2 Corintios 12:2 - Nuevo Testamento Toba Sur

² Aÿim sauatton so ÿale mayi i'amaqten so Cristo. Somayi mashi ivi' nagui naua catorce vi'iyi da qaÿauega yim piguem mayi pa'atchiguem. Aÿim sa saÿaten da ima da l'oquiaxac co'ollaq qaÿauec, huo'otaq sa ishit. Qalaxayi chaqñita ñim Dios mayi ÿaÿaten.

Nuevo Testamento Toba Sombrero Negro

² 'Uo ñe'me jateton jo'ne jalchi'ena quetapegue' ñe'me Cristo, yenoĝodegue nayi catorce 'uoidi da'me qoyauegue di'me yataqachiñe p'ajeguem piyem. Ja jayaten ta'le nec'aletaye da'me qoyauec, uotaĝa ga'me lepaqal; Dios yayaten.

La'aqtaqa Ñim Lo'onatac 'Enauacna 2013

^2-3 Aỹem sauatton so ỹale maye ỹa'amaqten So Cristo, qaq somaye mashe ivi' nagui naua catorce vi'iye da qaỹauega yem piguem maye pa'atcheguem. Aỹem sa saỹaten da ima da lo'ocỹaxac co'ollaq qaỹauec, huo'otaq saishet. Qalaxaye chaqñeta Ñim Lo'onatac 'Enauacna maye ỹaỹaten.

2 Corintios 12:2 Referans Kwoze

Hechos 22:17

Qaq can aÿim ñi'iguelaxague na Jerusalén, nachi ñoqo'oneu'a añi n'onaxanaxaqui da yaqto' ñoqouagaxauen, nachi huo'o so ÿauanaqchic.

Apocalipsis 4:2

Huaña, nachi aÿim souaigui da l'añaxac so Espíritu Santo, nachi sela'a aso nta'a nso'onaxaqui neto'ot na piguem. Qaq asa'aso so'onaxaqui huo'o so nso'ootangui.

1 Ts 4:17

Ime, nachi qaltaq jec qomi' mayi ña ñica'alaqtauec, qomi' qaÿacoosopa da salegaqtoigui namayipi, soqolaxaigui na l'oc piguem l'ec da ñauanaxai' so qadataxala' Jesús na pa'ashiguem. Huaña, nachi chochi tateec da souaqta'aguet somayi.

2 Corintios 11:11

Qaq ¿tá'ainco' yi 'eetec dam da' i'aqtac? ¿Sa ishit peta'a da qami' sauoteque? Qalaxayi ñim Dios mayi ÿaÿaten da ÿataqta qami' sauoteque.

Apocalipsis 12:5

Qaq asa'aso 'alo ñiguiñi so llalec ÿale, som qaÿauotaique da nta'a, da yaqto' ilo'ogue 'enauac nam ÿotta'a't shiÿaxauapi, huota'a ca lamaxasoxonaxat lcat. Qalaxayi se'eso llalec, somayi qaiuotaxanec, nachi qaida'a ca nso'onqa' ñi Dios.

Hebreos 9:24

Cha'ayi so Cristo sa ishit da inoxonoigui aso n'onaxanaxaqui mayi l'onata na shiÿaxauapi mayi chochi lqui'i acam ÿoqta 'eesa n'onaxanaxaqui. Cha'ayi somayi nachina na piguem na inoxoneu'a, da yaqto' nachaateu'a ñi Dios, da yaqto' qomi' detaqleguete.

Efesios 4:10

Qaq som naÿa ana 'alhua, nachiso co'ollaxa som taigue da piguem da yaqto' imattalec 'enauacna.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Gálatas 1:22

Qaq nam qadqaÿañicpi mayi i'amaqteetac so Cristo mayi netaña yi 'alhua Judea, namayipi sa ishit co'ollaxa da aÿim ÿauatton.

2 Corintios 5:17

Qaq ÿoqo'oyi da huo'o ca n'attau'a so Cristo, nachi camayi 'eeta'am ca dalaxaic shiÿaxaua. Qaq 'enauac da toguishic nachaalataxac imeuo, nachi qaltaq jec da dalaxaic nachaalataxac.

Romanos 16:7

Nataq'en samaxa da iquinaxanaxac caua maichi iuo' lashi' Andrónico qataq aca Junias mayi ñicoñitaxa'u co'ollaxa. Caamayi ÿataqta qaÿauattoote', 'eeta'ama qanqoÿin soua lamaxa'shi so Jesús, qataq hua'auchiyiñi co'ollaxa da i'amaqte'n so Cristo, qaq aÿim qalaq ñica'ataxanauo.

Romanos 8:1

Qaq ÿoqo'oyi nagui sa ishit da qaÿauo'o ca nhuaxanaguec cam mashi sogote da n'attau'a so Cristo Jesús, cam mashi sa ishit da quegue cam qauem 'eetapeguec da lapachiyaxac, chaqcata cam 'eetapeguec som Espíritu Santo.

Hechos 14:6

Qalaxayi so Pablo qataq so Bernabé co'ollaq l'axaÿaxa'c de'eda, nachi soomayi naneltaxa'n, tadegue da Listra qataq Derbe, yiimayi nachi huaiguilo yi 'alhua Licaonia. Nachi coleetrapeguelec 'enauac yi'iyi 'alhua.

Juan 6:56

Ca chic da i'oquiaxac qataq da nÿomguilo naua itago'q, nachi camayi nachi 'eetai' da aÿim n'attau'a, qaq nachi 'en'am aÿim soota'aguet camayi.

Lucas 24:51

Qaq co'ollaq mashi ÿanem da nqouagaxa somayipi, nachi ca'ai da qaÿaueegue da piguem.

Apocalipsis 1:10

Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

2 Corintios 13:5

Qaq maichi qanmichiila't qome, yaqto' ishit da qauaÿajñiita qom ÿoqta 'eesa da huo'o ca qadpi'iÿaxaqui. Qaq ña qañi'iguiñiila't qome. Qaq ¿sa qauaÿajñiÿo' da so Jesucristo qami' hueta'agueta, lamaaxa da sa ishit da chochi qauatenataxañiitac?

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

Romanos 16:3

Samaxa da iquinaxanaxac aca Priscila qataq ca lhua Áquila mayi ita'u da so'onataxanaqtacot so Cristo Jesús.

Romanos 16:9

Nataq'en samaxa da iquinaxanaxac ca Urbano cam qad'onataxanaxaua da so'onataxanqot so Cristo Jesús qataq ca lÿa ñauochaxaua Estaquis.

Romanos 16:10

Nataq'en samaxa da iquinaxanaxac ca Apeles mayi ÿataqta qalotacnaxa da ÿachaxaata da lpi'iÿaxac so Cristo, qataq nataq'en cam llalaqpi ca Aristóbulo.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.