2 Corintios 12:14 - Nuevo Testamento Toba Sur

¹⁴ Qaq nagui qataq sogote da ñaÿamaxattai' da qaltaq tres da shi'iguelaxalec da qami' ñamaqtegalo, qalaxayi sa ishit qome da huo'o ca aÿim nsallaxaueetapegue' da qoñiita. Cha'ayi aÿim sa ishit da ñimittaique cam qami' hueto'oto, cha'ayi nachiqami' mayi qami' saÿa'alo. Cha'ayi cam nta'a mayi nachica ca laÿon aca alom da yaqto' talec cam llalec, qaq sa ishit da nachica cam ñalec da laponaxaalec cam lta'a.

Nuevo Testamento Toba Sombrero Negro

¹⁴ Nayi joote ñiyamaĝateta't qaedi ami jejapichiyalo nayi tres ami jec'atalo. Temaqaedita nayi ja ami 'te jiyaĝatapecoto qaedi jayem auañem jaga'me laicaua da'me jayem alecochiiya. Mach'e ami da'me jen p'ajaye q'aen, ja naqaga jaga'me laicaua; qa'a naqaegaua gaa'me net'al yapetetapega't nale jaga'me laicaua qaedi yanema jogaa'me c'oqo'te, ja naqaegaua gaa'me nec'oqo'te yauote da'me dojo' qaedi yanema gaa'me let'al. Qama'le ami mach'e yalaqapi.

La'aqtaqa Ñim Lo'onatac 'Enauacna 2013

¹⁴ Qaq nagui mashe ñaỹamaxattac da qaltaq qami' ñamaqtegalo. Qaq damaye mashe ivi' da tres da she'eguelaxalec da qami' ñeqo'onalo, qalaxaye saishet da qami' seỹaxanoto da aỹem qautauñic aca qo'omi. Cha'aye saishet da nacheca cam ñalaqpi cam laỹona't aca alom da yaqto' itaua'n caua lta'al, maye nachecaua caua nta'al maye iuen da laỹona't aca alom, da yaqto' talec ca llalaqpi. Qaq qami' maye qami' ỹalaqpi.

2 Corintios 12:14 Referans Kwoze

1 Corintios 10:33

Qaq aÿim ÿataqta ñipogoxoueetague' da 'enauac qaÿaÿamaxadeeta ca so'ot. Qaq sa ishit da maichi ñimittaique ca ÿaÿamaxa. Chaqdata da ñishitaique da saÿamaxajñi ca iÿa, yaqto' ishit da qanca'alaxateec.

1 Corintios 10:24

Qaica ca nmittaique ca maichi laÿamaxa. Chaqdata da nmitta'ai da ÿaÿamaxajñi ca lÿa.

2 Corintios 1:15

Qaq 'eda da sepe'etalec co'ollaxa. Qaq ÿoqo'oyi huo'o da iuennataxa da sa'auaxaañi da qami' ñoqo'onalo, da yaqto' qauamaichiguiñi da dos da shi'iguelaxalec da qami' ñamaqtegalo.

1 Ts 2:11

Nataq'en qauaÿajñiite' qomi' co'ollaq qami' souaqta'agueta, qalaq se'enaxataqteguem ca shiÿaxaua da i'añaqchit qataq ÿanem da lamaiquiaxac ca llalec.

Hechos 20:33

Aÿim sa ishit da chochi ñaquitta'a co'ollaxa aca alom huo'otaq ca logoxot ca camachicague't shiÿaxaua.

1 Ts 2:8

Qomi' ÿataqta saq llalcolec da qadauotaxanaqtaic da qoñiita. Ÿoqo'oyi saqdata da qami' sanaxama da no'on qad'axaÿaxac mayi chigoqo'ot ñi Dios. Nataq'en huac da ÿataqta qami' sanaxama da maichi qanachaalataxac, souaxat da ÿataqta qami' qanauochaxa'u.

Filipenses 4:17

Qalaxayi aÿim sa ishit da chaqdata da iuennataxa da saconguet aca ñitaunaqte. Cha'ayi chaqdata da aÿim ñishitaique da nquictashiguem da qad'onataxanaxaqui, da yaqto' qami' ishiite'n qome ñi Dios.

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

1 Corintios 16:5

Da ÿiquiaxac sauotaique da sa'auaxaañi da satelec yi 'alhua, l'enaxat Macedonia, qaq qom ime, nachi ñoqo'ona na Corinto.

1 Corintios 11:34

Qaq da huo'o ca ÿoqouat, qaq no'on da lqui'aqa' ca maichi lma', yaqto' ñi Dios sa ishit da ÿauo'o ca qanhuaxanaguiiqui, souaxat de'eda qoñiitec da qalapoñiÿa't. Qaq na laÿipi lataxacpi maichi saÿamaxajñi qom ivita da qami' ñoqo'onalo.

1 Corintios 4:19

Qalaxayi saqaÿaloq da qami' ñauaneto, qom aÿim ÿanem ca ÿiquiaxac so qadataxala'. Hua'a, qanachi ishit da saÿaten chaq 'eetec da l'añaxac que'eca ñi'oxonnaxaicpi, yaqto' sa ishit da chaqdata da l'aqtac mayi qai'axattac.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

1 Corintios 9:18

Qaq ÿoqo'oyi de'eda ñishiitenaguec nachida da ñitonaxac da sa'axattac ca n'aqtac mayi chigaqaigui da nca'alaxa da sa ishit da aÿim qaishiiteetac. Qaq sa ishit da aÿim shictega da shinec da huo'otaq seque'etapigui da i'aqtaxanaxac.

1 Corintios 9:19

Nai'ctaxa da qaica ca aÿim l-latac, qalaxayi se'enaxat da 'ico' aÿim l-latac 'enauac na shiÿaxauapi, yaqto' ÿataqta saqalota na ÿaueguec shiÿaxauapi da i'amaqten so Cristo.

2 Corintios 11:9

Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

2 Corintios 12:13

Cha'ayi da qoñiita sa ishit da huo'otaq se'enaxatteguem cam 'ico' qaica ca naigui da sa ishit da qoñiÿa'am ñaqashin nam laÿipi 'amqajnataxanaxaicpi, chaqdata da aÿim maichi ñalligoxottela't da sa ishit da huo'o ñaq'en ca nsallaxaueetapegue' aÿim da qoñiita. Qaq ¡qauchoxoyiñi qome aÿim souaxat da 'ico' qami' so'ota'n!

Gálatas 4:19

Qami' ÿalqolqa, nagui qaltaq ipactegue da ñiqui'ic, souaxat da qoñiita, shiita'am aca 'alo da dachitattac, souaxat da huotaique da deco'o. Qaq nachi shictot qome da ñique'ejnaxac, chochi ivitta'a so Cristo da qami' quichiguilo da lataxac.