2 Corintios 13:2 - Nuevo Testamento Toba Sur

² Qaq nam huo'o ca lasouaxashit co'olloxochiyi qataq 'enauac nam laÿipi, qalaq nagui da aÿim qaÿoqta qaltaq shi'iguelaxalec da saqata, 'eeta'am da shiitec can qami' soota'agueta. Qalaq qami' secoyigueete', shiita': qom ivita da qaltaq qami' ñoqo'onalo, qalaq sa ishit qome da huo'o ca sechoxodeetac.

Nuevo Testamento Toba Sombrero Negro

² Ga'me yejapichaĝac jo'ne uañe laeñi, ami jaqateque queda'me ja jayem 'te damitelegue qom jajoya'agueta gaa'me jo'ne yauote da'me loe'j ca'li, nataq'aen ena'uaque joga'me loeco lo'olpi. Nayi da'me jayem qayalegue, nach'edi ji'iyelaĝatelegue da'me yaqataĝac jo'ne joote ami janema.

La'aqtaqa Ñim Lo'onatac 'Enauacna 2013

² Co'ollaq mashe dos da she'eguelaxalec da qami' ñamaqtegalo, nache qami' secoyegueete' da nam huo'o ca lasouaxashet aỹem ỹataqta ña'axannec da shenapega, semata'aguet nam taỹa'a nataqa'en da ỹo'ot de'era ñe'etaxaloxo. Qaq nagui da aỹem qaỹoqta, nache qaltaq she'eguelaxaalec de'era.

2 Corintios 13:2 Referans Kwoze

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

1 Corintios 5:5

Ime, qanachi que'eca shiÿaxaua qoÿanguet so Satanás, yaqto' qanlaxajñi da l'oquiaxac, qalaxayi qanca'alaxateec som capegue' lqui'i, qom ñi'iguelaq so qadataxala' Jesús.

2 Corintios 12:14

Qaq nagui qataq sogote da ñaÿamaxattai' da qaltaq tres da shi'iguelaxalec da qami' ñamaqtegalo, qalaxayi sa ishit qome da huo'o ca aÿim nsallaxaueetapegue' da qoñiita. Cha'ayi aÿim sa ishit da ñimittaique cam qami' hueto'oto, cha'ayi nachiqami' mayi qami' saÿa'alo. Cha'ayi cam nta'a mayi nachica ca laÿon aca alom da yaqto' talec cam llalec, qaq sa ishit da nachica cam ñalec da laponaxaalec cam lta'a.