2 Corintios 13:11 - Nuevo Testamento Toba Sur

¹¹ Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

Nuevo Testamento Toba Sombrero Negro

¹¹ Ami yaqaya'olqa, queda'me nach'e jana'ña ga'me 'yaqatac nayi, jepaquetapega ta'le ami made'tape, aueloyaque da'me liyamaĝac joda'me at'oyaĝaqui. Auacoñiyeguet da'me at'añaĝaqui nataq'aen adaloitapega't da'me adajoĝoqui nataq'aen da'me 'nemaĝac. Ñe'me Dios 'me chiyoqo'ot da'me noqopich'i choqoda'me 'nemaĝac, nach'eñe jo'ne nach'e eta't ami uetauelo.

La'aqtaqa Ñim Lo'onatac 'Enauacna 2013

¹¹ Nachaqrata de'era, qami' ñauochaxau' ỹaqaỹa't. Qami' sequiita'ape qataq qami' seỹaxanoiguilo da nache 'eetai' da qauamaichiguiñi. Qanpogoxoiñiỹapegue' da qanquigaxachiitasheguem da no'on qarataxaqui. Aỹem qaualaqaiguet qome. Qataq qanaỹamaxayiñeeta't qataq qavi'imaqaitac. Qaq Ñim Lo'onatac 'Enauacna Ñim qomi' lauotaqa'ate qataq qomi' ỹanema da qarlagaxayec, Ñimaye qami' hueta'agueta.

2 Corintios 13:11 Referans Kwoze

Hebreos 12:14

Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.

1 Corintios 1:10

Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

Romanos 12:16

Qataq sa ishit da huo'o ca ÿoqtapeuga da qoñiita. Qataq sa ishit da qami' ñi'oxonnaxaiqa. Chaqdata da qau'enaxachi cam qaica ca l'amaqchic. Qataq sa ishit da qaupi'itaxañiitega da qami' ÿajnaxanaxaiqa.

Romanos 15:33

Qaq ñim Dios mayi chigoqo'ot da nlagaxayic hueta'aguet 'enauac qome da qoñiita. Aja', nachi 'eetec.

Romanos 12:18

Qaq souaxat da qanshiitaique da qaica ca da qanqashiñi 'enauac na shiÿaxauapi, qaq ÿoqo'oyi qan'añaxachi qome, ÿataqta cam tachiguiña ca qauañoxochi.

Marcos 9:50

Na toue, namayi ÿataqta no'on. Qalaxayi da huo'otaq daqat na lli'iuaxa, qaq ¿ishit peta'a camayi da qaltaq huo'o ca taiguet qanqoÿin? Qaq qami' qoñiita'amo' qome ca toue da 'ico' qami' nalecnaxanqa'te, qalaxayi ñi 'oonolec da qoñiita ÿataqta lactapegue' na laÿipi.

1 Pedro 3:11

Qataq no'on da ÿaxanapec ca sa ÿaÿamaxañi. Nda'a't da i'ot ca ÿaÿamaqchiguiñi, qataq nmitaique ca nlagaxayic, qaq nachica quegue.

2 Corintios 13:14

Qataq qauacoñiiguet qome da lqouagaxanaqtaic so qadataxala' Jesucristo qataq da lsoxoyic ñi Dios, qataq qauacoñiiguet so Espíritu Santo da qami' hueta'agueta. Aja', nachi 'eetec.

2 Corintios 13:9

Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

1 Pedro 3:8

Qataq iuen da 'enauac da qoñiita ÿataqta 'oonolec da qadhuennataqai, qataq qauchoxoyiñi ca huo'o ca huetapoigui qadÿai. Ñi 'oonolec ÿataqta ÿauotec ca lÿa, 'eeta'am naq'en ca maichi lqaÿa. Qataq ÿataqta qami' choxonnataxanaxaiqa, qataq sa ishit da qami' napagaqnaxaiqa.

Santiago 1:4

Qalaxayi qanpogoxoiñiÿapegue' da qanhualaxaunaxaqui da ÿataqta nalochiguiñi qanqashiñi, yaqto' qoñiita'am ca shiÿaxaua da mashi ÿi, ÿataqta nalochiguiñi, saqca ca lhuenec.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

Filipenses 4:9

Qataq ÿataqta qau'ochi qome 'enauac nam qami' sapaxaguenque, qataq nam ÿaqataxacpi mayi qami' sanema, qataq nam i'aqtacpi mayi qau'aqaichigui, qataq nam so'otpi mayi qauauañiichigui. Nachina qau'ochi qome. Qaq ñim Dios mayi chigoqo'ot da nlagaxayic qami' hueta'agueta qome.

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

Romanos 16:20

Qaq ñim Dios mayi chigoqo'ot da nlagaxayic saqaÿaloq qome da nlaxajñi da l'añaxac so Satanás da ÿacho'oto na qadapia'chilli', da yaqto' qauapiilec. Qaq so qadataxala' Jesucristo qami' ÿanema qome ca qanchoxonnataguiiqui.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

Apocalipsis 22:21

Qaq som qadataxala' Jesucristo ÿanem qome 'enauac da qoñiita ca qanchoxonnataguiiqui. Aja', nachi 'eetec.

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

2 Timoteo 2:22

'Auataueguesopo' qome na lqopitaxanaqtaiguesat da nogotshic. Qoquetelco' da achaalataxac qui'itta, qataq da npi'iÿaxac, qataq da nsoxoyic. 'Anpogoxoinapegue' da qaica ca da 'enauac nam mashi qui'itte' naua lquiyaqte mayi iÿaxaatega da l'enaxat so qadataxala' Jesús da nqouagaxaunot.

2 Ts 3:16

Qaq so qadataxala' Jesús mayi chigoqo'ot da nlagaxayic, somayi qami' ÿanema qome da qadlagaxayiqui 'enauaque naua vi'iyi qataq 'enauac na sochaqna lataxaguesat. Qaq somayi hueta'agueta qome 'enauac da qoñiita.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

1 Ts 5:16

Qoviitaiguio' da ÿataqta qami' machiyiñi.

1 Ts 5:13

Ÿataqta qauauochiic, qataq ÿataqta qauchoxoyiñi, souaxat da l'onataxanaxac. Qoviitaiguio' da qami' lactrapiguiñi, saqca ca da ñi 'oonolec da qoñiita.

1 Ts 4:18

Ÿoqo'oyi ñi 'oonolec da qoñiita itaunec ca lÿa de'eda n'aqtac.

Filipenses 4:4

Qaq ÿataqta qantoñiitapeguec qome so qadataxala' 'enauaque naua na'axa'te. Qaq shi'iguelaxattalec de'eda i'aqtac da ÿataqta qantoñiitapigui' qome.

Filipenses 4:2

Qaq huo'o da ÿaqataxac aca Evodia qataq nataq'en aca Síntique da caamayi no'on da ÿataqta nhuoteeta't, cha'ayi caamayi 'eeta'ama da maichi nqaÿa't naq'en so qadataxala'.

Filipenses 3:16

Qaq de'eda shinapec no'on da nachida qome qadhuennataxa, qataq ÿataqta nateeteguet da qadataxac dam mashi sogote da sevidaq.

Efesios 6:23

Qaq ñim qadta'a Dios qataq so qadataxala' Jesucristo, ñiimayi ÿanem qome na qadqaÿañicpi da l-lagaxayic qataq da lsoxoyic da ÿauaxaÿaxanguet da lpi'iÿaxac.

2 Corintios 1:4

Ñimayi qomi' i'añaqchi't da ivita da huo'o ca qanque'ejnaxac, yaqto' qomi' seshitaq da sa'añaqchitaq nataq'en ca huo'o ca nque'ejnaxac. Qaq de'eda qad'añaqtaxanaxac, nachida da l'añaqtaxanaxac ñi Dios.

Hechos 23:30

Qalaxayi can aÿim i'axaÿaxac da na judiopi mashi detaqtapigui namayi da huotaique da ÿalauat, nachi namayi 'am samaxa. Nataq'en shinapega nam ipa'agueetacpi namayi da yaqto' nataq'en 'am dataÿot da yaqto' i'axat cam ÿasaqtapeguelec lasouaxashit namayi. Hua', nachi tachiguiña.”

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

Hechos 15:29

Sa ishit qome da qolliqui na lapat cam mashi qoÿanot na nqolacpi, qataq sa ishit da qolliqui na ntago'q, nachi 'eeta'am na lapat na shiguiÿac mayi chochi chigueuo na lqosot, qataq sa ishit da huo'o ca ncachitague' aca sa lhua. Qaq qom qaupaquiitelec da qau'ochi' ne'enaua, qaq ÿataqta ÿaÿamaqchiguiñi. No'on qome da qoyiquiaxaqui.”

Juan 17:23

Aÿim soota'aguet namayipi, qataq 'am aÿim qoueta'aguet, yaqto' namayipi ishit da ÿataqta 'oonolec ca lataxac, qaq yaqto' nam huetalec ana 'alhua ishit da ila'a da 'am aÿim 'adamaxashic, qataq da ÿataqta 'auauotec namayipi, 'eeta'am da 'eetec da ÿataqta aÿim 'auauotec.

Lucas 9:61

Qataq anac so lÿa, qataq 'eeta': –'Am ÿataxala', ñishitaique da 'am seca'ategue, qalaxayi no'on da aÿim 'au'axaÿa'a da sa'auaxaañi da ñicoyiguene' na hueta'a yi ima'.

Marcos 10:49

Nachi so Jesús vi'iiguet, nachi 'enapeco': –Ña qauÿaxañiÿa ñimayi. Nachi qaiÿaxana so qanamaic, nachi qoÿiitega, qoÿiita': –'An'añaxat qome, qoñishiguem, cha'ayi 'am qanÿaxana.

Mateo 5:48

Qaq ÿoqo'oyi ÿataqta nalochiguiñi qome da qadataxaqui, yaqto' qoñiita'am da lataxac ñim qadta'ai mayi neta'ague da piguem da ÿataqta nalochiguiñi.

Mateo 1:23

Aca 'alo saxanaxa da huadon, qalaq hualaxai qome, nachi huo'o ca llalec. Qaq camayi l'enaxat qome da Emanuel. De'eda n'enaxat 'eeta': Ñi Dios qomi' hueta'agueta.

Efesios 4:3

Qataq qanpogoxoiñiÿapegue' da qaica ca ÿaqpeuga da qoñiita, yaqto' so Espíritu Santo qami' ÿauaxaÿaxana't da ÿachigoxotchigui naq'en da nlagaxayic.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

Efesios 4:12

Qaq 'eda da 'eetec co'ollaq ÿaqataxanai' da llic naq'en na lalamaxatpi, yaqto' ñi 'oonolec i'ot ca l'onataxanaxac, da yaqto' nquictashiguem da l'oquiaxac so Cristo,

1 Ts 3:10

Qaq ÿoqo'oyi naua na'axa'te qataq naua pesa'chi ñoqouagaxaunaqtacot ñi Dios, da ishit da qomi' ÿanema da qami' ñauanaxato, yaqto' qami' setaunaxaque da ÿataqta nalochiguiñi da qadpi'iÿaxaqui.

2 Ts 3:1

Qaq da pa'ateec qad'aqtac, qami' qadqaÿa't, qanqouagaxauñiilguete qome qomi', yaqto' da l'aqtac so qadataxala' saqaÿaloq da ivideuga 'enauac na shiÿaxauapi da ÿi'oxoden. Nachi 'en'am co'olloxochiyi da qoñiita.