi namayipi mashi ÿaxaneec da nauattonaguec ñi Dios, nachi ñimayi ca'ai namayipi, da yaqto' i'o't naua qauema lhuennataxaco, qataq da i'ot cam sa ishit da lataxac.

Tito 1:13

Qaq ÿataqta 'eesa da l'aqtac. Ÿoqo'oyi nagui ÿataqta 'avidaxato'ot namayipi da qonapega, yaqto' ishit da no'oita da lpi'iÿaxac,

2 Timoteo 3:8

Namayipi 'eeta'ama soua 'oiquiaxai Janes qataq so Jambrés mayi dataida'aguet co'olloxochiyi so Moisés. Qaq nataq'en 'eeta'am ne'ena shiÿaxauapi ÿataqta dataÿa'aguet da 'eesa lataxac. Namayipi mashi sotaq ÿaÿamaq da lauattonaxanaxac, qataq npe'eneueegue da lliquiaxac da npi'iÿaxac.

1 Timoteo 2:15

Qalaxayi aca 'alo ishit da qanca'alaxateec da ÿataqta huelec da ntela'a da lco'oxoc, qataq quetot da lpi'iÿaxac qataq da lsoxoyic, qataq ÿataqta iqui'itaxatta da nachaalataxac, qataq ntel-la't.

Colosenses 2:19

Cha'ayi namayipi sa ishit da n'attau'a so Cristo mayi nachiso so lqaic de'eda n'oquiaxac. Qaq somayi nachiso so nquictashiguem naq'en da i'añaqchit de'eda n'oquiaxac, qataq ÿataqta n'atta't naq'en nam ÿotta'a't logoxoshitpi da ipacchigui naq'en dam 'eetapeguec ñi Dios.