2 Corintios 12:6 - Nuevo Testamento Toba Sur

⁶ Qaq nai'ctaxa da huo'otaq ñi'oxodeela't, qalaq sa ishit da 'ico' huo'o da ñi'onataxac, cha'ayi aÿim ÿataqta 'eesa cam sa'axat. Qalaxayi aÿim sa ishit da nachi shiitec de'eda, yaqto' sa ishit da huo'o ca ÿagaqnapeguec da lmejnaxanaxac da shiita, huo'otaq cam hua'aqchigui i'aqtac.

Nuevo Testamento Toba Sombrero Negro

⁶ Qa'ejo' da'me mach'e ñiyamaĝadetapela't ja naqaeda da'me nichiyoĝojoĝoc, qa'a ja'aĝatetac da'me eja 'me 'yoyaĝac. Qalaĝaja ja ja'uo da'me dojo' qa'a ja jetaque 'uo ga'me en lelnataĝac da'me ñapacapelegue da'me mach'e 'yoyaĝac uotaĝa da'me yojaĝac,

La'aqtaqa Ñim Lo'onatac 'Enauacna 2013

⁶ Aja' ỹataqta 'eesa de'era, da huo'otaq aỹem maiche ño'oxoreetapeguela't, damaye saishet da naigui da aỹem qaica ca saỹaanapec, cha'aye aỹem sa'axattac dam 'eesa. Qalaxaye saishet da sheetec de'era, cha'aye sa saỹamaxaren da huo'o ca aỹem ỹagaqnapeguec souaxat da imeteetac nam so'otpi huo'otaq nam ỹa'aqtacpi,

2 Corintios 12:6 Referans Kwoze

2 Corintios 11:16

Qaltaq shi'iguelaxalec da i'aqtac: da sa ishit qome da huo'o ca ipettega da aÿim huo'o ca ñi'onataxac. Qaq da huo'o ca lhuennataxa de'eda, qaq no'on qome da aÿim ÿauaqta'a da setaqa da shiita'am cam huo'o da n'onataxac, yaqto' nataq'en aÿim cada'ac da huo'o da ñi'amqajnaxac.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

2 Corintios 11:31

Qaq ñim Dios mayi lta'a so qadataxala' Jesucristo, ñim chochaq tateec da ñi'oxonnataguec, ñimayi ÿaÿateeta da ÿataqta 'eesa de'eda i'aqtac.

2 Corintios 12:7

Qaq de'eda ÿauanaqchic ÿataqta qaica ca 'en'am da lli'oxoyic. Qalaxayi da yaqto' sa ishit da sagaqten da ñi'amqajñigui, nachi aÿim qoÿanem da ñiqui'ic, 'eeta'am aca ÿaxat le da huo'otaq i'attaigui da i'oquiaxac. Damayi lamaxashic so shiÿaxaua lma'na da aÿim iuaxan.

2 Corintios 5:13

Cha'ayi qomi' da 'ico' sa saÿamaxasoq, qalaxayi souaxat ñi Dios; qaq da huo'otaq saÿamaxasoqta, qaq souaxat da qoñiita.

2 Corintios 1:18

Qalaxayi ñi Dios qomi' ÿaÿateete' da sa ishit da saq ÿataxalec ca qad'aqtac da qami' sa'aqtaxanaxama.

1 Corintios 3:5

Cha'ayi ¿négue't aÿim Pablo? qataq ¿négue't ca Apolo? Qomi' chaqdata da qomi' lamaxa'shi ñi Dios, qomi' qauachigoqoichiguilo da huo'o mshi qami' qau'amaqchiñi so qadataxala' Jesús. Ñi 'oonolec da shinaqta i'ot ca l'onataxanaxac mayi ÿachaxaalec ñi qadataxala'.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

2 Corintios 7:14

Qaq sa ishit da huo'otaq ñi'aloxootac can shiitega so Tito da aÿim ÿataqta huo'o da ñitonaxac souaxat da qoñiita. Chaqdata da 'enauac nam qami' sa'axataxama ÿataqta 'eesoda. Qaq nachi 'en'am da qad'aqtac can shinaqtega so Tito ÿataqta 'eesa da qomi' samaqchiguiñi souaxat da qoñiita.